المساعد الشخصي الرقمي

مشاهدة النسخة كاملة : مطبخنا


الصفحات : [1] 2 3

بو فراس
29-12-2004, 08:09 PM
السلام عليكم ورحمة الله وبركاته


حبيت انزل هالاكلات وعسا تعجبكم وعلى طول بيكون الموضوع من انتاجى و اخراجى :) والى يحب يضيف اكله اى كان نوعها يتفضل مشكورا بس ياريت تكون سهله مثل البيض :)



واول الانتاج هالاكله او بالاخص شوربة الحريره

اصلها مغربي بس مذاقها موطبيعى صراحه اول مره تذوقت هالشوربه فى السعوديه بفندق الخزامى (اثناء الازمه) واخيرا لقيت الطريقه و سوينها برمضان وتعودنا عليها الحين



الحريره

المقــادير:



4/1 كوب أو 50 غرام من الزبدة (يفضل الدهن احسن اقصد زيت الذره جذى) الزبده ثقيله للمعده

400 غرام من لحم الغنم المقطّع إلى قطع صغيرة

250 غرام أو بصلتان صغيرتان، مقطّعتان إلى مكعّبات صغيرة

6 أكواب أو لتر ونصف من الماء

3 مكعّبات من مرقة الدجاج ماجي

300 غرام أو حبّتان متوسّطتا الحجم من البندورة المقشّرة والمفرومة فرماً خشناً

ملعقة كبيرة من ربّ البندورة (هذا ماعرفته وعطيته طاف)

4/1 ملعقة صغيرة من الكركم

رشّة قرفة ( دارسين)

4/1 ملعقة صغيرة من الزنجبيل

4/1 ملعقة صغيرة من الفلفل الحلو

4/1 ملعقة صغيرة من الزعفران (اختيارى)

4/1 ملعقة صغيرة من الفلفل الأسود

2/1 كوب أو 35 غرام من البقدونس المفروم فرماً ناعماً

2/1 كوب أو 35 غرام من الكزبرة المفرومة فرماً ناعماً

2/1 كوب من الحمّص المسلوق (الى يحطونه للكشرى )

عصير ليمونة حامضة

4/3 ملعقة كبيرة من دقيق الذرة المذوّب في ملعقتين كبيرتين من الماء

ويضاف ايضا النخى المطبوخ يبيعونه بالجمعيه وحطيه مع الشوربه


طريقة التحضير:

. تًُلوّح قطع اللحم والبصل مع الزبدة في قدر كبيرة حتّى يصبح لونها بنياً.
. يُضاف الماء مع مكعّبات مرقة الدجاج ماجي، البندورة، ربّ البندورة والتوابل. يُغلى المزيج، ثم يُغطى ويُترك على نار هادئة لمدّة ساعة كاملة أو حتّى ينضج اللحم.
. يُضاف البقدونس مع الكزبرة، الحمّص، عصير الليمون الحامض ودقيق الذرة مع الماء. يُترك المزيج على نار هادئة لمدّة 5 دقائق إضافيّة.
. يقدّم الطبق ساخناً.



وبالهناء و الشفاء

بو فراس
29-12-2004, 08:13 PM
نسيت احط الصوره لكم :)

بشـــــرى
30-12-2004, 12:47 AM
* فكـــرة حلـــوة بــو فــراس *

كتلوج للطبخ الخفيف ...

ويعطيك العافية على شوربة الحريرة ..

وإن شاء الله تكون لي إضافات .. خصوصا الشوربة من أسهل الطبخات ..

* لـــي عــودة *

little^star
30-12-2004, 11:18 AM
Frappuccino

بما ان في وايد ناس يحبون الفربتشينو وانا اولهم فحبيت انقلكم اياه..


- الطريقة -

* خمس ملاعق كبيرة من حليب نيدو او حليب كليم اي حليب بودرة
http://forum.hawaaworld.com/files/62929/klim.jpg


* ملعقة كبيرة نسكافيه
http://forum.hawaaworld.com/files/62929/nescafeeee.jpg


* خمس ملاعق كبيرة سكر يحبه حلوو حسب الرغبة


* ثلج مكعبات
http://forum.hawaaworld.com/files/62929/thalj.jpg


* خلاط
http://forum.hawaaworld.com/files/62929/39aara.jpg


* ماء


[line]


- الطريقة -

* نحط مكعبات الثلج في العصارة الين ماقبل الربع
* وبعدين ماي الين النص
* واخر شي السكر والحليب والنسكافيه
* تشغلين الخلاطة الين ماتشوفين صار مثل الكريمة
في خلاطات خاصة تسوي الخلطة مثل الكريمة .. انا سويته بالخلاط العادي


* وبعدين ييبي الكاس الحلوو .. وصبي فيه
http://forum.hawaaworld.com/files/62929/kaas.jpg

وهاذي صورته..
http://forum.hawaaworld.com/files/62929/nescafe2.jpg


ترا الطريقة سهلة وسريعة بشكل ما اتصورونه ..
يعني انا قلت حق الشغالة الطريقة .. خمس دقايق والا اهيا يايبته !
يعني مشروب منقذ لي يوكم اضيوف واحترتو شنو تقدمونهم ;)

بو فراس
30-12-2004, 09:18 PM
بشـــــرى :

يعافيج وماسوينا شى :)

لاتحتار الاكل عندنا ويراعى لكل اختيار




ليتل ستار :

مشكوره على هالطريقه واهم شى الصور صراحه تعطى ايحاء بلذة شسمه فرابتشينو والله اسامى حدنا عصير برتقال ولا رمان :)



ومن ناحيتى اسال اختى آخر الاطباق الى تسويها وانزلهم

ذات الخيال الواسع
31-12-2004, 06:21 PM
خـوش شـعـار ...

"لاتحتار الأكل عندنا ويراعي لكل الإختيار

ماكلها عندنا بالسعوديه وبفندق الخزامى أيل اكيد لذيذه

بس وين أيام الأزمه ههههههههههه .. أهم شي انك مو ناسي طعمها

لي عـوده ومشاركه بإذن الله

يعطيك العافيه وماقصرت .....

بو فراس
31-12-2004, 11:02 PM
ذات الخيال الواسع :

لازم نراعى جميع الاذواق ونوفر لهم الى يبونه من جميع الاكلات قدر المستطاع وجميع الاكلات سواء الكويتيه ولا السعوديه ولا الصينيه و غيرهم مطبخ عالمى يصير :)



اكيد لذيذه ولا تتطوف هالشوربه صراحه

اايم الازمه لاتنسى ابدا مهما كبرنا وبعض الناس نسوا


ويعافيج وننطر تحطين اكله من ذوقج :)

بشـــــرى
03-01-2005, 12:41 AM
ليتل ستـــــار يعطيج العافية


واحنا بانتظار


آخر الأكلات أو المشروبات الخفيفة


:)

بو فراس
03-01-2005, 08:44 AM
ان شاء الله اليوم بنزل اكله بس للحين ماقررت شنو اهيا



بشوف اختى و يدتى شنو عندهم وانزله واتمنى احصل صوره للاكله

ذات الخيال الواسع
03-01-2005, 09:23 AM
وأكـــيـــد إحــنـــا بـنـتـظـارهـا :)

بو فراس
03-01-2005, 10:05 PM
طبق اليوم




أصابع الدجاج



المقــادير:


1 كلغ صدور دجاج (منزوعة الجلد والعظام) ساديا احسن شى صراحه
2 مغلف ماجي خلطة البروست
3 بيضات (مخفوقة)
2 كوب زيت واحسن شى عافيه المهم زيت ذره احسن




طريقة التحضير:
. تقطع صدور الدجاج على شكل أصابع.
. توضع محتويات مغلفي ماجي خلطة البروست في طبق.
. تغمس أصابع الدجاج في البيض ثم في خلطة البروست وتوضع على طبق.
. يسخن الزيت في مقلاة على نار متوسطة وتقلى أصابع الدجاج لمدة 5 - 7 دقائق حتى تصبح ذهبية اللون.

. اقتراح للتقديم:

. تقدم أصابع الدجاج مع الخضار المفيوحه على قولتكم سوتيه ( فطر - فاصوليا خضراء - جزر - بروكلى )، البطاطس المقلية وصلصة الترتار او HP او ليمون ياسلام






وبالعافيه عليكم
والى تسويها تطرشها لى
العنوان : الكويت :)

أندلسية
04-01-2005, 02:11 AM
السلام عليكم و رحمة الله و بركاته ..

جزااكم الله خير اخواني على هالموضوع ..

حلو يكون عندنا موضوع خاص بالطبخات :)

بس الله يهديكم ما بديتوا الا لما بلشت رجيييم .. و الله قهر :(

على العموم ان شاء الله بسس اشوف اي اكله حلوة و سهلة راح احطها لكم ..

هنييييييئا مريييييييييئا :)

عوافيي

ذات الخيال الواسع
04-01-2005, 08:40 AM
الله يعافيكم ,,
يم يم باين عليها لذيذهـ
لكن ينقص الدجاج شوية ملح وبهارات ..... مو عـدل
سهله واايـد ومايبيلها حوسه ..... وهذا المطلوب
يعطيك العافيه :)

بو فراس
04-01-2005, 11:20 AM
أندلسية :

وعليكم السلام ورحمة الله وبركاته
يعافيج وحياج
لاماكو رجيم اكلى ولعبى رياضه احسن شى المشى :)





ذات الخيال الواسع :

اكيد لازم شوى ملح بس فى ناس ماتحب البهارات يعنى الواحد يخاف على معدته
احسن شى سهل وخفيف للمعده




جربتى روب و بسكوت :) بسكوت المطاحن المربع
كنت اسويها ايام الجهل

حزن اااااااالسنين
05-01-2005, 11:18 PM
انا تخصصي حلويات0000ادخل المطبخ بشرب ماي اسوي كيكه:)

اما بسكووووت المطاحن عجيب اذا ما عندك شي اطحن البسكوت واخلطه بحليب نستله0000واذا ما عندك نستله ومالك خلق تروح الجمعيه0000طريقته سهله؟

3 فنجان قهوه حليب بودر
3 فنجان قهوه سكر
2 فنجان قهوه ماء او اقل شوي
تخلط جميع المقادير بالخلاط

واذا ما عندك خلاط000 بمضرب الحليب

واذا ماعجبك000ضيف عليه جوز الهند واذا ما تحبه بدل بكاوكاوواو فوقه جلي او00000000بالعااافيه





0000000000000شرايك مو اسهل من البيض0000000000000000

بو فراس
06-01-2005, 12:42 AM
حزن اااااااالسنين :

مشكوره على مشاركتج بالاكله الخفيفه و السهله :) بس ناقصها صوره

بو فراس
13-01-2005, 03:24 PM
السلام عليكم ورحمة الله وبركاته


نعود الى مطبخنا من جديد مع اكله جديده


أصابع الموزاريلا البروست


المقــادير:



2/1 كيلو من جبنة الموزاريلا ( بالجمعيه موجوده قالب ويقطع )

3 بيضات مخفوقة بشكل خفيف

4/1 ملعقة صغيرة من الفلفل الحار ( اختارى ) فى ناس مايحبون الفلفل الحار

ملعقتان كبيرتان من البقدونس المفروم فرماً ناعماً

مغلّفان خلطة البروست ماجي او كنور ( على حسب الكميه المستخدمه)

زيت نباتي للقلي




طريقة التحضير:

. تُقطع الجبنة إلى أصابع صغيرة الحجم. توضع على صينية مغطّاة بورق نايلون لاصق؛ تُغطى أصابع الجبنة وتُترك في الثلاّجة لمدّة 4 ساعات أو حتّى تصبح جامدة.
. يُمزج البيض في وعاء مع الفلفل الحار والبقدونس وجوزة الطيب.
. تُغمّس كلّ إصبع مثلّجة في مزيج البيض ثم في الخلطه .
. يُسخّن زيت الزيتون حتّى حرارة 180 درجة مئويّة.
. توضع قطعة صغيرة من الخبز في الزيت للتأكّد من حرارته. تُقلى أصابع الموزاريلا المثلّجة على مراحل لمدّة تتراوح بين 3 و5 دقائق أو حتّى يصبح لونها بنياً ذهبياً.
. تُقدّم ساخنة.




صراحه جربناها فى البيت وموطبيعيه احسن من المطاعم

بشـــــرى
13-01-2005, 03:39 PM
يا سلام عليكم .....

مشكورين ويعطيكم العافية على هـ الوصفات ( بو فراس - ذات الخيال - حزن السنين )

وناطرين إبداعكم

وأنا الحين بحط وصفة .. بس قاعدة أتذكرها ..

:)

بو فراس
14-01-2005, 12:54 AM
العفو يابشرى ويعافيج
ومشكوره على مشاركتج

وننطر تحطين لنا اكله تحبينها؟؟؟

ابو هاجر
14-01-2005, 02:42 PM
يعطيكم العافية جميعاً
---------------------------


أخوي ابو فراس يخليك ربي على هالموضوع المفيد

واستفسار بخصوص مقادير الحريرة المغربية ( انت ذكرت النخى أو النخي ) فياليت
توصف لنا شكله اكثر او اذا له اسم ثاني ..



شكرا لك

النــدى
14-01-2005, 10:54 PM
السلام عليكم..
أخوي بو فراس تسلم على هالأكلات السهله الحلوه..
بس عندي سؤال بسيط!!
شنو ماجي بروست ماعرفه"؟!
وأخوي بوهاجر النخي اهوه الي يسوون منه حمص؟!
الي يصير مع الباجيلا يعني نخي وباجلا

بو فراس
15-01-2005, 01:39 AM
ابو هاجر :

يعافيك وحياك وتسلم على مشاركتك
النخى = الحمص او البليله على كلام الاخوان فى السعوديه





النــدى :

وعليكم السلام و الرحمه
ماسوينا شى افا عليج وجربيهم وعسا يعجبونج

خلطة البروست = موجوده فى الجمعيه صوب الشوربه وفى ماجى(عاديه بدون فلفل) وكنور (فلفل حار شوى) على حسب الرغبه

ابو هاجر
17-01-2005, 01:59 PM
الندى


بو فراس


شكرا لكم على التوضيح

بو فراس
17-01-2005, 04:59 PM
العفو يا بوهاجر




وان شاء الله بعد العيد راح ننزل اكلات

بو فراس
19-01-2005, 11:56 PM
سلطة سيزر "قيصر"



المقادير :

- نصف كيلو خس أمريكي
- صدر دجاج مسلوق أو مشوي مقطع شرائح طولية
- شريحتي خبز توست مقطعه مكعبات صغيرة ومقلية
- صو ص سلطة ايطالية "قودي أو أي منتج آخر"
- جبنة برميزان للتزيين

الطريقة :

- يقطع الخس بشكل طويل وبحجم متوسط يميل للكبر عنه للصغر
- يضاف إليه التوست المحمص ويقلب
- يضاف إليه الصوص حسب الرغبة ويقلب جيداً
- يوضع في الطبق ويرص الدجاج عليه
- أخيراً يرش بجبنة البرميزان

moonah
20-01-2005, 08:36 AM
السلام عليكم

وكل عام وانتم بخير

يابوفراس على خبرتك بالطبخ شكلك ماتدش من الباب :D

بس شوربة الحريرة مابقى صنف ونوع من الخضار والبقوليات ماحطوا فيها المغاربة
يبيلها طباخ وتقصص وحماس وشغل اكثر من القوزي
بعد ليش يسمونها شوربة المفروض اسمها مرقة "شبزي عدس ماش لوبيا لحم خضرة ":D

مشكور

بو فراس
20-01-2005, 11:11 PM
moonah :

وعليكم السلام ورحمة الله وبركاته
وانتى بصحه وبسلامه
موليه هالدرجه ماادش من الباب :)
الحريره صج لويه شوى بس صج عجيبه صراحه قولى حق السيلانيه مالتكم تزهب لج كل شى وانتى اكملى البقيه :)

بشـــــرى
22-01-2005, 10:37 PM
* يعطيكم العافية *

***************

طبق اليوم .. طبق عجيب ..

.: المقادير:.

1/ دجاجة مسلوقة بدون جلد مع البهارات و الفلفل الأسود و البصل و الدارسين و المسمار و حب الهيل و الملح
2/ 4 الى 5 خبزات صاج بدون الاطراف
3/ بصلة صغيرة مقطعة قطعاً صغيرة
4/ 3 ملعقة طعام بقدونس ناعم تقريبا
5/ مكعب دجاج ماجي
6/ القليل من زيت ذره
7/ كيس كبير جبن موزاريلا مبشور ( 400 غ تقريباً ) موجود بالجمعية .
8/ 2 علبه كريمة kdd

ملاحظة :. الي باللون الأحمر حسب الرغبة .

.:الطريقة:.

- تفتت الدجاجة المسلوقة , ثم تحمس بالزيت مع البصل و البقدونس و مكعب ماجي , وتتبل بالبهارات و الفلفل الاسود .

- ابعدوا القدر عن النار ثم اضيفوا نصف كمية الجبن على الدجاج الساخن و أقل من علبة من الكريمة و قلبوها .

- تفرد خبزة الصاج , وتضع كمية من الحشوة على الطرف و تلف مثل السويس الرول , وتقطع ثلاث أو أربع اقسام او اكثر حسب الرغبه .

- تصفف قطع الخبز في طبق فرن و ترش عليه علبة كريمة و باقي كميه الجبن .

- تضعوا الصينية في الرف الاوسط في الفرن و على حراره معتدله , وتشعلوا الفرن من الأسفل فقط حتى لايحترق الجبن , و دعوا الصينية في الفرن حتى يسوح الجبن .

- تزين السندويش بالقليل من البقدونس و قدموه ساخناً .

- الكمية تكفي من 4 الى - 6 اشخاص .

" نصائح "
- اذا كنتم تفضلون السندويش مقرمشاً من فوق ومحمر من الأسفل , قوموا بتحمية الفرن من الأعلى و الأسفل و ادهنوا السندويش بالكريما فقط , و اخبزوا السندويش في الفرن حتى تبدأ الكريما بالنشفان , اضيففوا الجبن و دعوه يسوح ثم قدمو السندويش .
- البقدونس داخل الحشوة يعطي السندويش طعم مميز لذا ممكن زيادة الكمية .


** ** **


ما عندي صورة


واللي يسويها يحط لنا صورتها

:)

وعافية

بو فراس
23-01-2005, 12:45 AM
يعافيج يابشرى ولو انه لغه عربيه ويالله فهمت ولقطت جم كلمه استوعبتهم :)


الى فهمته الديايه تكون على شكل شاورما مقطعه واضيف عليها البهارات مع كريمه وجبن وبعدين بخبز الصاج الكبير الموجود بالجمعيات وبعدين بالفرن وفوقه جبن والبقدونس والكريمه ويصير مقومشه بعد ياسلام شى

بشـــــرى
24-01-2005, 12:48 AM
الله يعافيك ..

بس لغة عربية ؟ بالعكس هذا بالعربي البسيط ..


الترجمة بالعامي :.

تفتت ( تتقطع ) الدجاجة المسلوقة , ثم تحمس بالزيت مع البصل و البقدونس و مكعب ماجي , وتتبل ( نحط عليها ) بالبهارات و الفلفل الاسود .

ابعدوا ( وخروا ) القدر عن النار ثم اضيفوا ( حطوا ) نصف كمية الجبن على الدجاج الساخن و أقل من علبة من الكريمة و قلبوها ( حوسوها ) .

