||||| حلى ( المارس ) |||||

[* الحـــــــالمة *]

السلام عليكم ورحمة الله وبركاته


بما إن أغلب عضواتنا الحبوبات سووا الحلى الأول ..

ونال إعجابهم .. :) و الحمدلله ..

فإليــــــــــــــــكم الحلى الثاني ..

يالله جهزوا الورقة والقلم ..
ولا شغلوا الطابعة :cool:

========



* المقادير :

نص كاس كبير سكر
نص كاس كبير جوز هند

ربع كاس كبير سمسم
ربع كاس كبير زيت

1 كاس كبير حليب جاف
بيضتين يعني 2 بيضة :D


** الطريقة :

اخفقي البيضتين بالخلاط الكهربائي
حمصي الحليب (( ضعيه على النار )) حتى يكون لونه أشقر
وبعدين أضيفي الحليب المشقر و كل المقادير الباقية .. على البيض المخفوق و أخلطيهم زيــــــــــــــــــــــن .. :)

حطي الخليط بصينية مناسبة .. وعلى الفرن
كم ياخذ وقت .. مادري بالتحديد .. بس مايطول ..

وبعدين حمريه على خفيف من فوق ..
===============


::::::::::::::: الطبقة الثــــــــانية ::::::::::::::

المقادير :

قشطة
2 مارس كبير
(( المارس أفضل شي لان فيه الكراميل تخلي الخليط ثقيل ومتماسك ))

سوي حمام مائي .. لهم ..
و اسكبيه على الصينية .. وبعدين عالثلاجة ........

وبس ....... ;)


========



كيف الحمام المائي يصير ؟

تحطين المقادير اللي هي القشطة والــ2مارس
وتحطينهم بزبدية كبيرة مرتفعة أو عميقة ..
وتحطين الزبدية على صينية فيها موية ..
وشغلي النار من تحت الصينية .. واخلطي بالخلاط الكهربائي

إليـــــــــن مايصير خليط متمازج .. :)


========


وبالعاااااااافية

يالله .. أنا بانتظار ردودكم ..

نبغى حماس أكثر من الحلى الأول ..

;)

[* الحـــــــالمة *]

اللي ماتبغى تسوي الطبقة الثانية بالطريقة السابقة ..

ممكن انها تسوي طبقة الحلى الأول .. اللي هي ::

جهزي الخلاط الكهربائي ..
وحطي فيه

11 ( جبنة كيري )
علبة ( حليب نستلة مركز )
ملعقة كبيرة ( شوكولاته )
ملعقة ( نسكافية ) <== مو لازم .. بكيفك !

بعد ماتخلطينها بالخلاط .. اسكبيها على الصينية ..

[حزن اااااااالسنين]

:eek:




اللــــــــــــــــــــه يالحالمه تسلم ايدك علي الحلي0000 تري ما تعشيت للحين0000000000000 بس تخيلت اني اكله:D لذيذ




الاحلي بكره الخميس ((يوم فتح الشهيه العالمي))بسويه ((وباكله بروحي 0000لاتفهميني غلط ((بجربه بس));)















ومشكووووووووووووووووووووووووووووووووووووووووووووووووووره:D

[بنت الكويت]

كل شي فرن..:(

نبي حلو بدون فرن..على ما اتعلم على الفرن..

الشاطره الي اتقول جم مره قلت كلمة فرن..:D

[* الحـــــــالمة *]

حزن السنين ..
شاطرة عروستنا سويه .. وتعلمي قد ماتقدرين طبخات

ترى الحكمة باقية مابقي الرجال اللي هي ::

(( أسهل طريق لقلب الزوج * معدته * ))

;)

سامعين ياعرايس .. :cool:

========

بنت الكويت ..

في حلويات بدون فرن .. :)
بس تعالي قوليلي .. انتي اش معقدك من الفرن !!

لاااااااازم اعرف السر و أعالجك من عقدتك !!! :cool:


========


انا اليوم سويته .. http://montada.kuwaitchat.net/msgs/images/icons/icon104.gif

لذيـــــــــــــــــــذ .. ماتحملت اكتب طريقته وما اسويه :D

==========

[متفائلة]

يعطيج العافيــة عزيزتي الحالمــــة ..

