إسكالوب دجاج بالموزاريلا

[بو فراس]

السلام عليكم ورحمة الله وبركاته


لقيت لكم هذه الاكله وعسا تعجبكم واذا سويتوها طرشوها لى اتذوقها :)



المقــادير:



6 قطع صدر دجاج، 150غ القطعة



1 مغلف ماجي أسرار خلطة البروست



1 ملعقة كبيرة كزبرة طازجة، مقطعة ناعما



قشر ليمونة عدد 1



50غ جبنة موزاريلا مبشورة



2 بيض، مخفوقة



2 كوب زيت نباتي




طريقة التحضير:

. يقطع كل صدر إلى قسمين.
. تمزج ماجي أسرار خلطة البروست مع الكزبرة وقشر الليمون والموزاريلا.
. تغمس قطع الدجاج في البيض ثم في خلطة البروست وتوضع على طبق.
. يسخن الزيت في مقلاة على حرارة متوسطة، وتقلى إسكالوب الدجاج جيدا لمدة 7-10 دقائق حتى تكتسب لوناً ذهبياً.




. اقتراح للتقديم:


يقدم مع السلطات والبطاطس المهروسة أو المقلية.




بالهناء و الشفاء

[بشـــــرى]

.. يعطيك العافية بو فراس ..

.. شكلها لذيذة ..

واللي يسويها يحسب حسابي بعد :D

[بو فراس]

يعافيج يا بشرى

افا قلت انتى تتبرعين و تسوينها وتكسبين اجر فينا لما تسوينها وناكل منها


صراحه ودى اسويها بس بطول فيها يمكن نص يوم :)

[ذات الخيال الواسع]

شغل عـدل بوفراس .. هالمره طبخ
خلاص ولا يهمكم انا أسويها وطرشها ... وعليكم الحساب جم يوم على ماتوصلكم ؟
تحملوا ....
يعطيك العافيه :)

[بو فراس]

ذات الخيال الواسع :

يقولج التغير حلو موكلا رياضه نعر على الاكل شوى :) بسوالف الاكل اقدر أألف اكلات من مخى خصوصا الدياي
ليش جم يوم وين ساكنه؟؟
انتى سويها وبشرى ونشوف منو الى تضبطها عدل :)
ويعافيج

[بشـــــرى]

ممتاز ذات الخيال .. إنتِ سويها والحساب على بو فراس هو صاحب الموضوع :D

بو فراس .. لا تدخلني مسابقة بالطبيخ .. ما أنفع ...... :)

[ذات الخيال الواسع]

هلا بو فراس
إيه والله إنت تحب التغيير والأكشن لازم تغير مو كله رياضه ومسابقات :)
ساكنه بالرياض
والرياض = السعوديه
عاد عليك الحساب جم يبيلها يوم على ماتوصل
ياتوصلكم مقطنه يامعفنه
-----------------
ومثل ماقالت بشرى
الطبخ عليه والحساب عليك بوفراس
عاد أنا بالطبخ 100 % مداح نفسه يبيله ............. ؟
-

[بو فراس]

بشـــــرى :

ولايهمج حاضرين يابشرى على الحساب فى شى ثانى بعد؟؟؟
ليش ماتنفعين؟؟ عيل يبيلج كورسات طبخ وبتبرع وبعطيج كورس عن البيض لانه تخصصى :) ومافى مانع نساهم بخبرتنا بالاكلات الكويتيه القديمه




ذات الخيال :
هلا فيج
بعد شنسوى الزمن بس التغير يعتمد على المزاج :)
والنعم بأهل الرياض ذكرتيى بالازمه ايام الغزو خبرى بالرياض ايام عقاريا و حى صلاح الدين و القاعده الجويه ايام مرت وكبرنا وشيبنا :)
مااعتقد بتعفن الاكله حطيها فى ماعون مايدش فيه هواء وبالحصان توصل بسرعه واذا البعير احسن واحسن

[ذات الخيال الواسع]