تفرد ( نبسطها ) خبزة الصاج , وتضع ( نحط ) كمية من الحشوة على الطرف و تلف مثل السويس الرول , وتقطع ثلاث أو أربع اقسام او اكثر حسب الرغبه .

تصفف ( نرتيها ) قطع الخبز في طبق فرن و ترش عليه ( نكت فوقه ) علبة كريمة و باقي كميه الجبن .

تضعوا ( تحطون ) الصينية في الرف الاوسط في الفرن و على حراره معتدله , وتشعلوا ( تشبون ) الفرن من الأسفل فقط حتى لايحترق الجبن , و دعوا ( خلوا ) الصينية في الفرن حتى يسوح الجبن .

تزين السندويش بالقليل من البقدونس و قدموه ( حطوه ) ساخناً .


:)

الى فهمته الديايه تكون على شكل شاورما مقطعه واضيف عليها البهارات مع كريمه وجبن وبعدين بخبز الصاج الكبير الموجود بالجمعيات وبعدين بالفرن وفوقه جبن والبقدونس والكريمه ويصير مقومشه بعد ياسلام شى ..

عدل ... لكن خبز الصاج كبير يتقطع قطع صغيرة .

بو فراس
24-01-2005, 02:08 AM
اى جذى فهمنا :)


نسوى الصفحه copy واطرشها لاختى تسويها (ابتلشت فينى) واذا يصير اصورها وبعدين نحط الصوره :)


وميرسو



اذا عندج اكله حق الربيان حطيها - او هامور - سلمون

moonah
24-01-2005, 08:02 PM
http://img.photobucket.com/albums/v607/Moonah/monnah3.jpg
هذي سلطة مكرونة بالدجاج

مكرونه احرف abc
علبة فاصوليا حمرا
علبة ذرة
صدر دجاج مسلوق ومفتت
الصلصة :
علبة روب
ملعقتين كبار مايونيز
ملعقتين كبار هردة
ثوم ليمون ملح فلفل اسود نعناع ناشف او خضرة
الطريقة :
تسلق المكرونة وتصفي ويسلق الدجاج بالبهار ويفتت
ويخلط معاهم الذرة والفاصوليا
تمزج مكونات الصوص جميعهم
ويصب فوق سلطة المكرونه بالوسط وتزين بورق النعناع
وبالعافية

بشـــــرى
24-01-2005, 09:54 PM
وهذي وصفة للربيان .. ( على فكرة الربيان له كذا وصفة في كفتة ربيان .. ربيان بالثوم .. وغيره .. وهذي وحدة فيهم اللي ذقتها وعجبتني صراحة )

المقادير :.

*- ربع كيلو ربيان وسط الحجم .

*- 5 ملاعق كبيرة طحين .

*- 1 ملعقه صغيرة فلفل أسود ناعم .

*- 6 فصوص ثوم مدقوق ناعم .

*- 1 ملعقه كبيرة فلفل أحمر خشن حار . ( طبعا للي يحبون الأكل الحار تقدرون تزيدون الكمية :) )

*- 2 ملعقه كبيرة صويا سوس ( موجود بالجمعية )

*- زيت للقلي الغزير

*- ملح حسب الرغبة

الطريقة :.

1- يقشر الربيان ويغسل جيدا ويجفف من الماء

2- يخلط الطحين مع الفلفل الأسود والملح في صحن كبير شوي

3- يوضع الربيان على الطحين والفلفل الأسود ونخلطهم .

4- يقلى الربيان في زيت غزير حار ( مسخنينة من قبل ) على الجانبين دقيقة وحدة ويرفع وتتركونه على طرف .

5- توضع 2 ملعقة زيت في قدرالطبخ ويوضع على النار وعندما يسخن الزيت يضاف الثوم والفلفل الأحمر الخشن ويحرك المزيج بلطف

6- يضاف الربيان المقلي الى المزيج وتضاف الصويا سوس ويحرك المزيج جيدا الى أن يتبخر الصويا سوس .

7- يقدم ساخنا وعافية .

وإن شاء الله تكون لهجتي مفهومة .. هندية حشا :D



http://rotaj40.jeeran.com/مطبخنا.jpg

بشـــــرى
25-01-2005, 12:00 AM
الهامور غالبا يطبخ بصينية بالفرن .. لكن المقادير بالضبط مو عندي الحين ..
والموجود فيليه .. إن شاء الله تكون سهله وتراها أخف على المعدة ..
_____________________________________

** فيليــه سمــك الهامــور المقلــي **


المقادير :.

* 4 شرائح من سمك الهامور
* 1 عصير ليمونه
* 1 قلاص طحين
* ملعقتين أكل من النشاء
* 3 بيضات
* 2 قلاص كورن فليكس مدقوق
* ملعقة صغيرة فلفل أسود
* ملعقة صغيرة ملح
* زيت للقلي

الطريقة :.


- نخلط الطحين و النشاء والفلفل و الملح في صحن .

- نحط البيض المخفوق في صحن ثاني .

- والصحن الثالث نحط فيه الكورن فليكس ((مدقوق))

- نعصر على شرائح السمك الليمون
- نسخن الزيت

نرتب الصحون
-شرائح السمك - خلطة الطحين - البيض المخفوق - الكورن فليكس

نحط السمك في الطحين ويقلب ثم في البيض ثم في الكورن فليكس ثم الى المقلى
((يأخذ السمك في الزيت الساخن 5 دقائق))


.. و بالعافية ..

http://rotaj40.jeeran.com/مطبخنا1.jpg

بشـــــرى
25-01-2005, 12:32 AM
* السالمــون المشــوي *


المقادير:.

-8 شرائح من السالمون.

-نصف كوب زيت .

-4 ملاعق صلصة الصويا.

-4 ملاعق خل.

-4 ملاعق بصل أخضر مفروم ( الأوراق )

-3 ملاعق سكر أسمر.

-2 فص ثوم مفروم.

-1 ونصف ملعقة زنجبيل مطحون.

-2 ملعقة فلفل أحمر مسحوق .

-1 ملعقة زيت سمسم.

-نصف ملعقة ملح. ( حسب الرغبة )

الطريقة :.

1-توضع شرائح السالمون في صينية ( بايركس )

2- وجيبوا صحن ثاني متوسط الحجم وامزجوا فيه الزيت مع صلصة الصويا والخل، البصل الأخضر والسكر، الثوم ومسحوق الفلفل الأحمر وزيت السمسم والملح امزجوهم عدل مع بعض وتصبونهم فوق السمك السالمون لين يغطي السالمون وينقع بمحتوياته ويوضع في الفريزر لمدة من 4 إلى 6 ساعات.

3-احضروا شواية خارجية بالفحم واجعلوا مسافة حوالي 5 بوصات بين الفحم وبين الموقد وضعوا قليل من الزيت على الحامل أو الموقد نفسه.

3-قوموا بالشوي الشرائح لمدة 10 دقائق لكل .

اختبروا مستوى الطهي من أكثر مكان سمكاً، أو عندما يتقشر السالمون بالشوكة قوموا بتقليب الشريحة من حين لآخر.

وبالعافية

ملاحظة :. ترى ما ذقتها

http://rotaj40.jeeran.com/مطبخنا2.jpg

بو فراس
25-01-2005, 01:55 AM
مشكوره يا بشرى على هالاكلات افحمتينى فيهم عدل
يبيله روحه لسوق شرق السمك واشترى هامور و سلمون بعد ونجرب الاكله :)




امووونه :


مشكوره على السلطه شكلها لذيذه واهم شى الصوره :)

moonah
25-01-2005, 11:54 AM
العفو بوفراس

على فكرة هذا شغل ايدي والصورة من كاميرتي

وعندي طبخات وايد مجربتها ومصورتها كنت انزلها بمنتدى ثاني بنفس اسمي وكاتبه عليهم اسم المنتدى
بس احاول امسح اسم المنتدى لان اعرف ممنوع احط عنوان منتديات ثانية

اذا تبي قول لي وانزلهم لك
وهذي صورة طبق حلو انا مسويته بايدي اذا تبون الطريقة
http://img.photobucket.com/albums/v607/Moonah/moonah31.jpg

بشـــــرى
25-01-2005, 02:36 PM
تسلمين منى .. ويا ليت تحطين لنا وصفة الحلو اللي مصورته ..

وقواج الله

:)

moonah
25-01-2005, 06:32 PM
ياهلا ومرحبا اختي بشرى الله يقويج ويعافيج ..
ان شاء الله من عيوني تفضلي :

حلو شعيرية باكستانية بالكريم كراميل .....

المقادير: شعيرية باكستانية ..ربع زبدة صغيرة ..عدد 2 باكيت كريم كراميل
بسكوت شاي عدد واحد ..
خلطة الوجه: دريم ويب عدد 2 بس انا حطيت واحد على حجم الصينية ..قيمر (قشطة )
ثلاث حبات جبن كيري ...3 ملاعق حليب بودر ..حليب نستله الصغير ..ربع حليب سائل

الطريقة : نحمس الشعيرية بالزبدة حتى تصير حمرة شوي ..ونصفها بالبايركس ...

http://img.photobucket.com/albums/v607/Moonah/moonah30.jpg

نطبخ الكريم كراميل مثل المكتوب على العلبة ...ونصببها وهي حارة على الشعيرية حتى تلين

http://img.photobucket.com/albums/v607/Moonah/moonah33.jpg

نصف البسكوت عليها ونصب باقي الكريم كراميل على البسكوت وتدخل الثلاجة حتى تجمد شوي

http://img.photobucket.com/albums/v607/Moonah/moonah23.jpg


نعمل خلطة الكريمة ..
بالخلاط نضع مقادير خلطة الوجه ..ونصبها فوق البسكوت

http://img.photobucket.com/albums/v607/Moonah/moonah29.jpg

نزينها بالكاكاو البودرة والجالكسي المبشور وتدخل الثلاجة

http://img.photobucket.com/albums/v607/Moonah/moonah32.jpg

http://img.photobucket.com/albums/v607/Moonah/moonah31.jpg

صحتين وعافية

بو فراس
26-01-2005, 01:15 AM
والله ضغطتونى با بشرى و امونه بالاكلات شوى شوى :)



صراحع خوش حلو وتسلم ايدج

بو فراس
01-02-2005, 02:08 AM
نعود من جديد من اكله جديده



سلطة طبقات الخضار



المقادير :

2 شرائح توست اسمر
1 كوب شرائح لهانه بيضاء
1 كوب شرائح لهانه حمراء
1 كوب شرائح جزر
1/2 كوب بقدونس مفروم


الصلصه :

1/3 كوب مايونيز
3 ملاعق خل ابيض
رشة سكر
ملح



الطريقة :

1- تقطع شرائح التوست لاشكال ( على اختيارج مربع مدور مستطيل ... ) ثم تحمص بالفرن

2- تخلط مقادير الصلصه مع بعض جيدا

3- توضع طبقة من الجزر فى اسفل الماعون المراد وضع السلطه فيه ثم يغطى بطبقة من اللهانة البيضاء ثم الحمراء ثم البقدونس ثم توضع الصلصه عليها وتترك لمدة 1/2 ساعه وتزين بقطع التوست




وبالعافيه


بقولكم شى بس لاتضحكون اختى سوت هالاكله و السيلانيه حطت السلطه بالفرن نص ساعه وكليتها واهيا حاره واعجبتنى :) فا كيفكم تبونها بالفرن ولا بدون فرن و عطونى رايكم

بشـــــرى
01-02-2005, 03:06 PM
يعطيك العافية بو فراس .. بس شلون كليتها حارة ؟؟ توقعت المايونيز راح يغير طعمها وهي حارة ؟؟

بنجربها أول شي من غير فرن .. وبعدها بفرن ... ( يعني نكهات الحين :) )

سؤال ..

1/3 كوب مايونيز
يعني كوب .. أو 3 أكواب ؟؟

بو فراس
02-02-2005, 01:01 AM
يعافيج يا بشرى

جربيها وعطينى رايج


1/3 = ثلث كوب

ذات الخيال الواسع
07-02-2005, 11:43 AM
متابعـه دائمـه ...... لكم من بـعـيـد
-
-
يعطيكم العافيه على الأكلات المميزهـ
-
-
سلطة بالفرن <----------> شي عجيب
باين عليها لذيه نجربها اليوم ... لكن من غـير فـرن :)
-----------------
مشكور بشرى على وصفات السمج .. وخاصة السالمون المشوي
بصراحه شي عجيب قبل أمس سويتها لذيذهـ .... والأهم من هذا إنها أعـجبت الكل
----------------
هلا منى
إذا عـندج حلى قهوهـ ياليت تحطينا لنا ... أكون لج شاكرهـ
---------------
لي عـودهـ ومشاركه بإذن الله :)
-
-

moonah
07-02-2005, 12:36 PM
ياهلا ومرحبا بذات الخيال الواسع

ولا يهمج

راح احط لج الحلى بموضوع مستقل عشان الكل يستفيد

بشـــــرى
07-02-2005, 03:03 PM
حياج الله ذات الخيال .. بالعافية إن شاء الله :)



بو فراس .. السلطة من غير فرن عجيبة .. لكن من طرحت فكرة المرة الجاية نجربها بالفرن بالبيت .. طالعوني بنظرة .. ما فهمتها :D

ذات الخيال الواسع
08-02-2005, 10:46 AM
الله يحييج بشورهـ ويعافيج ..
أمس جربت السلطة ----------> عـجيبه والله :)
تسلم بوفراس

بو فراس
08-02-2005, 11:58 AM
بشرى :

عسا اعجبتج السلطه؟؟؟\وشنو هالنظره ليش انتى جربيها وقولى رايج






ذات الخيال الواسع :


عسا اعجبتج السلطه؟؟؟
الله يسلمج



ان شاء الله اشوف اكله واحطها

بشـــــرى
08-02-2005, 04:30 PM
جربت اسلطة .. على قولة ذات الخيال .. لذيدة :)

وإن شاء الله أجرب السلطة أم الفرن .. وأقولك رايي

ذات الخيال الواسع
09-02-2005, 08:15 AM
الـــدونـــــات
-----
الكل يعرفها أكيد .. لكن هذي الطريقه عـجيبه والأهم إنها سهله
ورايي :) دونات البيت أحلى بوايد من دونات السوق ...
جربوها وإن شالله تعـجبكم
-
-
المقادير
---
3 كاسات طحين
1 كاس صغير جبن سايل
نص كاس حليب بودرهـ
2 ملعـقه كبيره سكر
نص ملعـقه بيكنج باودر
1 ونص ملعـقة صغيرهـ خميرهـ
قليل من الزيت ( حتى لا تلتصق العجينه باليد )
ماء كافي للعـجـن
-------------------------
الطريقـه
---
تخلط المقادير الجافه مع بعض
ثم تعجن بالجبن السايل والماي ثم الزيت حتى لا تلتصق
تترك العجينه لمدة ساعـه حتى يتضاعـف حجمها
ثم ترق وتقطع دوائر وتقلى بالزيت على الجانبين
وبعد أن تبرد ترش بالسكر الناعـم أو الشوكولاته السائله
-
-
وبـالـهـنـاء والـعـافـيـه
-
-

بو فراس
09-02-2005, 09:09 AM
ذات الخيال الواسع :



مشكوره على هالاكله
بس سؤالى : الجبن السايل اى نوع؟؟؟

ذات الخيال الواسع
09-02-2005, 11:25 AM
الـعـفـو بـوفراس

الجبن السايل تقـدر تستخدم أي نوع
وبالنسبه لي استخدم جبن كـرفـت :)
حياك

بو فراس
09-02-2005, 11:54 AM
اها زين

ميرسو :)

بشـــــرى
09-02-2005, 02:42 PM
يعطيج العافية ذات الخيال ..

والحين نزلوا جهاز يسوي الدونات .. يعني إنتي تسوين العجينة .. وتصبينها بالجهاز .. يطلع شكلها مرتب

:)

ذات الخيال الواسع
11-02-2005, 07:58 PM
الـعـفـو بـوفـراس
- - - - -

الله يعافيج بشرى
إذا كنتي تقصدين آلة الدونات الي على الكهربا
فهذي أستخدمها دايما لأنها سريعه وسهله وحجمها واحد وبدون قـلي
كنت ناويه اكتبها لكن ذكرت إنه بوفراس مايحب جوز الهند
ومقاديرها الي عندي فيها جوز الهند :(
من عـيوب الآلـه
1/ مو كل عجينه تضبط فيها
2/ طعـم الدونات مقارب من طعم الكيك
لكن الحق ينقـال مميزاتها وايـــدهـ :)
- -
إذا كنتي تستخدمين الأله وعندج مقاديرها ياليت تكتبينها لي ..... أكون لج شاكرهـ
بقارنها بالي عندي وبجربها .. يمكن تكون ألـــذ :)

وتــحـــيـــاتـــــي
-
-
-

بشـــــرى
11-02-2005, 08:44 PM
حياج ذات الخيال ..

