شلون تعرف اذا دشوا بجهازك وبخطوات سهله وسريعه

[RichMan]

مرحبا-بالطريقه السريعه هذي تقدر تعرف اذا جهازك ممكن الدشه عليه او سبق ان احد دش عليه0
اولا:
روح لستارت بجهازك Start واختار منها تشغيل Run واذا بطلتها يطلع لك مستطيل فاضي اكتب فيه جذي win.ini راح يبطلك مربع وفيه حجي وايد شوف ثالث سطر راح تلقى هالكلمه run= لازم يكون ورى علامة يساوي= فراغ واذا كان في شي مكتوب فهذا ملف تجسس او تروجين ولازم تتخلص منه-مثال:
run=abcdefg طلعت لك جذي يعني في عندك ملف تجسس ولازم تتخلص منه-تاخذ اسم هالملف وتروح تدوره بالفايند فايل find واذا لقيته امسحه علطوول وبمثالنا هذا تدور فايل داخل جهازك اسمه absdefg واذا لقيته امسحه-يمكن ماينمسح معاك او يرفض الجهاز مسحه لانه خلاص صار مستخدم من قبل وندوز اهني لازم تنزل برنامج The Cleaner وهذا البرنامج كفيل بانه ينظف جهازك من كل الباك دورز والتروجينز0
ثانيا:
سو نفس الخطوات اللي قبل run وعقب اكتب جذي system.ini ودور هالكلمه shell=Explorer.exe اذا لقيتها بس جذي اوكي اما اذا لقيت ورى الاكسبلورر اسم برنامج ثاني امسحه علطول0
اتمنى السلامه للكل وشكرا

[حــلا]

معلووومات مفيده .. احتاجها تصدق .. خاصه وان الشبكه مافيها امان ..
مشكوووووووووووووووووووووووووووور على المعلومات http://www.kuwaitchat.net/ubb/ubb/smile.gif

------------------
حـــــــــلا
http://www.moveed.8k.com/images/java/animals/30.gif

[meshooooo]

السلام عليكم ورحمه الله وبركاته.......
لوسمحت ممكن تكتب الاشياء الي قلتهابالعربي .مثلاrun هذي وين القاها باستارت .
وشكراااااا.

[meshooooo]

مشكوووووور انا الحين عرفت .. لا وصار عندي تجسس مشكور مره ثانيه

[^Zainah^]

هذي المعلومه حلوه .. انا الحين لقيت عندي ملف تجسس بس وين ادروه.. الفيند فيل الي اتقول وين صاير؟؟؟؟؟ومشكور

[RichMan]

مرحبا

الفايند فايل:-
اذا كان الوندوز انجليزي اتبع الخطوات هذي:_

1-Start
2-Find
3-Files Or Folders
عقب يطلع لك مربع البحث مكون من ثلاث خانات
الاولى تحط فيها اسم ملف التجسس اللي طلع لك
الثانيه خلها فاضيه
الثالثه تاكد ان المحرك اللي فيها اهو محرك السي :C
اما اذا كان الوندوز عربي:_
1-ابدا
2-بحث
3-الملفات او المجلدات
يطلع نفس المربع اللي فوق وسوو نفس الطريقه http://www.kuwaitchat.net/ubb/ubb/smile.gif)
انصح بتنزيل برنامج Zonealarm
هذا البرنامج للحمايه وقوي وايد مايخلي شي يدش بجهازك الا بموفقتك على دخوله واذا ماعرفت مصدره امنعه من الدخول
مكان البرنامج http://www.zonealarm.com
شكرا


------------------
http://www.harrythecat.com/graphics/k/dollar6.gif

[alhindi]

يعطيك العافيه يا ريشي وكثر الله من امثالك لانك بالمعلومات هذي تنورنا وشكرا جزيلا

[بو علي]

إلى الأخ العزيز RichMan
تحية طيبة
بصراحة معلوماتك مفيدة الله يعطيك العافية
الحمد لله ما طلع عندي ملف تجسس

------------------
سلامي لأهل الكويت

[اخر حبيب]

أحب أضيف شغلة على كلام أخوي RichMan
في ملف win.ini
مو بس run= لازم يكون وراها فراغ بس هم لازم ورى load= يساوي فراغ
يعني هذا المفروض إنك تشوفة إذا جهازك نظيف
[windows]
load=
run=

في ملف system.ini
المفروض يكون shell=Explorer.exe فقط
مايكون وراه إسم ثاني .. في ملف تجسس مشهور وشكثر ناس إنخدعت فية إسمة Explorer32.exe
لاحظوا الشبة الكبير بين الإسمين الفرق بس بالرقم 32
العادة يكون هذا الملف مكتوب بهذا الشكل تقريبا
shell=Explorer.exe,,Explorer32.exe
فا أجوا إنكم تنتبهون لهذة النقطة

في شيء ثاني حبيت إني أقولة وهني نصيحة لاتستخدمون هذا البرنامج LookDown2000
هذا يقولون إنه برنامج حماية بس هذا البرنامج يحتوي على منفذين ممكن الهكرز يدشون منهم http://www.kuwaitchat.net/ubb/ubb/smile.gif
وأرجوا إنكم تبتعدون عن برامج الهكرز .. لأنه مثل ماإنت بهذي البرامج تدش على الناس .. اكيد الناس راح يدشون عليك .. http://www.kuwaitchat.net/ubb/ubb/smile.gif لأن كلة تجسس بتجسس


مع تحياتي/ آخِـر حبيب

------------------
قلتلك ياقلب لا تامِـن غريب ليش تحرقني معاك و تحترق
بهالزمن ينساك حتى أقرب قريب الوفاء في هالزمن حبر و ورق
أنا مو أول ولا أخر حبيب بالنهاية مع حبيبة يفترق
من متى صابت معي حتى تخيب البخت وياي عمره ماصدق
من يداوي جرح اللي ما يطيب من يرد اللي من أيامي أنسرق???