خوش عـيل أطرشها على بعير اسرع

هني وعافيه مقدما

[بو فراس]

يعافيج
وبانتظار البعير وياريت يكون عربي اصلى 100% وليس مخلط


والاكلات يايه بالطريج بس شنو تحبون اكثر شى؟؟ دياى ولا سلطه ولا حلو

[ذات الخيال الواسع]

بوفراس مانبي شي فيه دياي :(

نبي حلويات .. أيس كريمات ..عشان نصير بطات

مـعـجنات ,, سندويتشات ,,

يعطيك العافيه

[بو فراس]

يعافيج يا ذات الخيال

اشوف شنو عندى وانزله :)

[بشـــــرى]

بو فراس ..

ممتاز .. أكلات كويتية قديمة .. شرط تكون سهلة التحضير .. ما تاخذ وقت ..ناطرين


:)


ذات الخيال ..

ما شاء الله عليج شكلج طبيخة على مستوى .. :)

يالله .. حضري لنا جم طبخة على مستوى .. واكتبيهم لنا ..


وهم بعد ناطرين


:)

[بو فراس]

بشرى :

الاكلات الكويتيه القديمه ذات نكهه وطعم صراحه


تعرفين اليريش المنهنه؟؟؟
قبوط
عصيده

وبالنسبه للحلو

سمسميه
غريبه (تنطق اغريبه)


هذا الى فى بالى حاليا
واذا عرفت شى بقولكم

[ذات الخيال الواسع]

يم يم يريش منهنه .......... قـطرت سعـبولتي
والي يعافيك بوفراس مانبي لا هريس ولا يريش ولا قبوط ولا شبزي ولا برياني
ولا كبات ولا سمبوسات ............ لووووول أشبقـى
والله عارفينهم :(
نبي شي يــديــد شيف بوفراس
حتى الحلويات نبي شي يــديــد ..... والله ملينا السمسميه
_________
هلا بشوره
إيه والله أنا هوايتي الطبخ .. وأستمتع وأنا أطبخ
ولا يهمج يالغاليه بعطيج طريقة كنافه بالشعريه الباكستانيه
سهله واايــد ولذيذه .. وإن شالله تعجبكم
وبنافس الشيف بوفراس

[بشـــــرى]

اليريش ؟؟

ساعة وأنا أقرا هالكلمة .. تالي استوعبت

قصدكم الجريش :D

طيب ..

يعني كسبنا شيفين ..

للموالح بو فراس ..

وللحلويات ذات الخيال ..

:)

يالله ناطرينكم

[بو فراس]

اى هذا هو الجريش = اليريش حرف ج ينقلب الى ي :)

اذا انتى تعرفين فى ناس ماتعرف يا ذات الخيال الاكلات الكويتيه القديمه

واذا فى شى غير الاكلات الكويتيه بحطها

ياسلام يا بشرى وزعتى التخصصات اشوف انا موالح صرت :)

عاد تخصصى بيض


تعرفون شوربة الحريره؟؟؟؟ اصلها مغربى

اذا ماتعرفونها علشان احطها



ذات الخيال :
ذاك اليوم اختى سوت لنا الكنافه الباكستانيه ماعون كبير خلص بنفس اليوم وللاسف ماكليت الا شويه راحت على بقول لها تسوى لى باجر :)

[ذات الخيال الواسع]

حط لنا شوربة الحريره عشان نجربها
أيهم أحسن وأسهل !!!
طريقة كنافتي ولا طريقة كنافة أختك ؟؟
صج إهيا لذيذه
وناطرين الـشـوربـه شيف بو فراس
_______________
وعلى فكره بشوره
المقادير الي حطيتها للكنافه تطلع مع التقطيع 30 قطعـه
وكل ماكانت واطيه أقصد إرتفاعها كل ماكانت احسن

[بو فراس]

ان شاء الله اليوم انزل الشوربه ولايهمج

[ذات الخيال الواسع]

نـاطـرتـهـا .....