إن شاء الله أكتبها لج هني .. بس أسأل أختي عنها :)

بو فراس
12-02-2005, 02:26 AM
ماشاء الله عليكم تعرفون اكلات :)
لكم مستقبل ان شاء الله



عاد نشوف الاكلات ومحد يفكر يطرش لى شدعوا :)

ذات الخيال الواسع
12-02-2005, 11:50 AM
ويـه أكبر من هالكبر ومانعرف نطبخ ... مصيبه هذي

إن شالله الأكله الثانيه أطرشها لك .. :)

moonah
12-02-2005, 12:14 PM
ذات الخيال الواسع ..بعد اذن بشرى

انا جبت لج طريقة دونات من النت صراحة ماجربتها بس شكلها ومقاديرها مبين مضبوطة

جربيها

المقادير:
6ملاعق حليب بودره
6ملاعق سكر
فنجان شاي زيت
2بيض
ملعقه بيكنج بودر
ملعقه خميره فوريه
كاسة ماء دافيء/
قليل من الفانيليا
3كاسات دقيق أو حسب الحاجه.
الطريقه:
تخلط جميع المقادير في الخلاط الكهربائي ماعدا الدقيق . ثم يوضع.الخليط في زبديه ثم نضع الدقيق ونبدا في العجن حتى يتكون لدينا.عجينه ناعمه وطريه.وتترك لمدة ساعه.
ثم تفرد وتقطع وتقلى في الزيت او بآلة الدونات .ثم ترش بالسكر أو بالشوكولاته

وبالعافية

بو فراس
13-02-2005, 12:42 AM
ذات الخيال :

فى بنات حتى بيض مايعرفون يسون
بس الحمد لله لقيت بنات يعرفون يسون اكلات تمشى الحال معكرونيه وسلطات و حلويات

عاد نشوف منو تعرف فيكم المجابيس و الكبسات ............. بريانى ( لحم - دياى - ربيان) يريش (جريش) منهنه (اكله كويتيه قديمه) كبسة فقع - قبوط :)


الحلو :

عصيده
غريبه
سمسميه
بيض الق طه ( اويلاه عليه عجيب والله)
قرص عقيلى ( مع حليب ويكون فيه هيل )

ذات الخيال الواسع
13-02-2005, 10:33 AM
هلا بوفراس
المجابيس والبرياني واليريش المنهنه والقبوط والحلويات القديمه
كل هذا نعرف نسويه .. تعلمنها قبل كل شي
ماكتبته ونزلت مقاديره لأن يتروالي الكل يعرفه ....... :)
فيه شغله ماعرفتها شنو بيض الق طه !!!؟؟؟؟
-----------------------------
هلا منى
مشكورهـ عـزيزتي
المقادير الي أني كتبتيها ماتنفع بالآله بس قـلي ... عارف ليه ؟؟
لأنها عجينه متماسكه ماتصلح بآلة الدونات الكهربايه
الآله يبيلها عجينه سايله أو شبه سايله ..... عارفه قصدي
مشكوره حبيبي اشكرج على إجتهادج
وبصراحه منى أنصحج تشترين الآله بتعجبج واايــد

وهذي مقاديرها
كاسين طحين
كاس سكر
كاس جوز الهند ( عـذرا بوفراس )
كاس زيت
كاس وربع ماي
3 بيضات
فانيلا + هيل شويه
3 ملاعق كبيره حليب بودرهـ
ملعقة وسط بيكنغ باودر
----
والطريقه :
خلطي المقادير كلها مع بعض .. تالي أدهني الآله دهن بسيط
صبي بكل قالب بالآله مقدار ملعقه كبيره .. صكي الآله وإذا طفت اللمبه معناتها استوت
ماتاخذ منج ربع ساعه ......... وهني وعافيه على قلبج
أحتفظي بالمقادير وكتبي عليها
دونات ذات الخيال :)
----------------------------
وينج بشرى ناطرتج .. تكفين أبي المقادير قبل الأربعاء :)
-
-

moonah
13-02-2005, 11:15 AM
ذات الخيال العفو عزيزتي ماسويت شي انتي تامرين
اشرايج تزيدين العجينة اللي عطيتج ياها ماي وتخلينها سايله او تزيدينها حليب هههه اعفست الطبخة

الله يعافيج وتسلمين ماقصرتي على الطريقة الحلوة وان شاء الله اشتري الألة واكتب عليها دونات ذات الخيال الواسع ولا يهمج ...
وبيني وبينج احسن من القلاي بالدهن واخف

الف شكر لج وبحاول ادور لج طريقة ثانية من الكتب اللي عندي

بو فراس
13-02-2005, 11:37 AM
ذات الخيال :


حلو انج تعرفين تسوينهم :)

وبالنسبه حق بيض القطه حلو كويتى قديم

بس مااعرف طريقته اسال الاهل واقول لج بس لما يسوونه شكله تقريبا يصير مثل البيضه بيضاوى بس لذيذ صراحه لايطوفج :)

moonah
13-02-2005, 12:27 PM
بوفراس وذات الخيال

يبت لكم طريقة بيض القطا من كتاب "أفنان الزياني "البحرينية بس لاتخترعون من طول الشرح
الطبخة سهلة بس وايد قرقة ههههههه وانا مجربتها وايد حلوة ولذيذه

http://www.alayam.com/Archive/Pictures/12-11-2003_m2-3.jpg

بيض القطا

٣‬ اكواب طحين لجميع الاستعمالات
*٤‬/*٣‬ كوب دهن عداني أو سمن أو زبدة سائحة
*٤‬/*٣‬ كوب حليب
معلقة صغيرة مسحوق الهيل
مسحوق سكر
زيت نباتي للقلي الغزير
الحشو:
*٣‬/*٢‬ كوب جوز أو لوز مفروم
*٤‬/*١‬ كوب سكر ناعم
*٤‬/*١‬ ملعقة صغيرة مسحوق هيل
*٨‬/*١‬ ملعقة صغيرة مسحوق زعفران منقوع في ملعقة أكل ماء ورد أو حسب الرغبة
قليل من مسحوق الدارسين (قرفة) (اختياري)
ملعقتا أكل تمر منزوع النوى مقطع (اختياري)
*١‬- يغلى الحليب ويترك ليبرد حتى يصبح دافئاً.
*٢‬- يخلط الطحين بالهيل في اناء ثم تعمل في وسط حفرة يصب فيها الدهن أو الزبدة السائحة ويعجن الخليط.
*٣‬- يضاف الحليب تدريجياً مع استمرار العجن حتى تتكون عجينة قابلة للتشكيل وتترك جدار الاناء.
*٤‬- تشكل العجينة على شكل كرات صغيرة تقعر باليد المبلولة ثم تحشى باستخدام ملعقة صغيرة.
وتقفل وتكور أو تشكل على شكل اصابع بيضاوية أو كرات صغيرة.
*٥‬- تلقى في الزيت الحار في مقلاة عميقة مع التلقيب حتى تحمر على جميع الجوانب.
*٦‬- ترفع من الزيت وتوضع في مصفاة للتخلص من الزيت الزائد وتترك لتبرد قليلا.
*٧‬- توضع في كيس يحتوي على مسحوق سكر ناعم ويرج الكيس حتى تتغلف تماماً بالسكر او تدحرج في مسحوق السكر او يرش عليها.
*٨‬- ثم تقدم دافئة او بدرجة حرارة الغرفة.
للتنويع:
في مقادير الحشو اعلاه:
يقلل الجوز الي *٤‬/*١‬ كوب تضاف ملعقتا اكل تمر منزوع النوى مقطع قطعا صغيرة يقلل السكر الى *٣‬ ملاعق أكل ويلغى الدراسين.
السلوكـَ
تتبع نفس طريقة اعداد عجينة بيض القطا الى خطوة - *٣‬ يلغى الحشو وتشكل العجينة على شكل اقراص صغيرة يضغط في وسطها بالابهام حتى تلتوي ثم تقلى وتتبع باقي الطريقة من خطوة - *٥‬.

وبالعافية عليكم

بو فراس
13-02-2005, 12:41 PM
مشكوره يا منى

صج الاكله كويتيه بس بيت عن بيت يختلف شلون يسوونه بس يدتى تسويه اسهل من جذى


اسالها اليوم واعطيك الخبر :)




جربتو روب و بسكوت المطاحن :D
كنت اسويها ايام الجهل اقصد الطفوله :)

moonah
13-02-2005, 01:04 PM
بوفراس انا قلت لك راح تخترعون من كثر الحجي بالوصفة

وبيض القطا ترى نفس الطريقة بكل بيت بس الحشوات تختلف

عشان ابين لك انها سهلة ومايبيلها شي
شوف مقاديرها باختصار :

طحين + سمن + حليب للعجن + هيل + تعجنهم وبس ههه

الحشو : كل شي تحبه من جوز + تمر + وبهارات الكعك مثل الهيل دارسين يانسون زعفران
تحشيهم وتقليهم
والسكر الناعم ترشه على بيض القطا وبس خلصنا ههههه

حط لنا طريقة يدتك يمكن فيها تغيير احنا مانعرفه

بالانتظار

وهذا شيطلع بسكوت مع روب ههههه الله يقطع ابليسك بوفراس

ذات الخيال الواسع
13-02-2005, 08:03 PM
أهــا هذا بيض القطو مدري القطه
نعرفه باسم ثاني .... نسميها كليجه لأنها نفس المقادير
مو كليجة أهل السعوديه لالالا تختلف كليجتنا عنهم ;)
ومشكوره مناوي تسلمين يالغاليه

----------------------------
بسكوت وروب !!!!! :confused: !!!!!! صعبه وايــــد ,,
-
-

ذات الخيال الواسع
13-02-2005, 10:01 PM
اكيد سمعتوا عن حلى الكاسات وشفتوا طرق كثيره له مثلي..

انا دخت بين الطرق وانا اجرب..بس مثل هالطريقه ماشفت رووووووووووعه..

سهله وماتخربطين فيها أبد وتوايـه عند الضيوف شي حلو وراقي والله


المقادير:

كل المقادير اخلطيها بالخلاط الكهربائي..ماادري وش تسمونه حق الطماطم..

1 علبة بسكوت أولكر مطحون العلبه الكبيره (175 غرام)
1 كأس ماء
1ظرف دريم ويب
1ظرف كريمه (اللي هو كريم كراميل)
1فنجال قهوه حليب بودره
3ملاعق كبيره شوكولاته نوتيلا او جالكسي
1ملعقه صغيره نسكافه
شوي دارسين


اخلطيهم كلهم وبعدين يبي كيك سويسرول امريكانا الصغير بالشوكولاته وقطعي كل كيكه

ثلاث قطع ويبي الكاسات الصغيره حطي كل قطعه بكاس

يعني كل كيكه راح تكفي ثلاث كاسات وصبي الخليط فوق الكيك وبعدين تفنني في التزيين..

اما انج ترشين الويه بفليك

او تغطين الويه بالكورن فليكس وتحطين فوقه نعناع

يطلع شكله كأنه نبات صناعي شكله روووووووووعه..

او انك تطحنين بسكوت اوريو وتحطينه على الويه..

تفنني انتِ عاد بالتزيين .. وبرديه في الثلاجه وقدميه..لو ترصينهم بصينيه خشب يطلعون روعه..

وهاذي صورته.. وإن شالله تطلع وياي

وبالهناء والعااااااااااافيه..

http://mesho1981.jeeran.com/7ala.jpg

بو فراس
14-02-2005, 12:23 AM
moonah :


طريقة يدتى :)
تونى خذيت الطريقه منها والاستيعاب يعنى مقفل تدرين الكبار بدون مقادير بس حاولت اوضح المقادير



" بيض القطا "


المقادير :


2 كوب طحين ابيض
2 كوب طحين نخى
2 كوب سكر ناعم
1 ملعقه صغيره هيل
دهن




الحشو

جوز (يوز) + سكر ناعم + هيل




الطريقه :


1- خلط الطحين ( الابيض + نخى) + هيل + السكر + دهن ( زيت عافيه جذى يعنى) لما تخلطينهم مع بعض مقدار الدهن على حسب العجينه لما تصير زينه لينه

2- وضح الحشو داخل العجينه وعمله على شكل بيضه دائريه

3- يقلى بالزيت ومن ثم لما يبرد يوضع عليه السكر الناعم

وتقول يدتى لما تقلين بيض القطا ولاقدر الله طاح الحشو حطى بيض قبل القلي وقليه بعدين لتدارك الامر :)


وبالعافيه نسوي بيض القطا حق العيد اكثر شى


لايطوفج بسكوت و روب :D

===================

ذات الخيال الواسع :

بيض القطا = وتنطق القطه
والكليجه اسمع فيه بس مااعرف شكله بس شكله حلو و لذيذ :)

moonah
14-02-2005, 01:34 AM
بوفراس الله يعطيها العافية يدتك ويطول بعمرها ان شاء الله

طريقة حلوة وسهلة

طحين النخي سامعه فيه صح كلامها ...

الكليجة بوفراس هذي صورتها انا مسويتها طبعا ..بس احنا نسميه معمول التمر والعراق يسمونه كليجة ..

7
7
http://img.photobucket.com/albums/v607/Moonah/moonah7.jpg

اذا تبون طريقتها ولايهمكم

ميكانيكي
14-02-2005, 02:33 AM
خووووش آكلات تسلم ايدكم ....

منى ثاني صورة شحاطين فوق المعمول جنه كاتبين شي بالاياباني هههههه <<< مخترعين من هالياباني نشرتي البلايز ماندري شمكتوب عليها ونتمشي فيهم والحين وصلت تكنلوجيتهم عالمعمول بعد :) وبعدين ليش نصهم عليهم والنص الباقي ماعليه يعني معاقبتهم لانهم ما استوا عدل ولا جذي نظام تقديم الوجبة

ومشكورييين عالموضوع مجهود حلووو

بو فراس بسكوت وروب انت اهون يامعود وانا صغير ككاو غندور ونغمس بالشاي هههههههه مسويها درابيل

بو فراس
14-02-2005, 10:20 AM
moonah


يعافيج اللهم آمين :)
عيل جربيها وعطينا رايج فيها



ميكانيكي :

الله يسلمك ومشكور على مشاركتك :)
حركات قبل تأليف اكلات

ذات الخيال الواسع
14-02-2005, 11:33 AM
هلا منى ..

ماشالله عليج شنو هالإبداع
طيب جربتي المعمول الي حشوته منه وفيه :)
يعني مايحتاج تحشينه ... وايد حلو وسهل
أنا الحين أبد مو رايقـه .. المغرب أعطيج المقادير
مناوي الحلو الكاسات لا يطوفج عجيب والله
صورة الحلو مو حقـتي إنما خذيتها من رفيجتي ...
--------------------
هلا بوفراس
تسلم إيدين يدتك ... ماذقـتها لكن مبين عليها لذيذهـ
دام فيها طحين النخي أكيد بتكون عجيبه :)
الكليجه معروفه عند اهل القصيم وبأنواع وايدهـ ... حلوهـ وايــد
جربها لي يت السعوديه

بو فراس
14-02-2005, 11:57 AM
الله يسلمج :)

مااروح السعوديه وايد خبرى فيها من الغزو :)

moonah
14-02-2005, 12:12 PM
ذات الخيال الواسع :
تسلمين هذا بس من ذوقج والسموحة حبيبتي نسيت اشكرج على الحلو ..
تسلم الايادي ماقصرتي والله ..باين عليها لذيذة وباذن الله اجربها واقول لج
الف شكر لج عزيزتي

بالنسبة للكليجة :

الله يسلمج الكليجة انا اخذتها من منتدى وعنوان الطبخة الكليجة العراقية
قلت خل اجربها وماشاء الله ضبطت معاي من اول مرة ..
بس على فكرة حشوة الكليجة العراقية هي:
جوز هند مع سكر خشن وشويه ماي تخلطينهم مع بعض وتحشين ..
والحشوة الثانية الجوز العادي مدقوق خفيف ومخلوط مع دراسين ..
بيني وبينج جربتهم طلعوا يهبلون ..بس احنا مانعرف غير حشوة التمر مع الهيل ...

اشلون معمول وحشوته منه وفيه هههههه ضحكتيني ...هذا جنه صانسيلك اثنين في واحد هههه
عاد احس انه اسهل من اللي نحشيه ..دوخه وياخذ وقت

تسلمين ماتقصرين ذات الخيال وانا بالانتظار

ذات الخيال الواسع
14-02-2005, 09:25 PM
بوفراس خبرك بالسعوديه من أيام الـغـزو
عاد مو لهذي الدرجه :( الرياض أو غيرها مو حلوهـ
تعال شوفها بـعـد ماتطورت ,, وبتغـير رايـك
-----------------------
هلا فيج يالغاليه

على طاري طحين النخي لازم تشترينه لأنه عجيب بالغريبه
تستبدلين الطحين الي بالغريبه بطحين النخي ............ بصراحه شي مو شوي

حشوة الكليجه حقتنا مثل حشوة الكليجة العراقيه بس بدون جوزهند
وبصراحه لذيذه هالحشوه وصرنا مانستخدم إلا إهي
----
والمعمول أو الكليجه الي حشوتها منها وفيها 2 في 1 :) هذي مقاديرها
ماعليج غير ترصينها بالقالب الخشب وطقينها ...
------
معمول ذاتـــو :)

2 كاس طحين
1 أصبع زبدهـ 113 جرام
1 كاس جوز "عين الجمل" مطحون
1 كاس تـمـر
3/4 كاس سكر
1 ملعقة كبيره دارسين
1 ملعقه صغيره هيل
2 بيضه
1 ملعقه صغيره بيكنج باورد "ملعقة جاي"
ماي ورد + زعـفـران
------
الطريقه
----
خلطيهم كلهم مع بعض وشكليهم بالقالب الخشب وسيدهـ بالفـرن
وماطول بالفرن أبــد
صحه وعـافيه :)
-
-
-

ذات الخيال الواسع
14-02-2005, 09:27 PM
..............................

moonah
14-02-2005, 10:58 PM
تسلمييييييييييين حبيبتي ذات الخيال الواسع ماقصرتي

وشكلها سهلة وحلوة الله يعطيج العافية

ذات الخيال : لقيت لج طريقتين الدونات بالألة الكهربائية من النت

الاولى :

المقادير:
كأس سكر - ملعقة فانيلا - ذرة ملح - 2 كأس دقيق - ملعقتين بيكنغ باودر
نصف كأس زيت - كأس حليب - بيضتين

الطريقة:
تخلط المقادير الجافة أولا، ثم تضاف السائلة ويخلط جيدا.. يطبخ في الآلة الخاصة.


الثانية :

المقادير:
كأس حليب - ربع كأس زيت - كأس سكر (نصف ونصف) - بيضتين - نصف ملعقة شاي ملح - 2 كأس طحين - نصف ملعقة شاي فانيلا أو قرفة أو هيل - ملعقتين شاي ونصف بيكنغ باودر

الطريقة:
اخلطي الحليب مع الزيت و نصف كوب سكر.
اضيفي البيض واخلطي جيدا.
في وعاء مستقل اخلطي المقادير الجافة (ماعدا السكر) ثم أضيفي لها المقادير السائلة، واخلطي جيدا، ثم اضيفي باقي السكر ويمزج جيدا.
يطبخ في الآلة الخاصة.

ملاحظة :

يراعى في الطبخ إعداد العجينة وقت طبخها، يعني لاتعجنيها وتخليها فترة، اعجنيها واطبخيها مباشرة.
لا تعجني مقدارين.. اذا بغيتِ تسوين ضعف الكمية، سوي وحدة وحدة، لأن العجينة إذا ظلت وقت طويل يتغير قوامها، فالأفضل انك تسوي مقدار واحد وإذا طبختيه، سوي مقدار ثاني، ولاتظني انك راح تطولين، تراها تستوي بسرعة وسهلة جدا.
ممكن انك تاكليه كما هو أو انك تحطي فوقه شوكولاته أو سكر.

ان شاء الله اللي تبينهم ويعجبونج وبالعافية

ذات الخيال الواسع
14-02-2005, 11:26 PM
فـديتج يامنى
يبتيها لي بالوقت المناسب والله :)
باجر ولا بعده لازم اسويها عشان وراي طلعة البر يوم الإربعاء
بــر <-------- و--------> دونات
ماتركب أبــد ههههههه
طريقتي عيبها فيها جوزهند وايد مايبونه :( عشان جذيه بغيت طريقه ثانيه
يابعد قلبي والله مشكوره واايد ألف شكر لج

moonah
14-02-2005, 11:50 PM
لا اشدعوه ماسويت شي انتي تامرين امر

الله يعافيج ويسلمج

البر كل شي ينوكل فيه حتى الجاتوه والمارون جلسيه هههههههه

وان شاء الله يضبطون معاج ومايفشلوني لاني اخذتهم من النت

عليج بالعافية حبيبتي

بو فراس
15-02-2005, 12:17 AM
ذات الخيال : افا ليش زعلانه :)
مااعرف احد بالسعوديه شسوى اروح



اى والله البر كل شى ناكل فيه
يبيله معدس و عليه لبن المراعى اويلالالالالالالالالالالالاه

ذات الخيال الواسع
15-02-2005, 09:02 AM
أبــد والله مو زعـلانـه :)
الأفضل أنك تسافر ديرهـ ماتعرف فيه أحد ---------> ياكثر ماأعاني


وعلى قولتج منى البر كل شي ينوكل فيه الضرس مايوقـف اصلا
إن شالله باجر الصبح أعطيج نتيجة الدونات

صج أويلالالالالاه معدس وموش على هالغيم والمطر الي عندنا اليوم
اليوم يوم البــر ..