مو بس بنت الكويت متعقدة ..

انا بعد متعقده من البيض .. ما حبه أبد ..

[* الحـــــــالمة *]

الله يعافيك متفئلة :)

البيض طعمه و ريحته ماتظهر .. لأنه شي طبيعي تحطين الفانيليا وراه ..
فماراح يظهر البيض

[بنت الكويت]

ابشرج راحت عقدة الفرن..

بس ابي اسئل الطبقه الاولى احمرها من فوق بس..

لان بيني و بينج عقدتي اشلون اشب الفرن من تحت بس اذا من فوق بسيطه..

وبالمناسبة كلمة اسئل..اهيا تنكتب اسئل و لا اسأل..؟

[النـــدى]

في فرق بنت الكويت بين اسئل واسأل

أسأل يعني انا اسأل يعني فتحة على الهمزة
و اسئل يعني تقولين حق احد روح اسئل الهمزة الاولى كسره!!
وقلتي فرن 3 مرات:D

والحالمه :D
بسوي ان شالله واعطيج خبــــــر
ويسلموو ياحلو

[* الحـــــــالمة *]

بس ابي اسئل الطبقه الاولى احمرها من فوق بس..




لا والله مو بس من فوق !:0:
انا شلون كتبت من فوق بس ؟؟!!!!!:p


اكيد كان خطأ مطبعي ..
والصح : من تحت و فوق .. عادي ..

ومبرووووووووووووووووووووووك على انتهاء العقدة :);)
=========

أسأل .. :)

=========

الندى ..
يالله شااااااطرة حبيبتي ..
بانتظار النتيجة المبهرة .. :D

[* الحـــــــالمة *]

الندى حرام عليك ..
بنت الكويت قالت الفرن مرتين بس .. مو ثلاث ..
لوقالتها ثلاث مرات كان قلنا العقدة ثابتة ماراحت .. :D

[بو فراس]

مبين خوش حلو بس فيه جوز الهند :( لايحوشك

[moonah]

تكرر هههههههه

[moonah]

تسلممممممم الايادي الحالمة

اهم شي السهالة ومقوماتها متوفرة مع التموين تحسين مانبي نتعب و نخسر ههههه

خل اقول لج عن جبن بدل جبن الكيري ..ساعات اتحسف احطه بطبخة للتجربة عشان اذا اخربت مايروح علي لانه غالي ههههه حية قلب

جربي بدل جبن الكيري جبن مثلثات ابو الولد او malek القديم اذا تعرفينه ..يعطي نفس مفعول الكيري ورخيص هههههه اهم شي

على شرط اذا بتقدمينة حق خواتج واهلج بيمعتكم عادي اما حق زوار مهمين مثل رفيجات الدوام والا اهل ريلج لا لا حطي كيري اكشخ هههههههه
ومشكوورة ماقصرتي على اطباق الحلو

[* الحـــــــالمة *]

بو فراس ..

انا الجوز هند هذا كان من ألد أعدائي :)

الحين صرنا حبايب من هالأكله ..

==============


منى !!!!!!!!!!!!!!!!!!!!!!؟؟

ابو ولد عاد ..!!!
بتصير مالحة شوي ..

وترى احنا كذا ياللي يحبون الطبخ .. يحبون يقتصدون ..:)

[بو فراس]

كان فعل ماضى :(
حسبالى تكرهينه

عادى عكس الناس :)

اكره شى عندى

جوز الهند
الكشمش

[* الحـــــــالمة *]

الكشمش

بو فراس لاتعصب ..
أعرف ناس لما يعصبون يلخبطون بالكلام .. :D

[بنت الكويت]

ههههههههههه..


الحالمه..الكشمش يعني زبيب..

عاشت المترجمه..:D

[* الحـــــــالمة *]

ههههههههههه..


الحالمه..الكشمش يعني زبيب..

عاشت المترجمه..:D


:0:

حسبت قصده ( المشمش )

:00



|
|
|
|


عادي عادي ..

تعودت ما أفهم بعض الكلام
:D

[المتفائله]

أي والله عاشت مترجمتنا وطباختنا
تسلمييين على الحلى اذا مداني راح اذوقك اياه انشالله