فطائر مثل فطائر المطاعم

[العصفورة الزرقاء]

السلام عليكم ورحمة الله وبركاته
هذه الفطائر رائعة بما تحمله الكلمة من معنى فقد جربت كثيرا والنتيجة ممتازة وتصلح لكل انواع الفطائر مثل السكرية و البيتزا و الخلية والى اخره
المقادير:-
4 كاسات طحين - بياض بيضتين او بيضة - ربع كاس سكر - ربع كاس زيت مازولا - ملعقة طعام خميرة - ملعقة متوسطة بيكنج بودر - ملعقة طعام ملح - 4 ملاعق نيدو -فانيليا حسب الرغبة نصف ملعقة صغيرة - ماء للعجن
الطريقة:-
نخلط المواد الجافة مع بعض ثم اذا عندنا عجانه نضع بياض البيض + السكر فيها وتخفق جيدا ثم نضيف باقي المواد ممكن ان نضع الخميرة + قليل من السكر + نصف كاس ماء حتى تختمر ثم نضيفها الى العجانة ونضيف الماء على دفعات صغيرة حتى نحصل على عجينة متوسطة الليونة يعني ليست رخوة ولا شديدة جدا ( للرق)
بعد ذلك تخمر لمدة ساعة ثم تعجن ويعاد تخميرها مرة ثانية لمدة ساعة حسب الطقس ثم تقسم كور بحجم اليمع يعني قبضة اليد وترق دائرية بسمك نصف سانتيمتر ثم تقسم مثلثات وتوضع حشوة الجبن ( كيري + لبنة) وتلف بشكل كرواسان ثم توضع على صينية فرن لا تلتصق وتترك لترتاح حتى يحمى الفرن ( الشعلة السفلية ) قبل ان تدخل الفرن تدهن بحليب + سكر او صفار بيضة + فانيليا
تزج الى الفرن ثم نخفض الحرارة وتكون على الرف الثاني من اسفل وتترك حتى يصبح اسفلها احمر ثم يطفى الفرن ونشبه من فوق حتى يعطينا اللون المميز
وبالعافبة

[بشـــــرى]

يعطيج العافية أختي العصفورة على هذه الوصفة ..

وبانتظار وصفات أخرى

:)

[بوعلى]

نبي صورتها شدعوة
لانه العين تاكل قبل الفم:)

[غصون]

ألف شكر اختي العصفورة عالوصفة بجربها واقولج :)

[العصفورة الزرقاء]

السلام عليكم ورحمة الله وبركاته
شكرا لكم والله يعافيكم ويخليكم جميعا والصراحة الوصفة جدا رائعة وتغني عن الصورة وانا حاضرة لاي استفسار وشكرا لكم غصون وبشرى وبو علي على هذا التشجيع اللي اسعدني

[بوعلى]

حاظرين ييطيبيـــــــــــــــــــــــــــــــــــــن :)

[om_mo3ath]

هلا اختي العصفووره انتي مجربه الطريقه والا ناقلتها ..
لانه بصراحه الفطاير من الاشياء الي صعب نجاحها في البيت ..
وحتى لو انجحت ماتصير مثل المطاعم :)

[moonah]

هلا اختي العصفووره انتي مجربه الطريقه والا ناقلتها ..
لانه بصراحه الفطاير من الاشياء الي صعب نجاحها في البيت ..
وحتى لو انجحت ماتصير مثل المطاعم :)
السلام عليكم
اختي ام معاذ بعد اذن العصفورة اوضح لج سر نجاح العجينة في البيت من خلال تجربتي طبعا
شوفي :
اولا العجينة كثر ماتعجنيها تطلع طرية وهشة واحسن من المطاعم
واقول لج على طريقتي بالعجينة تقريبا نفس العصفورة بس بدون بيض
تاخذين 4 اكواب طحين ويفضل دقيق المطاحن الكويتية الابيض
تنخلين الطحين مع نص ملعقة بكين بودر وربع ملعقة ملح
تخذين ملعقة ونص كبيرة خميرة فورية الحبيبات وتحطينها بقلاص وتظيفين
عليها ملعقة كبيرة سكر ونص كوب ماء دافيء وتتركينها لما تنفش
نرجع للطحين ...اذا عندج عجانة كينوود زين على زين توفر عليج تعب العجان
تحطين الطحين بسلطانية مقورة وتضيفين عليه 4 ملاعق حليب بودرة
وربع كوب زيت مازولا ..واذا زيت زيتون بعد احلى تعطي طعم
وتضيفين عليهم قلاص الخميرة اللي خمرتيه مع السكر
وقلاص كبير ماء دافي تصبين على الطحين شوي شوي وتعجنين لما تشوفين العجينة
صارت طرية وماتلصق بالايد ..طبعا يعتمد على تقديرك بالعجن يعني لاتزيدين ماء وايد
ولا تقللين عشان ماتطلع ناشفة ..
طبعا تغطين العجينة بالنايلون وفوطة وتحطينها بمكان دافي مدة من نص ساعة ال ثلاث ارباع
الساعة ...تشوفينها انتفشت وارتفعت ...طبعا عجنيها مرة ثانية بالايد مايحتاج عجانة
وشكليها وحشيها على حسب ذوقج ..انا مثلا اسوي اسهل طريقة مثل الكيك
اذا عندج صينية كيك المدورة القديمة المخرومة من الوسط ...تدهنينها بزيت وترشين
عليها شوي طحين عشان ماتلصق ..وتاخذين كرة صغيرة من العجينة تكورينها بايدج
وتحفرينها من الوسط وتحشينها كيفج دجاج لحم مفروم انا حشيتها جبن ابيض مخلوط
مع زيتون اسود شرائح وشوية نعناع ..وتكورينها وتغمسينها بالزيت الزيتون والزعتر
وتصفينها بقاع صينية الكيك وتكون الكور متلاصقة جنب بعض مثل جذيه :
7
7
http://www.w6w.com/w6w.php?pic=293241

لما تصفين كور العجين كلهم بالصينية تغطينها بفوطة او قصدير وتتركينها ربع ساعة
وبالفرن تكونين مولعته قبل ربع ساعة على درجة 180 تدخلين الصينية وتتركينها
20 دقيقة لا تفتحين الفرن قبل مرور ربع ساعة ولما تحمر تطلعينها من الفرن وتغطينها
بقصدير مثل ماسويت عشان ماتنشف تقطعينها مثل الكيك وهذا شكلها النهائي
طبعا هذا شغل ايدي ...وبالعافية عليج
7
7
http://img.photobucket.com/albums/v607/Moonah/PHOT0010.jpg
ملاحظة :
تقدرين تشكلين العجينة على كيفج يعني ممكن تسوين كور متباعدة تطلع مثل معجنات المطاعم
وشكرا لصاحبة الموضوع

[بوعلى]

شنو هذا يا مني شنو هذااااااااا
شهالشطارررره ياناس ؟
العجينه ماشاء الله جنها حايشها : خـــــــــــــاز بـــــــــــاز
هههههههههههههههههههههههههههههههههه
خلاص سويلنا خليه نحل :)

[moonah]

ههههه بوعلي شفت اشلون يعني مو بس شاطرة بالالعاب حتى بالطباخ عند ويهك
شوف هذي العجينة نقدر نسوي منها خلية نحل نحشيها جبن كيري
ونصفها بصينية دائرية وندخلها الفرن
وعقب ماتطلع نصب عليها شيرة
وبالعافية

[بوعلى]

الله يعافيج
وجبنه البقرات الثلاث او فرنسي غننننننننننننننننننننم