بو فراس
15-02-2005, 10:36 AM
يعنى :) البر يخلى الواحد ياكل بشكل موطبيعى ان شاء الله اليوم اشوف اكله واحطها طبعا بتكون على دياي

ذات الخيال الواسع
16-02-2005, 10:05 AM
وين طبخة الدياي بوفراس ناطرتها ..

--------------

بصراحه منى ماني عارفه شلون اشكرج
تسلم أيدج مو إيدي لأن انتي الي ناقلتها :)
صليت الفير وسيــــدهـ سويت الدونات .. الطريقه الثانيه .
ماقدرت أقاوم هي ريوقي حاطتها جدامي ونصها كليتها مع القهوه
ينقالج باخذها معاي للبـر ..
--
عـاد شدي حيلج وكتبيلنا حلو يديد مجربته
وانصحج بكتاب اسمه "صدقتك من مائدتك"
نزل منه 4 أجزاء والخامس عـن قريب

moonah
16-02-2005, 02:21 PM
العفو لا شكر على واجب حبيبتي انتي تامرين
وعليج بالف عافية والله فرحتيني وشجعتيني اروح اشتري آلة الدونات

تصدقين اريح من التقصص والتقلي

وبعدين تدرين اني تعلمت الطبخ من النت مو من الكتب ..

الصور اللي شفتيهم مو من الكتب مع ان اشكثر عندي كتب طبخ

كله من منتديات ..عارفة ليش ؟؟؟

اولا الكتاب تنقلين منه وتطبقين ..بس في مقادير تكونين مو فاهمتهم او اشلون تسوينهم ..طبعا ماتقدرين تستفسرين ...

اما المنتديات اذا وحدة حطت طبخة ...
اولا : مقوماتها سهلة ومتوفرة بكل بيت
ثانياا : تكون مجربتها ومصورتها ..
وثالثاا : تقدرين تسئلينها مباشرة اي شي تبين خاصة المقادير ونوعية المقومات مثل الطحين الحليب السمن اي شي عشان تطلع الطبخة مضبوطة

ان شاء الله احاول اييب لج طبخات ومعجنات خفيفة وسهلة

حياااج الله ذات الخيال

بو فراس
19-02-2005, 03:19 PM
السموحه يا ذات الخيال على التاخير
وذلك لظرووف :) تدرين اغلب الوقت فى البر و يادوب ارجع اجيك الردود



شوفى اسمها ماعرفه بس اختى تسويها


المقادير

دياى (ساديا) بدون عظم
بروكلى
جزر
بطاط
فلفل بارد (فليفله)
بصل
ثوم
ملح
كريمه ( علبه وحده kdd
جبن مبشور ( كيس واحد)



الطريقه

1- يقطع البصل طويل وكذلك البطاط و الجزر و الفلفل البارد
2-يخلط (يحمس) الدياى + البروكلى + الجزر + البطاط + الفلفل البادر
3-وضع جميع ماسبق ( دياى - الجزر - البروكلى - البطاط - الفلفل - ملح - الثوم - بصل) فى ماعون فايركس ثم توضع الكريمه والجبن المبشور على الاكل ثم يوضع بالفرن لما يصير الجبن ذهبي


وبالعافيه


الى يحب الليمون يحط فوق لما ياكل
وكذلك الخبز الايرانى ويكون فيه سمسم ياسلام


انطر رايكم فى الاكله بعد ماتطبقونها :)

بو فراس
19-02-2005, 03:37 PM
هذا حلو التوست

المقادير


توست
قيمر


الطريقه


1- تحطون القيمر بالتوست وتلفونه وبعدين قلى بالدهن لما يصير مقرمش شوى وبعدين تحطونه بالشيره و بالعافيه



اعتقد ماكو اسهل من هالاكله :)

ذات الخيال الواسع
19-02-2005, 08:13 PM
كل تأخيره وفيها خيرهـ :)

خوش طبخه بوفراس ..... بعطيك رايي فيها بعد ماأجربها يوم الأثنين

وبالنسبه للحلو كنت بكتب لكم طريقه حلو سهله وايد وايد وايد

لكن مو أسهل من الحلو الي أنت كاتبه :) أسهل من التوست والقيمر ماكو ..

مشكور وماقصرت ..

moonah
19-02-2005, 08:41 PM
بوفراس لحظة لحظة

انا طفارتي اللي يبربس بالاكل ههههههههه

ترى عادي لما اصحح لك معلومة وتاخذ خبرة مافيها شي

اولا : التوست معروف لما تقليه يشرب دهن وايد ..يصير جنك حاط اسفنجة وغاطها بالدهن وتشربها تخيل المنظر نشرب دهن

ثانيا : قبل لا نحط القيمر بالتوست لازم تقطع اطرافها البنية ونفرد التوست بالنشابة ( هذي مادري شسمها اللي يفردون فيها العجين )

وبعدين تحط شويه قيمر وتلفها اسطواني ..وانا سمعت من خبيرات : عشان ماتشرب التوستة الدهن اول نغطها ببيض مخفوق وعقب بالبقسماط تالي نقليها ..وعقب نصب عليها شيرة ..مع ان هالاكلة موداشة بمخي ..لازم تشرب دهن مهما سوينا لها ..

ومشكوور بوفراس واي شي بالطبخ مايردكم الا لسانكم ..نفيد ونستفيد

ودمتم بود

بو فراس
19-02-2005, 11:21 PM
ذات الخيال الواسع :

ونحن بالانتظار يوم الاثنين :) ونشوف رايج




ذات الخيال الواسع :
بالنسبه للحلو التوست والله الوالده (الله يرحمها) كانت تسويها ومادرى تذكرتها الحين وقلت احطها بس اتوقع مثلى ماقلتى نقطع الاطراف بس لاتحطين دهن وايد شوى بس وبسرعه تقلينها


تسلمين والله على هالاكلات الى تحطينها واهم شى الصوره الى تشجع الواحد يسويها وياكلها عاد قلت حق اختى تسوى لى الشعريه بالكراميل شى صراحه شتبين سويت لج سوق عند اختى لو نفتح مطعم انا وياج نربح شغل كويتى عدل مويقولون فيه كويتى :)


عندى طلب ومابي اكلف عليج اذا تعرفين

1- سلطة الشمندر بالذره
2- كيكة جيرمن كيك

وووووووووووووووو بس :)

ذات الخيال الواسع
20-02-2005, 10:25 AM
شنو البروكلي ؟؟؟؟

من أمس وانا اقلبه براسي لي الحين ماعـرفت شنو تقصد
أكيد له اسم ثاني !! شنو البروكلي ؟؟

وبعد أذن منى يبت لك سلطة الشمندر .. لكنها بدون ذرهـ

المقادير
----

4 شمندر
2 بيديان
2 بصل
2 جزر
1 بطاطس
1 فـلقـل بارد
نص كاس حمص مسلوق
--------
الصوص
----
عصير ليمون + خل + صلصة الصويا

الطريقه
-----
يقطع الشمندر قطع طوليه ويسلق بالماء لمدة نصف ساعه
يقطع البيديان والجزر والفلفل الأخضر والبطاط قطع طوليه ويقلى في الزيت
يقطع البصل شرائح ويحمس قليلا
تخلط المقادير بعد قليها وسلقها ويوضع عليها الصوص ولا تنسى الحمص المسلوق

هاهاهاها صارت سلطة قـلـي :) ماجربتها بصراحه لأن فيها بيديان لكن مادحينها لي

بو فراس
21-02-2005, 12:15 AM
البروكلى يا ذات الخيال بروكلى :)

زهره بدال الابيض لونها اخضر عرفتيها ولا لا



سلطة الشمندر وايد فيها سوالف ماكو خفيفه (طرار ويتشرط) :)

ذات الخيال الواسع
21-02-2005, 08:41 AM
أها البروكلي يعني الزهـرهـ الخضرا ... أكيد عـرفتها مشكور :)

سلكه غير هذي .. قايله ماراح تعجبك لأنها كلها قلي

أشوف لك غيرها باجر إن شالله .. :)

بو فراس
21-02-2005, 09:29 AM
زين عرفتى البروكلى :)


بسنا قلى نبى سلطه حلوه وخفيفه مافيها سوالف

ونحن بالانتظار

ذات الخيال الواسع
21-02-2005, 10:56 AM
تبي سلطه مافيها سوالف وحوسه

قطع الشمندر شرايح وسلقه بالماي وبعد ماتصفيه

حط عليه ذره معلبه + التتبيله الي تشتهيها

وأنـــتـــهـــيــنـــا ------> بتذبحني منى

مشكووور بورفراس واايد واايد واايد لأنك شلت توقيعك

:) :) ألف شكر لك

بو فراس
21-02-2005, 12:12 PM
ممممممممممممممم
مو مشكله أألف سلطه شمندر من مخى

شرايج شمندر و ذره و شوى ليمون عليها



هذى استشاره سويتها سريعه عن السلطه وهذى النتيجه :)


شمندر فرش من الجمعيه
ذره (علبه)
مخلل اخضر يقطع صغار
روب
مايونيز
ليمون
خل ملعقه



وخلط مع بعض وتاكلينهم
لو بنطر السيلانيه ولا اختى ماكليتها شكلى بسويها بروحى اليوم بغامر :)


وماتكون السلطه ثقيله شوى خفيفه


حدى يعت





ليه هالدرجه توقيعى كبير
ارتاحى شلناه لاجعت فيه

ذات الخيال الواسع
22-02-2005, 12:37 AM
مايونيز -------- الحمد لله على النعمه

أنطر بوفراس أيبها لك إن شالله ... وانت تسويها لأنها سهله وايـد

------------------------

ليه لي هالدرجه توقيعي كبير

لا أبد منو قال أنه كبير بالعكس أصغر من هالتوقيع عمري ماشفت :)

----------------------

بوفراس سويت اليوم الدجاج مع البروكلي

والله انها لذيذه ...

لكن بدال البروكلي حطيت الزهره البيضا ... قرنبيط

لأن مالقيته ..

ماكثرت منها حطيت شويه ...

عاد ماأدري الطبخه لذيذه ولا انا يوعانه :)

الطبخه تعتمد على الي كاتبها مو الي طابخها .... تسلم إيدك بوفراس

-----------------------

منى وينج هاليومين كلش ماتبينين .. بسألج عن أكله ..

-
-
-

بو فراس
22-02-2005, 12:56 AM
عادى ننطر شورانا :) المايونيز حطى قفشه وحده بس


التوقيع وشلناه كلش بالمره :)



بالعافيه عيل اعجبتج الاكل
بس حسافه ماحطيتى بروكلى تدرين الالوان بالاكل تساعد على الاكل بنفس :) والعين تاكل قبل المعده
وماسوينا شى الاكلات الى احبها احطها :)

moonah
23-02-2005, 09:56 AM
ذات الخيال الواسع :

ونحن بالانتظار يوم الاثنين :) ونشوف رايج




ذات الخيال الواسع :
بالنسبه للحلو التوست والله الوالده (الله يرحمها) كانت تسويها ومادرى تذكرتها الحين وقلت احطها بس اتوقع مثلى ماقلتى نقطع الاطراف بس لاتحطين دهن وايد شوى بس وبسرعه تقلينها


تسلمين والله على هالاكلات الى تحطينها واهم شى الصوره الى تشجع الواحد يسويها وياكلها عاد قلت حق اختى تسوى لى الشعريه بالكراميل شى صراحه شتبين سويت لج سوق عند اختى لو نفتح مطعم انا وياج نربح شغل كويتى عدل مويقولون فيه كويتى :)


عندى طلب ومابي اكلف عليج اذا تعرفين

1- سلطة الشمندر بالذره
2- كيكة جيرمن كيك

وووووووووووووووو بس :)
الظاهر بوفراس حار بطن ههههههه من اليوع قام تختلط عليه الاسامي عباله مقادير طبخة

بس عادي عادي الطلب موجه لج ذات الخيال انتي ابتلشي ودوريله سلطة شمندر وكيكة جير
بس هذي شنو كيكة جير هههههههه اخاف طابوق جير مو كيكة ههههههه

بو فراس
23-02-2005, 10:37 AM
moonah :

اولا الحمد لله على السلامه صار لج جم يوم غايبه بدون عذر بطرش لج استفسار لبيان سبب الغياب :) ولا خصم عليج ترا


وثانيا الطلب موجه لج وليش لذات الخيال :) مع انها قامت جاهدة بالبحث و التفحيص و التمحيص لايجاد طلبنا :)


غلطه مطبعيه بدال مااقولج قلت لذات وعادى كلكم خوات وماكو فرق بينكم ساعدوا بعض بالاكلات :)


على ما اتقاعد شكل بفتح مطعم و بحطكم معاى شرايكم ( والله فكره قائمه فى راسي بس ناقص جزء من راس المال)


يالله منى انطر منج السلطه :)

عاد مشكلتكم انى ادش الصبح واكون يوعان فا تلقين اشتهى الاكل من اليوع مع انه اكلى عادى


جربتى روب و بسكوت المحاطن المربع :)

ذات الخيال الواسع
23-02-2005, 11:13 AM
أنا منتبهه للغلطه المطبعيه ومشيتها .. قلت منى بتفهمها

خوش مشروع .. بوفراس .. إذا شريكـه OK

هاهاهاها ردينا روب وبسكوت .... شكلي بجربها

الله يهداك ماتعرف كيك الجير والطوابيق ... هذا وإنت حاط لنا كيك ماركات عالميه

( جيرمن ) الظاهر تقصد كيك الموس ؟؟

بو فراس
23-02-2005, 11:44 AM
والله عن جد فى بالى افتح مطعم ولا كافيه هذا الى ماشى بالكويت


جربي البسكوت والروب وعطينى رايج :)



اى طابوق اى جير شنو مقاول كيك


الطبقه الاولى : اسمنت اقصد كريمه
الطبقه الثانى : طابوق اقصد كيك
الصبه : تزين الكيكه بفستق




كيكه موس شتطلع شنو بروح احلق داش حلاق الظاهر مو ككيه

يبا جيرمن كيك عيزت واعلم فيكم ترا :)
جير ها زين يصير خير

moonah
23-02-2005, 11:44 AM
ههههههههههه بوفراس

الله يسلمك ويعافيك ..

لا يامعود لاتخصم علي ..اصلا معاشي كله على الجمعية ..عيل اشلون تبون طبخات

وبعدين ماغبت انا متواجدة على مدار الساعة

وبعدين اكيد ماكو فرق بيني وبين ذاتوتة بس في حقوق طبع

يعني مثلا ذاتوتة تتعب وتحط طبخات وحالتها حاله وعقب تشكر منى مايصير ..الحق حق مافيها زعل

واللي يغلط بالكتابة يقدر يسوي تعديل ..اشوه ان عندكم التعديل دائم بدون وقت محدد

المهم :

الشمندر مايبيله مقادير وطريقة وخبه لانه هو من ضمن الاضافات على السلطات مثل الملفوف والخيار والطماط والبقدونس والخس

تقدر تحطه مع اي سلطة تحبها

طبعا لازم ينفاح ويلين شوي

وممكن ينوكل بروحه

حتى لاحظ من ضمن سلطة البيتزا يكون الشمندر بروحه مسلوق ومقطع دوائر بدون اضافات

وعليكم بالعافية

بو فراس
23-02-2005, 12:09 PM
لابالعكس ماشاء الله عليكم انتو الثلاثى ( بشرى - منى - ذاتو على قولتكم بس احسن نقول ذات الخيال)

جهودكم واضحه فى الاكلات وغيرها وماتقصرون وعند الويه تبيضونها يعتمد عليكم امهات المستقبل :)


وبنشوف اليوم الشمندر طبعا اليوع ذباح بعد شوى بطلع بروح جمعيتنا اشترى العده :)

moonah
23-02-2005, 01:05 PM
والله عن جد فى بالى افتح مطعم ولا كافيه هذا الى ماشى بالكويت


جربي البسكوت والروب وعطينى رايج :)



اى طابوق اى جير شنو مقاول كيك


الطبقه الاولى : اسمنت اقصد كريمه
الطبقه الثانى : طابوق اقصد كيك
الصبه : تزين الكيكه بفستق




كيكه موس شتطلع شنو بروح احلق داش حلاق الظاهر مو ككيه

يبا جيرمن كيك عيزت واعلم فيكم ترا :)
جير ها زين يصير خير
ههههههه جير اوتوماتيك والا عادي ... لاصج بوفراس شنو جير ..قوله بالعربي يعني لازم نلوي الحنج هههههه

قصدك جيز كيك بس ناسي النقطة ..عادي اذا نسيت تكتب اسم بكبره ردت على النقط هههههه

وبعدين ..تراك ذبحتنا بالبسكوت والروب شنو فقر ماكو اكل هههه..الحين بروح اسويه واكله وبشوف طعمه بس ياويلك اذا لاعت جبدي هههههه

ذات الخيال الواسع
23-02-2005, 01:12 PM
moonah

واللي يغلط بالكتابة يقدر يسوي تعديل ..اشوه ان عندكم التعديل دائم بدون وقت محدد

لا والله يامنى مو بكل مره تقدرين تعـدلين .. فيه موضوع ماتقدرين تعدلين ردج فيه إلا بفتره بسيطه
وصارت مشكله البارحه .. وبجي وحالتنا حاله .. :( ولي الحين المشكله مانحلت
يامعـودهـ خليها على ربـج


بوفراس

كيكه موس شتطلع شنو بروح احلق داش حلاق الظاهر مو ككيه

هههههههههههه شتسمونها أنـتـوا ؟؟؟

مناوي تعرفينها أكيـد ؟؟ عاد مو تفشليني قولي إيه اعرفها

أهي مو كيكه لا لا إنما تشبه الكيك فايسمونها كيك موس عـاد مشهورهـ

بوفراس خذ راحتك يفضلون يسموني ذاتـوا --------> أختصار

وسلطة الشمندر
والله إني قايله لبوفراس
شمندر مسلوق وذرهـ والتتبيله الي تعجبك ----------> ماعـجبته فكرتي

وهني وعافيه :)

بو فراس
24-02-2005, 01:50 AM
moonah :

مو جيس كيك جيرمن كيك Geirman cake
خلاص لاتجربين البسكوت :)





ذاتو :

ماعرفه هالكيكه الى اسمها موس نسال ونشوف

ذات الخيال الواسع
25-02-2005, 07:15 PM
بــــــــــو :rolleyes: فـــــراس :

لقـيت لك سلطة الشمندر بالذرهـ .. :D أوفـيـت بـوعـدي


المقادير
-----
4 شمندر متوسط الحجم
نص كوب شرائح خيار مخلل
نص كوب بقدونس مفروم
1 كوب ذرهـ مسلوقـه أو مـعـلبه
1 كوب شرائح ملفـوف
1 ملـعـقـه فـلـفـل أخضر مفروم


الصلصه
-----
عـلبة روب
1 ملعـقة أكل مايونيز
2 ملعـقة أكل خل أبيض
مــلــــح


الطريقه
-----
يسلق الشمندر في ماء لمدة ساعـه ثم يصفى ويقشر ويقطع شرائح أو مكعبات
ثــــم يخلط مع باقي الخضار .

تخلط مقادير الصلصه ثم تسكب على السلطه


هـذي الطريقـه أخذتها من كتاب طبخ شركة المطاحن "مائدتك من منتجاتنا"
أخــر جزء نـزل عـلى ماأعـتـقـد ..

إذا موجود عندكم أعـطه سيلانيتكم لأنه مترجم بـلـغـتـهم ..

هــنـــي وعـــافــيـــه :)

-
-

بو فراس
26-02-2005, 12:10 AM
تسلمين والله ماقصرتى :)

لاماعندى هالكتاب ولا اعرف هالسوالف أألف اكلات من مخى ونستعين ببعض المساعدات :)

moonah
26-02-2005, 10:07 AM
بوفراس ذات الخيال

الموس مو كيكة ..هذي صورة واذا تبون الطريقة قولوا :

http://www.lakii.com/vb/attachment.php?attachmentid=20752&stc=1

ذات الخيال الواسع
26-02-2005, 10:28 AM
هلا منى

بوفراس ماقال كيك أنا الي قلت يشبه الكيك على اساس تفهموني

الصورهـ ماطلعـت وياي .. :(

moonah
26-02-2005, 10:32 AM
هلااا ذاتوووتة

الصورة طالعة عندي

وهذي موس الشوكولاته البيضة لا تقولين مو طالعة هههههه:

http://www.sayidaty.net/sayidaty/1224/food/images/4.jpg

ذات الخيال الواسع
26-02-2005, 10:48 AM
إلا هذي شـفـتـهـا :)

ماجربت البيضا ولا مرهـ .. أما الي بالشوكولا تـيـنـن

ليتج تشوفين الموس الي ينباع عندنا .. أف مبدعـين فيه بصراحه

عندنا محلات حلويات لـعـيال " الحريري " الله يرحمه .. عندهم الموس عـجيب

مافكرت أسويه بالبيت لأن حوسته واايــدهـ ..

moonah
26-02-2005, 10:57 AM
اها

مادري مع ان طريقته سهلة مايبيله شغل

انا الموس مو ذاك الزود معاه احس انه يغث لانه يعتبر كريمة كاكاو جامدة مافيها اضافات

شوفي طريقته اشلون سهله ..طبعا ناقلته من موقع مو مني :

المقادير ..
3 ملاعق كبيرة آيس كريم شوكولاتة .. يفضّل ان يكون باسكن روبنز
نصف كوب حليب طازج
ملعقتين لوز مطحون حجم متوسط
ربع كوب كرايمل سائل (و اذا لم يتوفر يمكن استخدام العسل)
بسكويت الرول الطويل للزينة

الطريقة :-
يخلط الآيس كريم مع اللوز و الحليب في الخلاط مدة بسيطة جدا .. ثم نخرج الخليط و نضعه في كاسات مسطحة جميلة على ذوقكم .. و من ثم نضع فوق المزيج قليل من الكراميل أو العسل .. ثم نزيّن الكاس بحبة بسكويت رول ..
و اذا حبيتي تضيفين كريما الدريم ويب آخر شي بعد بيكون لذيذ ..

وهذي صورته ياويلج اذا قلتي ماتطلع ترى يننتيني هههههههههههههه

http://www.lakii.com/vb/attachment.php?attachmentid=20752&stc=1

وبالعافية عليج

ذات الخيال الواسع
26-02-2005, 11:17 AM
مشكورهـ ..

قلتلج حوستها وايدهـ

إذا بحط أيس كريم "باسكن روبنز" بالأكله

أكله احسن لي .... ولا شرايج ؟؟

قطعـه وحده تكفي لأنها مثل ماقلتي تـغـث

أنا قلت لج الصوره الثانيه طلعت ويااي وشفتها

وتبين الصج وماطقيني .. الصوره الأخير هـم مـــــاطلعـت :(

وربي حاولت جم مرهـ ... اشمعـنى الثانيه شـفـتـها !!

أنتي تطلع وياج وانا لأ ... أيل المشكله عندي أكيد :)

يعطيج العافيه حبيبتي ..

moonah
26-02-2005, 12:03 PM
ههههههههههههه ضحكتيني

اي والله الباسكن روبنز .. يوم اني بشتريه على ما اوصل البيت الا ذاب وانتهى مفعوله ههههههههه
اكله بروحه احسن

بس في طريقة ثانية يكون الدريم ويب مع كاكاو وحليب وقيمر وبالخلاط وصار موس بس

كله من بوفراس يسأل ويخبنا واحنا ركض نييب له وتلقينه مايسوي شي من الطبخات نتعب على الفاضي هههههههههههههه

الله يعافيج حبيبتي

بو فراس
26-02-2005, 01:05 PM
moonah

كله من بوفراس يسأل ويخبنا واحنا ركض نييب له وتلقينه مايسوي شي من الطبخات نتعب على الفاضي هههههههههههههه

:xx:xx:xx



جنه طلع اسمى اشوف من وراى بعد زين زين
لو اقعد بالبيت جان قعدة وطبقت اكلاتج وتسكر الفريج والقطعه عندنا بس مااقعد اروح البر :) بس صج قلت حق اختى عن طريقة الحلو الكراميل بالشعريه الباكستانيه طلعت شى صراحه والباجى ان شاء الله بالطريق يتم تطبيقه وبالاخص سلطة الشمندر :)

ولى قعده وياكم بس عقب ماخلص من البر اجرب الاكلات منكم واقول رايي

moonah
26-02-2005, 11:17 PM
هههههههههههههههههه

بوفراس اشفيه ويهك صار طماط


خلاص يبا لاتزعل وطبق على راحتك بس لايتسكر الفريج وتعلم علي وابتلش هههههه

بو فراس
27-02-2005, 12:31 AM
من الاعصاب ويهى صار احمر تخلون الواحد يعصب :)

لا يبا ان صار شى افتن عليج بس ماعرف وين بيتكم كيفهم عاد يدورون كل منى الى بالكويت :)

moonah
27-02-2005, 09:40 AM
مسرع ماتعصب

عيل اذا جذيه عندي لك خلطة عصير تشربه يخليك ريلاكس على طول
اشوه اذا ردت على الاسم الله يعينهم مايصيدوني ههههههه

بو فراس
27-02-2005, 01:26 PM
شنسوى شياب بسرعه نعصب:D

المهم اليوم قعدة مبجر ورحت الجميعه (انجاز) وشريت الى ابيه والى ماابيه

وسكرت الفريج للطورائ لاقدر الله يصير شى

وحجز حق سيلانيتنا تسوى سلطه ( كل هاللويه وسلطه ) :)

اسوى سلطة الشمندر لويه عيزت وانا انطر الشمندر يابس للحين قلت اخذ فاصل اعلانى وارجع يمكن يخلص فا قلت ادش اشوف آخر صيحات الاكلات عند منى

يالله معزومين عندى اليوم على سلطة شمندر - تبوله - مشويات - حمص

ذات الخيال الواسع
27-02-2005, 06:40 PM
وصلت عـزيمتك :)


بــشـر بـوفـراس شـلون السلطه ؟؟ أعـجبتك :)

moonah
27-02-2005, 09:03 PM
بوفراااااااااااااس ههههههههههه

كل هالخبة عشان سلطة

ترى الشمندر مايبيله طواله بالسلق الا اذا قديم

المهم

يبت لك خلطة عصير حق تهدئة وتقوية الاعصاب من الدكتورة امل الانصاري يعني مو من اختراعي بس يمدحونها الدكتورة كانوا يحطونها بتلفزيون الكويت وتعطي خلطات من الاعشاب الطبيعية
للريجيم وغيره للصحة وتقوية الجسم والوقاية من الامراض
وكنت مجابلتها واكتب الخلطات
من ضمنهم هذي الخلطة بدام عندك شمندر
عصير شمندر مع عصير اناناس بالخلاط وتشربهم متى ماحسيت انك متضايق ومعصب

عصير الجزر مع الكرفس الامريكي ( سالاري ) مع قليل من عصير الليمون ..

عصير التفاح مع عصير بقدونس وليمون ...اختار اللي يعجبك واشربه حتى لو ماتحبه ابلعه وانت مغمض ههههههههه

والمرامية ( القصعين ) وأكليل الجبل ..تغليهم وتنقعهم عشر دقايق وتضيف عسل او شكر هذي الوصفة وحدة بوحدة ..وترى كله اعشاب وعصيرات يعني مو ادوية كيماوية الواحد يخاف يجربهم
طبعا راح تحس بنشاط وريلاكس وقوة.. جنك بباي لما ياكل سبانخ ههههههههه
انا جربت البقدونس مع التفاح عجيب ..وقول ماقالت منى

طبعا هذي الخلطات للجميع مو بس لك ههههههه

ومشكور على العزيمة

بو فراس
27-02-2005, 11:07 PM
اى سلطه حسبالج بسرعه تخلص يبيلها شغل :)

والله خوش سلطه طلعة الشمندر شى لاتطوفج جربيها

وبالنسبه للوصفات وايد كلا بقدونس

عاد السالارى الى ماحبه كلش

عصير شمندر شلون بعد ؟؟؟؟

الظاهر محطة تجارب تجربون فينى :)


العفو ماسوينا شى افا عليج

بشـــــرى
28-02-2005, 09:50 PM
؟؟!!

الحين شاخذ من هـ الوصفات شخلي .. :)

يعطيكم العافية كلكم والله ..

بس تعالوا .. تكلمتوا عن المعمول .. بس ما شفت وصفته ...؟؟ أو يمكن طفته ما قريته ..

يعني لو تتكرمون وتحطون لي :) ....

أكون شاكره

بو فراس
28-02-2005, 11:12 PM
طبق اليوم " بودينغ الجبنة والخبز "



المقادير :


2/1 2 كوب أو 625 مل من الماء
ملعقة كبيرة من دقيق الذرة
علبة 397 غرام من حليب نستله المكثّف المحلّى
4/1 كوب أو 60 مل من ماء الورد
علبتان 170 غرام من قشطه نستله
6 قطع صغيرة من خبز السمون، مفرومة (شيطلع السمون مادرى)
4/1 كوب أو 35 غرام من الزبيب ( كشمش) لايحوشك
4/1 كوب أو 35 غرام من الفستق المفروم
2/1 ملعقة صغيرة من مسحوق القرفة (دارسين)
6 شرائح من جبنة تشادر


الطريقه :

يوضع الماء، ودقيق الذرة، وحليب نستله المكثّف المحلّى في قدر كبيرة. يُغلى المزيج مع التحريك المستمر ثم يُحرّك ببطء لمدة 3 إلى 4 دقائق.

يُضاف ماء الورد وقشطه نستله ويُحرّك المزيج جيّداً. ثم تُضاف قطع خبز السمون المفرومة وتُحرّك جيداً ثم يُرفع المزيج عن النار.

توضع نصف كميّة مزيج الخبز والحليب في صينيّة للفرن 24 سم × 18 سم.

تُخلط حبّات الزبيب مع الفستق، والقرفة، وتُوزّع المكوّنات فوق مزيج الخبز ثم تُغطّى بشرائح الجبنة.

تُضاف الكميّة المتبقّية من مزيج الخبز ثم تُخبز المكوّنات في فرنٍ محمّى على حرارة 220 درجة مئويّة لمدّة 6 إلى 8 دقائق.



يُزيّن البودينغ بالفستق المبشور ويًقدّم على الفور.

بو فراس
28-02-2005, 11:16 PM
اخذى الى تبينه :)


وموضوع المعمول عن الاخت منى تم تحويل لما الطلب :)

بو فراس
28-02-2005, 11:22 PM
" فطيرة الفيتوتشيني "


المقادير :

1 كوب حليب
2 علبة × 170غ قشطة نستله
6 بيضات (مخفوقة قليلاً)
2 ملعقة كبيرة بقدونس (طازج مفروم)
1 فلفل أحمر (مقطع)
1 كوب فطر (شرائح) يفضل يكون طازج العلبه الزرقه
220غ معكرونة فيتوتشيني (مغلية ومصفاة) (ام كشه )
فلفل أسود (طازج مطحون) اختيارى



الطريقه :

يخفق الحليب وقشطة نستله والبيض في وعاء، ثم يضاف البقدونس والفلفل الأحمر والفطر والفيتوتشيني والفلفل الأسود مع التحريك

يصب الخليط في صينية فطائر مدهونة بالزيت أو الزبدة ويخبز لمدة 25 - 30 دقيقة أو حتى يتماسك



وبالعافيه :)

ذات الخيال الواسع
01-03-2005, 08:39 AM
هلا بشورهـ .. لج فـقـدهـ والله

بوفراس
الحمد لله إن السلطه أعجبتك :)
شنو هالإبداعـات طبقـين مره وحدهـ ...... لا بالله خرب الريجيم
فطيرة الفيتوتشيني أعجبتني .. بجربها على العشا
يعطيك ربي ألف عافيه

منى
على طاري المراميه ... تـخـفـف الوزن بس يبيلج تستمرين فيها إهي ويا اليانسون
وسألني مـجـرب :)
باليوم مرتين يانسون ومرهـ مرميه ..

moonah
01-03-2005, 08:39 AM
بشرى ماطلبتي الا عزج ولايهمج انا راح انزل مجموعة اطباقي اليديدة بالصور ومن ضمنهم المعمول احطهم موضوع مستقل ..عشان الكل يستفيد ...ويسهل التصفح لهم ..وماتضيع الطبخات بين السوالف ...صح كلامي جذيه ؟؟؟



بوفراس في الفيتشوني 6 بيض احسه وايد ..بس شكله اومليت فيتشوني طريقة يديدة
تسلم ومشكور على الاطباق

بو فراس
01-03-2005, 09:25 AM
ذات الخيال الواسع :
شنسوى علشان صار لى فترة مانزلت شى فا نزلت طبقين
العفو وحياج :)
اهم شى انها اعجبتج وننطر رايج فيها
موسالفة رجيم تخفيف من الدهون شوى ومع مزاولة رياضة المشى :)
الحركه بركه مثل مايقولون " تعشا و تمشا
المره اليايه بحط عن شوربه





moonah :

على حسب الماعون الى بتحطين فيه الاكل بس مافى مانع تقليل الى 4 بيضات :)

ذات الخيال الواسع
01-03-2005, 10:18 AM
http://forum.hawaaworld.com/files/83336/cake_chess1.jpg


http://forum.hawaaworld.com/files/83336/cake_chess2.jpg


إن شالله تعـجبكم ..

moonah
01-03-2005, 10:42 AM
ذات الخيال توني اشوف ردج ...الظاهر انا وياج كنا نكتب

اي ادري المرامية زينة بس صراحة تسحن الجبد ..وبما اني شريبة جاي احطها معاه

واشربها لما اكون مكثرة اكل وايد.. تهضم هههه

وتسلمين على الحلو ياحلو ...ماخلو شي شطرنج وبلياردو ..انا بسوي كيكة دامه ههههههه

الف شكر لج حبوبة

ذات الخيال الواسع
01-03-2005, 10:59 AM
بصراحه طعم المرميه مو شي ينشرب بالغصب
شلون تحطينه ويا الجاي يغير طعمه

العفو حبيبتي

والله يامنى كيكة الشطرنج تهبل أنا مجربتها بس بطريقتي
لكنها نفس الشكل

هههههه دامـه خوش عليج :)

أيل بوفـراس عليه الجـنـجـفـه ..
أوووهـ نسيت بوفراس حط لنا كيك ماركات عالميه خوش كيك والله
بس نبي الطريقـه منك

الظاهر يامنى ماشفتيهم .. لايطوفج

-
-

بو فراس
01-03-2005, 11:55 AM
جنجفه عاد :) كوت بوسته تبون احط الحاس و الديمن والسبيت



هذا انتاجى شرايج فيه :D

moonah
01-03-2005, 01:23 PM
والله ياذاتوووتة مجبر اخاك لابطل ههههههههه اشربه وانا مغمضة

وكيكة الشطرنج تقدرين تسوينها على كيك امريكانا الجاهز تييبين لونين وتركبينهم على حسب اللي تبينه ...

عيل ماشفتي .. كيكة الرخام ..وكيكة الشامواه .. وكيكة الخشب ..عندي طرقهم بس ماجربتهم

ذاتوتة اي شفتهم الكيكات ..هذول اتحسف اكلهم ...بس اصور معاهم واعلقهم منظر ههههههههه

يؤيؤ حاط جنطة بوفراس ههههههههه شياب الكيكة حق الجناط ..يمكن النقشة

بو فراس
01-03-2005, 02:48 PM
عيل ماشفتي .. كيكة الرخام ..وكيكة الشامواه .. وكيكة الخشب ..

حشا داش شويخ مو المطبخ

اى صار ماصار طقينه الجنطه اقصد الكيكه وسافرنا :)

Black_Hand
01-03-2005, 03:20 PM
يه يه يه شالزين موضوع حلو ومشاركاتكم فيه أحلى..

خلوني أبدي رايي شوي وأعطيكم بعض المعلومات اللي ممكن تفيدكم

جوفوا بالنسبة للمواد والوصفات اللي طرحتوها من قبل مثل ما قالت منى, عصير التفاح وعصير الجزر والمرامية.. الخ

أنا أقول إنه كل أنواع الفاكهة وكل أنواع الخضراوات ما دام طازجة وطرية فهي مفيدة جداً وهي تعتبر دواء واقي يحمينا من كثير من الأمراض وتقوي جسمنا وتعطينا النشاط والحيوية

<<<------- قاعد يدرس روضة خخخخخخ :D

بس هذا أهم شي تحطونا في بالكم :)

ذات الخيال الواسع
02-03-2005, 08:58 PM
أسـتـاذ "بلاك" انا فهمت الدرس

مــشكور ع المـعـلومـه ..

عـطنا من إبداعـاتك .. بس رجاء لاتقول روب وبسكوت المطاحن ..

هذي أكلت بوفراس المفضله ..

moonah
كيكة الرخام والخشب أعرفوا .. لكم الشمواهـ لي الحين ماشفتها
عطينا صورتها إذا موجودهـ عندج

بـوفـراس
فيه اكلات اسمها على شكلها
مثل (قـدرة قـادر) صج أسمها مطابـق لها سبحانه
شلون تحط كريم كرمل وأهوا سايل على كيكه سايله بعدها مانضجت ولا يختلطون
عشان جذيه سموها قدرة قادر
وعلى فكره طعمها أيـــــنـــــن

-
-

بو فراس
03-03-2005, 01:00 AM
ذات الخيال الواسع :

منكم نستفيد من اسم الاكلات وطريقتها
بس ضغطتينى بالبسكوت و الروب عاد تصدقين من زمان ماجربته يمكن من 16 سنه كليته :)
اكلتى المفضله التوب كلش صراحه يريش منهنه و طبق البروكلى (زهره خضراء) الى حطيت طريقتها

moonah
03-03-2005, 10:35 AM
هلااا ذات الخيال

كيكة الشامواه ماجربتها وماعندي صورتها

بس اعتقد حلو عادي وراشين عليه كاكاو بودرة وسموه شامواه

بو فراس
06-03-2005, 10:28 PM
طبق اليوم " شوربة الفطر "

المقادير :

1 كوب فطر شرائح
1 ملعقه اكل بصل مفروم
1/2 نص ملعقه صغيره ثوم مهروس
2 ملعقه اكل زيت (عافيه ....)
2 ملعقه اكل طحين ابيض
4 كوب ماء
3 ملاعق اكل حليب بودر
ملح
فلفل اسود




الطريقة :

يحمر البصل و الثوم بالزيت ويضاف المشروم ويقلب ثم يضاف الطحين ويقلب لمدة دقيقتين على نار هاديه

يذوب الحليب فى كوب ماء ساخن حتى يذوب ثم يضاف بقية الماء الى خليط المشروم ويقلب على النار حتى يغلى الخليط ثم تخفف النار و يترك لمدة نص ساعه


وبالعافيه عليكم
ودى اجربها باجر ان شاء الله اتفطر عليها :)

ذات الخيال الواسع
14-03-2005, 09:33 AM
أفــا متى حطيت طريقة الشوربه

شلون مانتبهت لها ..

عـاد أنا اموت بالشوربات .. ولا بعد شوربة فطر .. يــاســلام

يعطيك العافيه بوفراس

إذا جربتها عطني رايك قبل ماجربها !!

ولا نسويها اليوم على الفطور :)

تحياتي لك بوفراس

ذات الخيال الواسع
14-03-2005, 09:39 AM
http://forum.hawaaworld.com/files/62836/jeenaan1.gif

http://forum.hawaaworld.com/files/62836/jeenaan2.gif

http://forum.hawaaworld.com/files/62836/jeenaan3.gif

http://forum.hawaaworld.com/files/62836/jeenaan4.gif

http://forum.hawaaworld.com/files/62836/jeenaan5.gif

http://forum.hawaaworld.com/files/62836/jeenaan6.gif

مـنــقـول
-
-

بو فراس
14-03-2005, 10:07 AM
من زمان نزلتها ومحد شافها الظاهر
لاوالله ماجربتها كان ودى ولكن ماحصل لى
جربيها اليوم على الفطور وعطينى رايج علشان اسويها :)
زين سويتى صمتى كان ودى اصوم بس مالله كتب مأجوره ان شاء الله

وبالعافيه على الفطور
ومشكوره على الحلو سهل بس مايصير بدون فستق شى ثانى مثلا

ذات الخيال الواسع
14-03-2005, 11:11 AM
الله يتقـبل من الجميع .. :)

إلا يصير بدون فـسـتـق ..

جـوز (عـين الجمل) + دارسين شوي + هيل شوي + سكر ----------> كلهم مطحونين

بوفراس ممكن سؤال .. :)

شنو سـر الـعـلاقـه بينك وبين اللون الأصفـر على البرتقالي ؟؟

ذات الخيال الواسع
14-03-2005, 11:49 PM
........................

بو يعقة
15-03-2005, 02:43 AM
اجكر صاحبة الموتوع الحلووو هاتا
وابي معلومات عن اجلون اطبخ بيض بالكرّات يقولون حلوو وايد اشويه كثير :00:rolleyes::cool::0::confused::):D:xx;):rolleyes::0:

وجكرا جكرا وايديعطيج :) حيل اشوية العافية :xx كثير

بو يعقة
15-03-2005, 02:51 AM
:mad:نسيت شي


نسيت لا اجولكم مو تقصون علي تعلموني على الكنافة تقولن هذا البيض جااان ازعل عليكم جان والله بعدين ما ادش موتوعج هذا:(

:00:xx:mad::(:):p


انا ما جلتلج ما احب الكنافة :xx:(

اندلسي
15-03-2005, 03:02 AM
السلام عليكم



اول شي اشكركم على هالموضوع واشكر الشيف والطباخين والفراشين والخدامات :p
وفريق العمل كله ..


خوش موضوع يفتح الشهية صراحة .. ومشالله اشوووف وايد طباخات عندنا شغلهم حلوووو ياحظ اهلهم فيهم



انزين ...



عندي لكم خوش اكلة ..انشالله تعجبكم :00

عبارة عن وجبة خفيفة مفيدة تصبر على اليوع .. وتفيد المستعيل ..



المقادير :
كوووب مااااء
جاي .. ليبتون جيس واحد
حليب كارنيشن او وادي فاطمة لاهل السعودية على حسب الطلب
سكر على حسب الطلب
شابورة .. يفضل شابورة " رهيبة تسالي "اربع قطع
عدة قفشااات جبن قلاااص .. وانصح بجبنه بووووك لذيذة او جبنة التعاون بالكويت ..<<<والكويتي انفع :D


المهم ..

طريقة العمل : <<<< صح جذي ؟؟:D

يوضع المااء على الجولة الى درجة الغليان
تضع جيس شاي لبتون داخل الماااء وتتركه يغلي قليلا ..
الى ان تخرج نكهة الشاي العبقة لوول
ثم تحرك المقادير برفق .. <<<<<ههه عجيب يا اندلسي
ويصب فوقها حليب كارنشين
ويترك ثانيتين >>> اهم شي لا تزيدون على الثانيتن :p
ثم يصب داخل كوب وتضع السكر حسب الرغبة .. وتحرك المقادير برفق

تاتي بالشابورة .. وتدهن فوقها كمية ملعقة من الجبن ..ثم تغمسها بالكوب ..

وبالهناااااااء والشفااااااااء على معدتكم وصدقوني مارح تحسفون


:D


انزين بنات ... نبي اكلات زفرة منو تعرف فيكم تطبخلنا شي زفر ؟؟؟

ذات الخيال الواسع
15-03-2005, 09:40 AM
أووهـ أووهـ أنـدلـسـي هـنا

يامرحبا يامرحبا نورك طـفـى الـكـهـربـا

لاتستانس واايــد ... :) المكان منور بوجـودنـا

بصراحه أكلتك صعبه واايـد لـعـدة أسباب .. ومنها

1/ حليب كورنيشن مو متوفر بكل مكان وادي فاطمه شبه مقطوع
2/ شابورة تسالي طعمها يلوع الجبد
3/ جاي ليبتون هذا جاي البربسه
4/ جبن بوك ماصخ .. جبن وحليب !! بحترم ذوقك بهذي

جان كملتها وقلت حليب فـراولـه ... :)

هذي بعض الأسباب ولاحظ أني ماذكرتها كلها ..

تبي اكلات زفـرهـ ..
مايبيلها شي بس انت حدد ربيان ولا سمج ولا ذاك مدري شيسمونه
تابع الصفحات الي طافت وبتلاقي بشرى منزله لنا جم أكـلـه ..
وكل وحده أحلى من الثانيه

بو فراس
15-03-2005, 06:40 PM
ذات الخيال الواسع :

اى تمام دارسين حلو


لاسر ولاهم يحزنون :) خلاص بحط صورة سيارتى مره ثانيه شرايج




بو يعقة :


ماعليك زود اخوى ترجم مااعرف هاللغه





اندلسي :

يه يه من وين طالع :)
على العموم حياك بالمطبخ
اكلات الزفره ( السمك و الربيان عندك ذات الخيال و منى عند ويهك :)

واذا عندك اكلات ولا تسوى شى حطهم نستفيد من تجاربك بالمطبخ بس لاتقول بيض لانه تخصصى البيض شوف شى ثانى :)

ذات الخيال الواسع
15-03-2005, 08:09 PM
هلا بوفراس
خوش راي :) أهم شي أنها ماتكون نفس اللون هـذا ..

شوربة الفطر تمام والله بس حسافه مو انا سويتها .. عطيتهم المقادير وطلعـت
والحلو فيها إنها تـسـدك عـن الأكل شوي .. وهـذا المطلوب ..

يعطيك العافيه أخوي :)

-
-

بو فراس
15-03-2005, 08:57 PM
هلا فيج يا ذات سيارتى لونها زيتى مو اصفر :)

واهم شى انها اعجبتج عيل بقول لهم يسون لى باجر ولا على يوم جذى وعسا حطيتى شوى ليمون عليها :)



ان شاء الله اليوم او باجر بنزل طريقة الكنتاكى

اندلسي
16-03-2005, 08:33 AM
هلاا ذات الخياااااال

اشوف ماكو شي عجبج :0:

والله حطمتيني صراحة :D

بس صج لاقالوا القناعة كنز والبساطة من ذهب ..


و إي والله ابي مربين .. اشلون اذا بطبخه ؟؟

اخيرا
يعطيج العافية على ردج السريع وكثّر الله خيرج .. طباااختنا :)







=-=-=-=-=-=---------------


بو فرااااس .. هلا والله فيك ..

اثاريك طباااااخ مشالله ..والله فن انتا هذي موهبة .. ولا اثر من اثار العز..وبية
عاد يقولون ايد الريال احسن من المرة بالطباااخ ..;)


ناطرين الكنتاكي .. استاذي الفاضل



=-=-=-=-=-=---------------


بويعقة : ههههههههههههههههههههههههه اول شي حياك الله بالمنتدى .. شكلك اكّيل .. على طول دااش المطبخ لووول

اوكي تبي تعرف اشلون تسوي بيض ؟؟
مممممممممم

ييب بيضه ومقلى حط على المقلة زيت اشوي وحطها على نار هادية واكسر البيضة وفرغ اللي داخلها على المقلى اانطر اشوي .. ليما اتحس ان بياض البيض صار متماسك صكر النااار وحط البيض بصحن ورش اشوية ملح وفلفل اسود .. سخن لك خبزة او صمونة واكلها بالعافية ..

واذا ماعرفت .. خل خدامتكم تعلمك



سلالالالالام :)

بو فراس
16-03-2005, 09:16 AM
اندلسي :

هلا فيك
شسوى طالع على الخال ماشاء الله يعرف يطبخ اذا طقت حجايجها :) حتى الزبيدى يسويه ويعطيك افكار بعد :)


شنسوى بعد آثار العزوبيه والواحد يعتمد على نفسه لاتنطر احد يسوى لك :)


ولايهمك اخذ طريقة الكنتاكى من الاهل واحطها

اندلسي
16-03-2005, 10:22 AM
انزين انت تطبخ ؟؟؟ اقصد تعرف تطبخ وتطبخ ولا .. بس تعرف ..ووقت ما يطق ببالك تطبخ تطبخ ؟؟


<<<<< هذا وانا داش ادبي حتى سؤال ما اعرف سال اتوقعك بتطقني عقب هالسؤال :D

بو فراس
16-03-2005, 11:33 AM
طباخ عيوش وهالسوالف للحين بس نشوف شلون يسونه ناخذ فكره لااقل ولا اقل

واذا بسوى شى خفيف توست :)

افا عليك ماعاش الى يطقك = الطق ليس اسلوب :)


واذا بتعرف شنو سويت اقولك بعد الفاصل (اجتماع) وراجع

النـــدى
17-03-2005, 08:58 PM
السلام عليكم :)
يصير اشاركم بكيكة:D

تشيز كيك
المقادير..
بسكوت بس ناعم يعني محطوط بالخلاط..
1- زبدة
1- قيمر
1/2 جيس جيلاتين
7 جبن كيري
2- مغلف دريم ويب
1- كريمة حمرة
2- ملعقة كبيرة سكر
صلصة الفراولة او الكرز

خلطة الكريمة
نذوب الجيلاتين بنص كوب ماي حار
نحط الكريمة الحمره بالخلاطه ونخلطها ونحط معاها القيمر والجبن والشكر والجيلاتين
وتترك جانبا:D


الطريقة
نحط الزبدة عالبسكوت - بعد خلطه طبعا يعني بودر-
ونخلطهم عدل مدل
يرص الخليط في القالب
توضع خلطة الكريما فوقها
نحطها بالثلاجة مدة نصف ساعه حتى تجمد الكريمة..
بعدين نطلعها ونزينها بصلصة الفراولة
وهذي علبة الصلصة
http://alnada86.jeeran.com/صورة002.jpg

موجودة بالجمعيات صوب المربى وفي بفراولة وبكرز

وبالعافية :)

بو فراس
17-03-2005, 09:09 PM
وعليكم السلام و الرحمه


حركات تطلع منج يا الندى :)


مايصير بدال الفراوله مانجا؟؟؟

يالله فاصل وانزل لكم طريقة عمل الكنتاكى :)

اندلسي
17-03-2005, 09:45 PM
خوووش كيكة ياالندى ..
تسلم ايدج ...



========---------

بوفراس والله لازم نتعلم .. حرصا على انفسنا باجر يمكن تييك وحدة ما تسوي الا بيض :D


=-=-=-=-----------




اكلة حلوة ... للعزابية ... واللي يحبون يخففون من الاكل .. انصح كل فيها لانها تسد النفس وطرقتها سريعة ...





المقادير :

صمون صغير ...
بيض ...
جبن موزويلااا ..
صلصة طماط او كاتشب ينفع .. <<< بس مو متأكد لوول
ووو زيتون شرائح ..




طريقة العمل :

تييب الصمون .. تقطعها نصين ..
تدهنها كل نص بالبيض ..
وتضع فوقها .. جبن موزوييلا وكاتشب او صلصة طماط ..
تزينها بالزيتون .. حتى يعطيها طعم البيتزا ..

تضعها في الفرن .. حتى تحس انها استوت ..


وتاكلها بالهنااء والشفااااء ..



طبعا الاكلة من تأليفي .. بس حلوة وانشالله اسويها :D


تحياتي لكم

بو فراس
17-03-2005, 09:50 PM
طبق هالاسبوع " كنتاكى "



طبعا شغل بيت احسن وانظف ونكهه :)



المقادير :


دياى (طري = يعنى فرش مو مثلج ولا مبرد يعنى الواحد يروح سوق شرق ويشترى الدياى مذبوح جدامه ويكون من محل العصريه بسوق شرق ولا المحل الى نشترى منه خوش دياى عنده)

المهم يكون الدياى مصلوخ الجلد

لما نسوى الكنتاكى اقل شى 20 ديايه ويتم حفظه بالفريزر

الخلطه : لتتبيل الدياى


بهارات ( فلفل اسود - كزبر - حبة حلوه - كمون - الحبه السوده (البركه) - عرج الهيل)

طبعا تكون هالتشكيله من البهارات مغسوله و مطحونه (هذا كلام يدتى)



خل ابيض او ليمون ملعقتين

خلطة الصويا (موجوده بالجمعيات) على الاقل مثلا 3 او 4 ملاعق اكل

هيل 2 ملعقة اكل

بيض (على حسب كمية الدياى) 4 بيضات زينه

بقصمات

طحين


=========

الطريقه :

طبعا يكون الدياى نظيف ومغسول عدل تقطع الديايه الى 4 اجزاء
خلط البهارات + البيض + 1 ملعقة اكل هيل
ويخلط مع بعض

وبعدين يوضع الدياى بالبقصمات ثم بالطحين

يوضع فى صينيه وبالفريزر لما يثلج وبس لما تشتهون تاكلون كنتاكى تطلعونه ولما يذوب الثلج منه يتم قلى الدياى على نار هاديه ويكون لونه ذهبي


وللتقديم من اختيارى

توضع قطع الكنتاكى بصحن ومعاه خضار مفيوحه الى تسومنها سوتيه ( جزر - فطر - فاصوليا خضراء - بروكلى)

وتحطون ليمون على الكنتاكى ياسلام



وبالعافيه
والى يجرب يعطينى رايه فيه

بو فراس
17-03-2005, 09:54 PM
اندلسي :

معاك حق لازم نتعلم
بس ملينا كلا بيض بيض

بس مواى اكله تصير حلوه لايغرك الشكل اهم شى النكهه


ياريت الاكلات الى تحطها ترفق صوره وياهم احسن :)


ويعطيك العافيه

النـــدى
18-03-2005, 08:40 AM
بوفراس..
مادري بس هذي صلصة جاهزة اذا بتحط مانجا ماعرف تضبط وله لا :)
اندلسي..
اكله سريعه وحلوة :)
يسلموو
والكنتاكي شي صراحه ;)

بو فراس
18-03-2005, 10:22 PM
جربي الكنتاكى و عطينى رايج :)

وبالعافيه

النـــدى
20-03-2005, 07:09 AM
بيني وبينك مجربينه من زمان نسوي بالبيت:D
الله يعافيك :)
يزاك الله خير على هالطبخات
تصلح موسوعة متى ماصارلنا نفس نطبخ شي غير العادة نرجع لهالصفحة
السلام عليكم

بو فراس
20-03-2005, 10:00 AM
زين :)

تمام الموسوعه للكل

ذات الخيال الواسع
23-03-2005, 08:56 AM
هلا أندلسي

لاطبختك الأولى ولا الثانيه ..... ماحب البربسه أبي شغل عـدل مــدل

حط لنا فطاير لحم الواحــد يتريق عليها شغلات حلوهـ جذيه

ذكرتني بفطاير بالشويخ :D عـجيبه والله

والمربين إن شالله بكتبه لك مايبيله شي .. أدور صورهـ لـه وأحـطـه ;)

----------------------

نــداوي

خوش كيكه الله يعطيج العافيه :)

والصلصه لازم اشوف لها بديل ------> ماأحب صلصة الكرز والفراوله

ناطرين إبداعاتج ;)

--------------------

قواك الله بوفراس

زين سويت يوم حطيت لنا الكنتاكي :)

خوش كنتاكي والله جربته أول ماحطيته لنا

على الأقـل الواحــد يـقـليه بزيت نـظــيــف

الله يخلي لك يدتك ويطول بعمرها يارب .. عطنا أكله من اكلاتها

-
-

ذات الخيال الواسع
23-03-2005, 09:12 AM
http://forum.hawaaworld.com/files/62836/1.gif

http://forum.hawaaworld.com/files/62836/2.gif


المقاادير:

1كاس من الطحين
1 ملعقه اكل سكر بودره
قليل من الدارسين
4 ملاعق بندق مطحون
قالب زبده 113 او 2/1 كوب سمن

للزينه:

كاكاو نوتيلاااا (بالبندق )
سكر بودره
لوز شرائح


الطريقه :

انطلع الزبده قبل مانبدأ بوقت حتى تكون بنفس حرااره الغرفه .. واذا كنت مستخدمه السمن عاادي

على طوول ابدأ بعجن جميع المقادير مع بعض

نشغل الفرن قبل وناخذ منها كور ( صغيره ) ونضغـط على اعلى الكوره عشان تتسطح

وتصير مثل الصوره دائريه مسطحه (ووواضح)

تدهن الصينيه بقليل من الزيت مسحه بسيطه

نبدا بالتشكيل ونصفهم في الصينيه واندخلهم الفرن

خلااص تحمر اللي تحت .. نحمر بعد اللي فووق بس هااااااه انتبهوا ترى بسرعه يتحمررر

ولمن تبردندهن وجه البسكويت بكاكاو نوتيلا مخلوط معااه قليل من الزبده

ثم نرش السكر البودره على طرف البسكويت والطرف الاخر نغطيه بشراائح اللوز

الشكل الثاني طبعا سهل نسويه على شكل اسطوانه ثم غمس طرفيه فقط بالكاكاو

او عمل خط متعرررج عليها نفس الصوره

وعــذرا ع الإطــالـــه ..

هـني وعـافـيه :)

-
-

مايهم
23-03-2005, 09:41 AM
يم يم يم يم

سعابيلي طاحت

مشاء اللة عليج

بو فراس
23-03-2005, 09:56 AM
حياج ياذات الخيال :)
وشرايج فيه الكنتاكى

اللهم آمين
ولايهمج اخذ منها اكلات واحطها

اندلسي
24-03-2005, 08:30 AM
هلا أندلسي

لاطبختك الأولى ولا الثانيه ..... ماحب البربسه أبي شغل عـدل مــدل

حط لنا فطاير لحم الواحــد يتريق عليها شغلات حلوهـ جذيه

ذكرتني بفطاير بالشويخ :D عـجيبه والله

والمربين إن شالله بكتبه لك مايبيله شي .. أدور صورهـ لـه وأحـطـه ;)

-

انتي ما يعجبج شي .. انتي شغلج كله بيض مسلوق ادري فيج :D

اما فطاير شويخ ولحم على الريج .. اشلون ريوق فطيرة لحم !! :p

وبسرعة حطي لنا المربين طباختنا ;)

عمري ما طبخت شي زفر وودي ابلّش بربيان ..

اندلسي
24-03-2005, 08:39 AM
((( الدجاج بالكريمة .. وجبنة الشيدر )))

عاد هالاكلة حطينها شغل عدل وانشالله تعجب طباختنا ..
وحطينا الصورة تلبية لطلب الشيف بو فراس :)

والله يخلّي الاهل ..


المقادير:

دجاجة مقطوعة إلى قطع صغيرة أو متوسطة
ليمون مقطع شرائح أو ليمون مبشور حسب الرغبة
بصله كبيره مقطعة شرائح
ثوم شرائح " واللي مايحب الثوم لا يحط .. بس صراحة انا استطعمها مع الثوم "
فلفل حار شرائح
3 مربعات صغيره زبدة وزن الواحدة 10 غرام
2 ملعقة طعام طحين متعدد الاستعمال
3 أكواب من ماء الدجاج


الطريقة:

1. نسلق قطع الدجاج في ماء ونضع الهيل والقرنفل وأعواد الدارسين والقرفة والملح
2. نحتفظ بماء الدجاج على جنب...
3. نصف الدجاج في صينية الفرن ...
4. نوزع شرائح البصل والثوم و قشر أو شرائح الليمون والفلفل على الدجاج ...

طريقة عمل الكريمه :
1. نسيح الزبده على النار ..
2. نضيف ملعقتين الطحين ونخلط جيدا حتى يتجانس الطحين...
3. نضيف ماء الدجاج ونخلط بسرعة، نستمر بالخلط حتى تصبح الكريمه غير غليظه ولا خفيفة.
نسكب الكريمه فوق صينية الدجاج...
نوزع جبن شيدر المبشور فوقهم ...
نضع الصينية في فرن و نشغله من فوق حتى يتحمر السطح أو حوالي نصف ساعة...

http://img88.exs.cx/img88/4971/potat1.jpg


اكله خفيفة ولذيذة .. انشالله تعجبكم :)

بشـــــرى
24-03-2005, 02:40 PM
.. يعطيكم العافية على هـ الأكلات ..

والدجاج بالكريمة .. وجبنة الشيدر مبين عليه شغل عدل

tarkans_beloved
25-03-2005, 04:00 PM
بصراحة أنا ماأكتشفت اني فاشلة الا يوم دخلت الموضوع!!



أصعب شي لمـــا الشباب يعرفون يطبخون وأنا حتى البيض أحــرقة :00
:D

Black_Hand
25-03-2005, 11:09 PM
لا عادي تاركان.. كل اللي عليج تسوينه إنج تتعلمين الطبخ من اللي يعرفون يطبخون

يعني أنا تعلمت أسوي طبخات بسيطة مثل البيض والفول (يا عيني على الفول :p) والفاصوليا من منو..؟

من خدامتنا! كنت أجوفها شتسوي وقمت أسوي مثلها.. وخدامتنا طباخة زينة



وبعدين يا تاركان ترى البيض ما يبيله شي..

1. ييبي المقلة حطيها على النار ورفعي النار

2. حطي شوية زين زيتون ونطري لين يحتر

3. كسري بيضة وحطيها ووطي النار

4. حطي شوية ملح لا تحطين وايد :D

5. نطري البيضة لين تتحول من الحالة السائلة إلى الحالة شبه الصلبة :D

6. طفي النار وحطي البيضة بالصحن اللي بتاكلين فيه :)

Mission Accomplished

بالعافية :)

اندلسي
25-03-2005, 11:28 PM
بلاك هاند ..
حطي شوية زيت زيتون ونطري لين يحتر
اول شي لوول عدل .. تنفع شيف
وبعدين ما يحطون زيت زيتون
يحطون زيت قلي عادي ..ذرة او عباد الشمس
لان زيت الزيتون ثقيل .. ما ينفع حق القلي



=-=-=-=


بشـــرى ..

.. يعطيكم العافية على هـ الأكلات ..

والدجاج بالكريمة .. وجبنة الشيدر مبين عليه شغل عدل

صحتين .. جربيها وقوليلي رايج

بو فراس
25-03-2005, 11:39 PM
تسجيل متابعه :)

والله زين يطلع منك يا اندلسي


تاركان عاد كيفج شدي حيلج وتعلمى جم اكله

اندلسي
26-03-2005, 01:07 AM
بو فراس .. اييييي عيل اشّوووون عيل :D

ذات الخيال الواسع
26-03-2005, 10:40 AM
بوفـراس
والله الكنتاكي عـجأيب إذا كان من البيت وحق كنتاكي أنا ماحـبـه
وقلت لك سويته وعجبني والله
شنو بتكون طبخـتك شيف بوفراس هذا الأسبوع ؟؟

-------------

أندلسي
ياويلك من الله انا شغـلي كله بيض .. :(
فطاير لحم ريـوق .. يقـولك من عــاب أبتلى .. وانا مضحكه على ناس ريوقهم جذيه
وأزيدك بـعـد فطاير لحم وببسي ------> مو أنا أهــم من

إي هذا الشغـل والطبخات الـعدله :) دياي بالكريمه تمام والله
باخذها اليوم ونجربها يوم الأثنين وإحنا صيام
عشان إذا ماعجبتنا ناكلها من اليـوع

-------------

بيض بزيت الزيتون لا لا لا لا لا لا كرهـتـوني بالبيض
تاركان شدي حيلج وتعلمي لج جم طبخـه ... ضروري الواحد يتعـلم ...
الحمد لله الطباخه موجودهـ ومع هذا لازم ندش ونشارك :)
لاتعـيدينها .. زيت زيتون وبيض .. أرجوج تاركان
-
كل الشكر لك مــايــهــم ولـمرورك ... حياك وشارك معانا
مو مشكله حتى لو بــيــض :(
-
بلاك هانـد
شارك معانا .. وأنت المستفـيد ..

-
-


أمممممممممم ولا خلاص

تحياتي لكــم

-
-

بو فراس
26-03-2005, 11:06 AM
والله ماادرى شنو بحط اشوف اليوم واعطيج خبر


اليوم يدتى راح تسوى كنتاكى بالخلطه تبون الصور ولا لا:)

اندلسي
26-03-2005, 12:36 PM
أندلسي
ياويلك من الله انا شغـلي كله بيض .. :(
فطاير لحم ريـوق .. يقـولك من عــاب أبتلى .. وانا مضحكه على ناس ريوقهم جذيه
وأزيدك بـعـد فطاير لحم وببسي ------> مو أنا أهــم من

إي هذا الشغـل والطبخات الـعدله :) دياي بالكريمه تمام والله
باخذها اليوم ونجربها يوم الأثنين وإحنا صيام
عشان إذا ماعجبتنا ناكلها من اليـوع


:)
اول شي تقبل الله طاعتكم ..مقدما
جربيها وانشالله بتعجبج .. وقوقليلي رايج عقب ..

واليوووع احلى وجبة
مثل ما قالوا ..
لان كل الاكلات تصير حلوة معاه ..

الا على سالفة ريوق لحم وببسي .. لازم نجرب احس شي هالريوق

واذا عندج الوصفة حطيها :D

تحياتي لج .. طباختنا


======


بو فراس .. حط لنا الصور .. مو خسرانين شي :)

ولا اشرايك توريني لااايف مباشر ..
تدري اشلون اشرايك اذوقها معاكم بعد ؟؟

اخلصك ؟:D

ياخي اعزم لوول

يعطيك الف عافية .. وكثّر الله خيرك

اندلسي
26-03-2005, 12:41 PM
سؤال ..

سمعت ان اللي يطبخ .. ما يشتهي ياكل من طباااخه , صج ؟؟


ابي جواب من تجاربكم

بو فراس
26-03-2005, 04:56 PM
والله قلت حق يدتى اصورج وانتى شلون تسوين قالت لا ماتبي لوية المطبخ تدرى :)


بس لما يسونه وباكله اصور لك علشان تقول حق بيتكم يسونه لك :)

little^star
26-03-2005, 09:38 PM
مقرمشات الزعتر >>اهداء حق بنت الكويت;)


المقادير:

*خبز اللبناني الخفيف
*زيت زيتون
*زعتر

الكمية على حسب اللي انتو تبونه

الطريقة:

- تقطيع الخبزة ((بالمقص )) مو بالسكين الى الشكل اللي تبونه .. مربعات او مستطيلات... وفتح الخبزة بالنص ..
- تفرشين قطع الخبز بصينية الفرن .. وتدهنينهم بزيت زيتون .. وترشين فوقهم زعتر .. على حسب الرغبة
بس مو تترسين الخبزة بعدين يشب عليكم الحارج ..
- تدخلين الصينية الفرن .. لما تتحمش الخبزة تشيلينها ..
بس مو تخلينه بالفرن لما يحترق ترا شوي ويخلص ما يطول..


وهاذي الصورة

http://roseta.jeeran.com/za3tar.jpg

ينفع الضحى ويا الجاي :rolleyes:

اندلسي
27-03-2005, 03:17 AM
بس حق بنت الكويت .!! افااا:cool:


بس خوش اكله .. صراحة مابي اتعب روحي بروح اشتريها من محل الفطاير اللي بالجمعية ..

كلها 50 فلس ..


=-=-=--


بوفراااس .. الاهل خبرة بالمجال .. لا تحاتي ;)

ذات الخيال الواسع
27-03-2005, 11:30 AM
بوفـراس

أكــيـد نبي الصور :) خبري امس يدتك بتسوي الكنتاكي

والله شكلك كليته :D ونسيتنا بالصور

هـنـي وعـافـيـه

الله يعطيها العافيه ويطول بعمرها ..

------------------

أنـدلـسـي

إي صج الي يطبخ مايشتهي ياكل

ويامـا ماكليـنـا -------------> :D بــكــاشـــه أنـا ماأكـل جان زين

مثلا لو كنت يوعـان حدك و سويت لك بيض تشتهي تاكله :confused: .. ماعـتـقـد

اما سالفة ريوق فطاير لحم وبيبسي .. لاتعـب حالك

مطعم صغير تسمونه بوفيه بالشويخ أممممممم مع حوسة السيارات

أعـتـقـد اسمــه فطاير الشويخ

بتلاقي عنده هالفطاير وحتى الببسي عندهـ :eek: تــصــدق

----------------

little^star

مقـرمشات الزعـتـر واااو مـااقــاوم دام السالفه فيها زعـتـر

بس ماراح أسويها ... :0: لأنج خصيتي ..

لا من جــد ضروريه هذي جاي الضحى محد يشربه كثري

قـواج الله

--------------

عـذرا هـذرتي وايــدهـ الـيـوم :00 ... من زمان مو متحجيه

يعطيكم العافيه

-
-

بو فراس
27-03-2005, 11:57 AM
اندلسي :


تمام عيل :)






ذات الخيال :


والله يدتى ما اكشخة علشان اصور الخطوات :) ماعليه لما اكل الكنتاكى بصور ولايهمج وعلشان تتشوقون اكثر تسوونه ويكون مقرمش بالبقصمات بعد ويمك صحن بطاط كرسبي وسلطات ايبااااااااااااا (واحد يوعان) :)

ذات الخيال الواسع
27-03-2005, 12:03 PM
إي والله واحـــد يــوعــان .. :D

بو فراس
27-03-2005, 12:10 PM
مابقى شى ساعتين ويخلص الغدا ونتغدا :)



حياكم

اندلسي
28-03-2005, 03:11 AM
هني وعافية ..


" ايباااااا "اعجبتني لووول :D




=-=-=-=


ذات


إي صج الي يطبخ مايشتهي ياكل

ويامـا ماكليـنـا -------------> :D بــكــاشـــه أنـا ماأكـل جان زين


مثلا لو كنت يوعـان حدك و سويت لك بيض تشتهي تاكله :confused: .. ماعـتـقـد

لووول .. في شي اسمه رجيم
اما البيض .. فما اقاومه صراحة واسويه بجم شكل ونوع
وانشالله احط لكم الانواع برد ثااااني ...


اما سالفة ريوق فطاير لحم وبيبسي .. لاتعـب حالك

مطعم صغير تسمونه بوفيه بالشويخ أممممممم مع حوسة السيارات

أعـتـقـد اسمــه فطاير الشويخ

بتلاقي عنده هالفطاير وحتى الببسي عندهـ :eek: تــصــدق


اووووه كشخة .. والله تعرفين http://montada.kuwaitchat.net/msgs/images/icons/icon102.gif عاد صج عليهم خوش فطيرة لحم ... :)




سلام .. لكل اللي يحتاجون رجيم :p

ذات الخيال الواسع
28-03-2005, 12:07 PM
وأنا أقـدر على الريجيم

عاد تصدق من قبل أمس الـغـدا وانا ماكليت شي

عن قولة والله أمس قطعه صغيره كرواسان وبـــس

مو رجيم والله مالقـيت إلا انا أسوي ريجيم ..

الحمد لله على العافيه .. القناعه كنز وأنا مقتنعـه بجذيه ..

------------

يومنك تعرف مكان هالفطاير ليه مخليني أبح بلـعـومي :D واشرح لك وينها فيه

تكفى اندلسي مانبي ولا طريقـه للبيض ....... بـلـيــز

لي شهر مو ماكله بيض .. فاخلني اكله هاليومين ..

فيه حجي وايد عن البيض يقـرقـع بـقـلبي ودي اقوله .. بس جني قـرقـة واايــد :D

-----------------

بوفراس

ياليت تنزل لنا طبخاتك اول كل اسبوع

أحب ماعليه أسويها يوم الأثنين

طرارهـ وتشرط ...... أمــــــون :)

-
-

بو فراس
28-03-2005, 12:41 PM
ان شاء الله ولايهمج

ذات الخيال الواسع
30-03-2005, 08:06 AM
مالذي تحمله لك البيضة الواحدهـ

بما أنكم تـحـبـون البيض بجميع اشكاله وأنواعـه


http://www.moveed.com/data/media/109/egg.jpg

" كـسـرت خـاطـري "

الـبـروتـيـن
---
تحتوي البيضة الواحدهـ على 7 غـرامات من البروتين

يحتاج الشخص إلا 56 غـراما من البروتين في اليوم الواحـد

فتناول بيضتين في اليوم يوفـر ربـع الكمية المطلوبه .
-
-
الفـيتامين
---
تحتوي البيضه على فيتامين

A / لتـحسين البشـره .
E / لتقـوية عـضـلات الـقـلب والوقايه من أمراض السرطان .
D / لتـقـوية العظام والوقايه من هشاشتها .
-
-
الـمـعـادن
---

الكالسيوم : لصحة الأسنان والعظام
الـحـديـد : لتحسين الذاكرهـ والتركيز
الفوسفور : لطاقـة الجسم
المنـغـنيز : يحسن مستوى السكر في الدم للمصابين بالسكري
-
-

هذا ماتحمله البيضه الواحـدهـ

سواء كان قـشـرها أبيض أو بـنـي , فلا إختلاف في مكوناتها الغـذائيه

بيض بالجبن - بيض بزيت الزيتون - بيض بالحليب - بيض بالعسل -

كـرهـت البـيـض لـحـد يـجـيـب لي طـاري بـيـض بـعـد الـيـوم :(

-
-

مايهم
30-03-2005, 08:14 AM
هههههههههه حلو هالموضوع
بس كل شي الا البيض
خصوصا" بيض بالجبن
هذا هو ريوقي وعشاي ومرات غداي
ايش اسوي اموووووووووووت على البيض

مشكورة

بو فراس
30-03-2005, 08:34 AM
مشكوره ياذات الخيال على اضافتج للبيض

وحياك يا همام

اندلسي
30-03-2005, 08:44 AM
اوووووه كشخة يا ذاااات
;);)


شهالمعلومات الصعبة ..



؟؟



اشكرج على اضافتها ذات



وصراحة الصورة معبّرة بجّـــــتني ..


:D


واذا تبين اي وصفة بيض ترا حاضرين



مايهم حط لنا البيض بالجين اشلون ؟؟



ابي بعض الناس ما يدشون هالموضوع مرة ثانية :p

ذات الخيال الواسع
30-03-2005, 09:46 AM
مشكور مايهـم

أسـعـدني مرورك .. بيض بالجبن لا ..

بــلــيــز ;)

----------------------

هلا بوفراس

الـعـفـو وحاضرين للطيبين

المرهـ الثانيه بشوف تقـرير عن الروب وبسكوت المطاحـن :D

وترى اللي مشارك مايهم مـــو هـمام ..

---------------------

أندلسي

دمـعـتي حايرهـ خانقـتـني لا أنا ولا هالصورهـ :00

إن شالله عـمي ماأدش مرهـ ثانيه.. شرط إذا حطيتوا بيض بالجبن ..

-
-

النـــدى
31-03-2005, 08:28 PM
زين تعرفون حلو خدود البنات؟
انا بسويه باجر بس اذكر اني قاريته مكان وين مادري:)
ادري مايمدي شكلي انا بدور الحلو وبسوي واعطيكم الوصفه
السلام عليكم

المتفائله
01-04-2005, 06:21 AM
انا زلعااااااااااااااااااااااااااااااانـــــــــه
لان اكلاتكم تجنن وانا مالي اسبوع باديه رجييم انا و صديقتي
الله المستعان
بس باذن الله اذا شفت اكله زييينه
تستاهل بؤكم
راح اكتبها
هني وعافيه
وتسلمووون

النـــدى
01-04-2005, 12:07 PM
مساء الخير :)
اوكي لقيت طريقة حلو بخدود البنات سريعة حدها
الي تحتاجه عشان تسوين الحلو
1-
خدود البنات( مارشملو)
2-
بسكوت مطحون
3-
حليب مركز ومحلى
4-
ككاو السائل مادري شسمه بس هذا الي يحطونه على البرد
الطريقة


اغمس خد البنات بالحليب المركز ثم بالبسكوت
وصفه بالصينية
بعدين صب على كل وحدة نقطة من الككاو السائل
وحطه بالثلاجة شوي خل يبردوبالعافية
;)

وهذي pic
http://www.w6w.com/w6w.php?pic=458190

بو فراس
01-04-2005, 02:25 PM
المتفائله :

افا ليش الزعل
ميخالف خلى لج يوم بالاسبوع فرى اكلى الى تبينه :)
وننطر اكلاتج وحياج






الندى :

مشكوره على هالحلو ويعطيج العافيه :)

بشـــــرى
01-04-2005, 05:46 PM
كرات البسكويت بالكاكاو



المقادير

3 بسكويت شاي كبير (أولكر أو ماري أو غيره)

2 علبة قشطة

1 فنجان سكر

2 ملعقة شوكولاتة كاكاو بودرة

مغلفين (كيسين) بودرة كريمة الخفق



الطريقة

يفتت البسكويت جيدا ويخلط مع جميع المقادير ويكور

وبالعافية

:rolleyes:

ذات الخيال الواسع
01-04-2005, 08:52 PM
يعـطيج العـافيه بـشـرى

أسـهــل من جذيه مــاكــو :D وهـذا المطلـوب

-

هلا نــداوي

حـلاج واايــد حـلــو دام فـيـه خــدود الـبـنـات

سـهـل ولـذيــذ .. قـواج الله عـزيزتي

-

الـمـتـفـائـلـه

حياج أخـتـي , وشاركي ويانا بـأكـلـه من صـنـع إيـدج الـحـلـوهـ

-
-

بو فراس
01-04-2005, 11:57 PM
الحمد لله على السلامه يا بشرى :)

ومشكوره على هالحلو الخفيف

الصاحي
04-04-2005, 02:26 PM
والله المدام عندها أكلات لذيذة راح آخذ رايها وأشوف ...... أخاف ما تبي تنشرها :)

حقوق الطبخ محفوظة

بو فراس
04-04-2005, 04:40 PM
شوفها ويمكن تغير رايها وتحط اكلاتها :)

الصاحي
05-04-2005, 04:50 PM
خل نبدي بمكعبات التمر

- بسكويت دايجستف مطحون
- قالب زبدة
- 8 قطع جبنة كيري
- 2 علبة حليب نستله
- 4 تمرات
- 1 علبة قيمر

يرص البسكويت مع الزبدة الذائبة في صينية عميقة تيفال
يفضل تلبيس الصينية بالقصدير
تخلط باقي المكونات بالخلاط (خلاط العصير)
ثم تصب فوق البسكويت وتوضع في الفرن حتى يصبح لون الطبقة الفوقية أشقر
ثم تترك لتبرد
بعدها تقطع مكعبات وتصف للتقديم

اللي ما فهم صعبة اشرح له لاني مو فاهم شقاعد اقول ههههههههه
بس ادري انكم شطار وراح تفهمون الطريقة

الصاحي
05-04-2005, 04:59 PM
فطيرة الدجاج:

- قالب زبدة
- شرائح بصل
- شرائح كرمب او كرنب
- جزر مبشور
- دجاج مسلوق يقطع شرائح
- مكعب ماجي
- 2/1 كأس جبنة كرافت القابل للدهن (عرفتوه؟ ساعدني بوفراس جبن القلاصات)
- عجيبنة بف باستري (أمريكانا)

الطريقة:

- تدهن صينية تيفال دائرية بالزبدة
- ترق عجينة البف باستري وتفرش على الصينية وتترك أطرافها الى الخارج قليلا (أكيد فيه حكمة)
- تقلى وتحمس (ترجمها بوفراس الموضوع موضوعك) جميع المكونات السابقة مع الجبن (تخيلوا)
- توضع فوق البف باستري وتضم الاطراف الى الداخل (أقص ايدي اذا فاهمين هههههه بس لذيذة لا تطوفكم)
- تغطى الخلطة بالعجينة كاملا وتدهن من فوق بالبيض (طبعا نسينا نقول البيض بالمقادير) وتوضع داخل الفرن
- أحلى شي اني ما اعرف المدة ولا الحرارة، بس اهي راح تنضج بسرعة الى ان يصير لونها أشقر، لا تخلونها بالفرن وتروحون

بالعافية

بو فراس
05-04-2005, 09:54 PM
شرائح كرمب او كرنب == شنو يعنى؟؟


جمله اعرفها وجمله كلش ماعرفها بالمره يبيلك ترجمه عدل

شوف فى حل للمشكله خل ام العيال تطبع الاكله على word وانقل للموضوع على الاقل نفهم شرايك :)

little^star
07-04-2005, 06:26 PM
سلطة البطاط والملفوف

المكونات:
زهر - مقطع صغار + مقلي
بطاط - مقطع طوال + مقلي
خس - مقطع طوال
ملفوف - مقطع طوال

الطريقة:
وضع جميع المكونات بماعون واحد
واضافة الصلصة المكونه من:
1 علبة روب - 1م مايونيز - 1م ليمون
وخلطهم مع بعض... وهذي الصورة....

http://roseta.jeeran.com/P1020105.JPG

بو فراس
08-04-2005, 12:30 AM
يم ياااااااااااااام

مشكوره يا ليتل على هالسلطه :)

الصاحي
09-04-2005, 10:05 AM
الكرمب هو اللهانه
اعتقد
يعني كلش ما فهمت الطبخة بو فراس؟
بالعكس اعتقد واضحة بس انا كان قصدي تساعدني باللهجة علشان يفهمون اخواننا من خارج الكويت

خل اعيد طريقة الفطيرة بالدجاج

الطريقة:

- تدهن صينية تيفال بالزبدة (الصينية تكون دائرية الشكل ومسطحة)
- ترق عجينة البف باستري وتفرش على الصينية وتترك أطرافها الى الخارج قليلا (حتى تغطي خلطة الدجاج فيما بعد)
- تقلى وتخلط جميع المكونات السابقة مع إضافة الجبن (الجبن القابل للدهن ماركة كرافت)
- توضع الخلطة فوق عجينة البف باستري وتضم اطراف العجينة الى الداخل (حتى تغطي الخلطة بالكامل)
- تدهن العجينة من فوق بالبيض (طبعا نسينا نقول البيض بالمقادير) ثم توضع داخل الفرن
- تكون حرارة الفرن متوسطة ولدقائق فقط حتى تصبح الطبقة اللي فوق لونها أشقر

سهلة الحين؟

بو فراس
09-04-2005, 01:37 PM
فهمت منها الى اقدر عليه تدرى الاستيعاب لك عليه شوى :)

بس ماعليه افهمها وانا اخوك

بشـــــرى
09-04-2005, 07:19 PM
** يعطيكم العافية **

.. متابعة ..

:)

بو فراس
09-04-2005, 07:40 PM
يعافيج و حياج يا بشرى


ماشر غايبه جم يوم؟؟

بشـــــرى
09-04-2005, 07:58 PM
الله يسلمك بو فراس ... سخونة هـ الأيام .. الله يكافيكم شرها :)

بو فراس
09-04-2005, 08:29 PM
لا سلامات
اجر وعافيه

ديرى بالج من هالجو

شربى شى دافى شوربه عدس ولا دياى بالكريمه وذره :)

بو فراس
09-04-2005, 09:31 PM
طبق اليوم بعد انقطاع :)


" شوربة الدجاج و البروكلى بالكريمه "


المقادير :

1/2 كوب مشروم طازج مقطع شرائح
1/2 كوب بصل مفروم
1/4 كوب زبده
1/4 كوب دقيق (طحين ابيض)
2 كريمه الطبخ
كوب او 1/2 مرقة دجاج (كنور)
1 كوب دجاج مطبوخ مفروم (يعنى مسحب اتوقع)
1 كوب بروكلى
1/2 ملعقه صغيره روز مارى ماكلا مجفف (غير مطحون) شنو يعنى هذا ماعرفته ترا
1/2 ملعقه صغيره ملح
1/4 ملعقه صغيره زعتر مجفف غير مطحون
1/4 ملعقه صغيره فلفل (اختيارى)





الطريقه :

اقلي المشروم و البصل بالزبده فى مقلاة وسط على نار هادئه حتى يطرى اضيفى الدقيق مع التحريك حتى ينعم المزيج وطهو السابق لمدة دقيقه واحد مع التحريك باستمرار واضيفى الكريمه بالتدريج ومرقة الدجاج وعلى نار هادئه وسط مع التحريك المستمر حتى يثخن المزيج و تظهر الفقاعات على الوجه اضيفى الدجاج المفروم وبقية المقادير غطيها واتركيها على نار هادئه لمدة 10 دقائق مع التحريك كل مده





وبالعافيه عليكم :)

حدى يوعان و هالشوربه يوعتنى اكثر

بشـــــرى
10-04-2005, 09:15 PM
الله يسلمك بو فراس

والشوربة حطيتها بوقتها


:)

بشـــــرى
10-04-2005, 09:58 PM
قوالب الدجاج الصغيرة


المقادير

كيس خبز شرائح " توست "
دجاج مسلوق مقطع صغير
جزرة صغيرة مبشورة
بطاطس مكعبات مسلوق
بصلة صغيرة مبشورة
ملعقتان كبيره قشطة
ملح
فلفل
جبن مازارولا

الطريقة

* تقطع حواف التوست ثم يقطع التوست إلى أربع مربعات ثم ترق " تفرد " كل قطعة
* تدهن الصينية المقسمة إلى قوالب صغيره بالزيت
* توضع في كل قالب قطعة صغيرة من التوست برقة
* يقلب البصل مع قليل من الزيت على النار ثم يضاف الدجاج والجزر ويقلب قليلا ثم يضاف إليها البطاطس ثم يضاف الفلفل والملح وأخيراً القشطة
* توضع ملعقة صغيرة من الحشو في قوالب التوست
* يرش قليل من جبن المازارولا على وجه القوالب ثم توضع بالفرن 10دقائق

.. وبالعافية ..

بو فراس
10-04-2005, 10:06 PM
مشكوره يا بشرى على الطبق واهم شى انه دياى



ملعقتان كبيره قشطة == يعنى قيمر؟؟

بشـــــرى
10-04-2005, 10:36 PM
معروف الدجاج لا يعلى عليه :)

أي القشدة هي القيمر ..

الصاحي
11-04-2005, 08:57 AM
بطاطس بيورية بالشبت


المقادير :
¾ كيلو بطاطس
2 ملعقة كبيرة مرجرين
2 حبة بياض البيض
2 ملعقة صغيرة ملح
½ ملعقة صغيرة فلفل أبيض
¼ كوب شبنت ن مفروم
2-4 ملعقة كبيرة حليب قليل الدسم


الطريقة :
1. شغلى الفرن لدرجة حرارة 180 س ، أحضرى صنيية قصيرة الحافة ، بطنيها بورق الزبدة.
2. قشرى البطاطس ، ضعيها فى قدر واسع ، اغمريها بالماء ، أضيفى ملعقة صغيرة من الملح ،
دعى الماء يغلى إلى أن ينضج البطاطس.
3. أخرجى البطاطس من الماء السلق، ضعيها فى قدر جاف ، دعيها على النار لبضع دقائق إلى أن تجف تماما.
4. اهرسى البطاطس فى مصفاة الخضار ، أضيفى المرجرين، بياض البيض ، الملح ، الفلفل الأبيض ، الشبنت ،
اضيفى الحليب بالتدريج، قلبى بالشوكة إلى أن تختلط البطاطس جيداً.
5. ضعى البطاطس فى كيس تزيين به قمع مزخرف.
6. شكل البطاطس على شكل كرات مستديرة أو بيضاوية حسب الرغبة.
7. ادخلى البطاطس الفرن لحوالى 15 دقيقة إلى أن تصبح ذهبية اللون.

منقول من مطبخ نوال العالم

بو فراس
11-04-2005, 10:58 AM
بشرى شلون قيمر مع بطاط و توست؟؟؟




الصاحى :

تسلم والله على هالطبق بس عسا جربته من ام العيال ولا محطة تجارب فينا :)

ودى اعلق شوى على كلامك بضغطك :)


المقادير :
¾ كيلو بطاطس ( مااعرف بالكليو يعنى جم بطاطه احط 2 ولا 3)
2 ملعقة كبيرة مرجرين (مااعرفه ولا حصل لى الشرف)
2 حبة بياض البيض (نحاول نفصلهم عن بعض)



الطريقة :
1. شغلى (سياره) الفرن لدرجة حرارة 180 س ، أحضرى صنيية قصيرة الحافة ، بطنيها بورق الزبدة.

5. ضعى البطاطس فى كيس تزيين به قمع مزخرف. (من وين ايبه)



حركات والله

الصاحي
11-04-2005, 11:25 AM
والله يا بو فراس هذي سوالف مطابخ وما اعرف فيها
بس اعرف الاكل لذيذ او لأ :)
يمكن الاخوات افهم مني وينورونا ويجاوبون على اسئلتك
اما سالفة القمع فاعتقد ان مختبر العلوم متروس :)

الصاحي
11-04-2005, 11:26 AM
وانا كل ما اجاوب يطلع ردي بصفحة جديده !!! سوالفي ذيل من غير راس صايره !!!

بو فراس
11-04-2005, 12:43 PM
يالله نقدر نفهم هالسوالف نبى شى خفيف ينفهم :)

القمع وسوالف لايبا دام فيها علوم وتجارب لايحوشك


ميخالف يطلع ردك بصفحه يديده نبدأ فيها

الصاحي
12-04-2005, 11:44 AM
باستا التونه بالجبن

http://forum.hawaaworld.com/files/14272/VELVEETA_Tuna_Pasta_Skillet.jpg

المقادير:

- 2 كوب ماء

- 3 اكواب مكرونة على شكل قواقع جافه

- ربع كيلو جبن مبستر نفس إللي ذكرته لكم في الطبخه السابقه

- 2 علبه تونه حجم كبير

- علبه ذره حب

- نصف ملعقة من التوابل الإيطالية ( اكيد بتلاقونها جاهزة بالسوبر ماركت)

- نصف ملعقة صغيره فلفل أسود

- 2 حبه طماطم متوسطه الحجم مقطعه

- نصف كوب بصل أخضر شرائح

- ملح


الطريقة:


- نغلي الماء و تسلق فيه المكرونه بالطريقة العادية لمده 10 دقايق ويجب ان نحتفظ بالماء الذي تم سلق المعكرونه فيه.

- نضيف الجبن , التّونة, الذره و التّوابل, والملح والفلفل الأسود حتى يذوب الجبن وينمزج جيداً مع الخليط

- يقلب الخليط حتى لا يلصق بالوعاء ويحترق

- ثم نضيف مكعبات الطماطم والبصل الأخضر ويقلب قليلاً

- يقدم و هو ساخن


وبالعافية

بو فراس
12-04-2005, 12:27 PM
يعافيك يا الصاحى ومشكور على هالطبق الحلو بجربه بس من غير تونه نحط دياى

little^star
12-04-2005, 04:02 PM
كرات البطاط...

المقادير:
- بطاط مفيوح ومهروس -الكمية حسب الرغبة
- جزر (( مبشور ))
- شبنت مقطع صغار
- بصل ، ثوم
- مكعبات ماجي (اذا كمية البطاط شوية مكعب كافي... اذا وايد مكعبين)

الطريقة:
- وضع البصل والثوم على النار لما يتحمرون
- اضافة الجزر عليهم وتحريكهم وبالاخير الشبنت..
- ثم رفعه من النار .. ووضعه حتى يبرد
- ويكون البطاط مفيوح ومهروس .. تضيفون لهم اللي شلتوه من النار وتخلطونهم
- تكوير عجينة البطاط
- تحطون عليها بيض .. بعدين بقسماط .. ثم البدء في عملية القلي......

http://roseta.jeeran.com/P1020110.JPG
ادري تتساءلون عن المكان الفاضي اللي بالصحن...
انا كليت البطاطه اللي كانت هني :D

الصاحي
13-04-2005, 10:37 AM
مادري ليش طبقكم يا نجمة جزء منه مظلم، الظاهر مصورينه في ليلة مو مكتمل فيها البدر

بو فراس
13-04-2005, 01:01 PM
مشكوره يا ليتل على هالطبق وشكل الصحن على السماط وصورتيه :)

little^star
15-04-2005, 08:59 PM
الحين خليتو الطريقة وعلقتو عالصورة لوول
الصاحي.. انا كنت حاطه صبعي على فلاش الكاميرا بالغلط :)
بوفراس.. اي والله :D



رول الجبن.. (موالح)

المقادير:
عجينة السمبوسك
الحشوة (جبن مالح -المراعي)

الطريقة:
تقطيع الجبن وووضعه داخل العجينة وتلفونها على شكل رول صغار
ووضع قليل من (الماء+طحين) على اطراف العجينة عشان ما تفتل
وبعدين وضعها بالفرن لمدة نصف ساعة تقريبا .. يعني لما تتحمش

ممكن اتكون بهالشكل...
http://www.w6w.com/w6w.php?pic=500136.jpg

او جذي اذرب...
http://www.w6w.com/w6w.php?pic=500158.jpg



وتقدرون اتطون فوقه شيرة وتغيرون الجبن اللي داخل تحطون كيري ويصير حلو مثلاً
اي تحطون داخله اي شي ثاني....
يعني تقدرون تقولون طبق منقذ :D

الصاحي
16-04-2005, 10:42 AM
اي شيرة الله يهداج
يخرعون كأنهم ألغام

الصاحي
16-04-2005, 10:44 AM
ترقبوا طبق حلو خطيــــــــــــــــــــــــــــــــــــــــــــر

بو فراس
16-04-2005, 11:12 AM
مشكوره يا ليتل على الاصابع بالجبن :)

جبن مالح و شيره مايصير ترا


============

الصاحى ننطر يالله :)

النـــدى
16-04-2005, 09:49 PM
:D
فيني ضحكة,,
بس دشيت أطمش :/
ان شالله يوم الخميس او اليمعه لما يكون مافي دوام بسوي شي حلو او مالح واشارك وياكم :)
الحين دوام بروحه نرد العصر مافي وقت حق هالسوالف
** ينطيكم العافية** :D

بشـــــرى
16-04-2005, 10:42 PM
بشرى شلون قيمر مع بطاط و توست؟؟؟




مشكوره يا ليتل على الاصابع بالجبن :)

جبن مالح و شيره مايصير ترا





بو فراس .. بالطبخ كل شي يصير لأن الأهم النتيجة والطعم ..

في بعض الأمور ما نتصورها تكون مع بعض .. لكن طعمها يطلع لذيذ ..


ذوقوا وشوفوا ..

الصاحي
17-04-2005, 08:01 AM
جربوه وراح يعجبكم ويعجب ضيوفكم
مشكلة الحلو انه ما له اسم، راح اسميه:

حلو المدام :)

المقادير:

2 كيس صمون هوت دوغ المطاحن الكويتية او ما شابهه في الخفة
قليل من الدهن (زيت نباتي)
ثلاجة (بعدين راح تعرفون فايدة الثلاجة :) )
8 ملاعق حليب بودرة (نيدو)
3 ملاعق نشا ذرة
4 أكواب ماء
قليل من الفستق المطحون (او اللوز)
شيرة طعام

الطريقة:

- يوضع الصمون لمدة نصف ساعة في الثلاجة حتى يصبح الصمون جافا
- يقطع الى قطع صغيرة جدا جدا حتى يصبح فتاتا
- يخلط مع دهن (مقدار استكانة شاي)
- ترص نصف كمية فتات الصمون على قالب بايركس
- تخلط مقادير القشطة (8 ملاعق حليب بودرة نيدو - 3 ملاعق نشا ذرة - 4 أكواب ماء) على النار حتى يثخن قوامها
- تسكب القشطة وتوزع على جميع طبقة الصمون المرصوصة
- توزع كمية فتات الصمون المتبقية فوق القشطة حتى تغطيها كاملا
- يوضع قالب البايركس في الفرن تحت حرارة 180-200 حتى تشقر طبقة الصمون من فوق ومن تحت
- ثم تخرج من الفرن وتصب فوقها الشيرة بحسب الرغبة (يفضل التقليل من كمية الشيرة)
- يرش فوقها الفستق المطحون او اللوز للتزيين ولاضافة النكهة

الحلو يقدم ساخناً وبالعافية

بو فراس
17-04-2005, 05:30 PM
مبين خوش حلو " حلو المدام " مشكور يا الصاحى بس ناقص الصور للحلو


==========

بشرى :

اى والله صح كلامج

ذاك اليوم اختى مسويه سلطة بطاط وعليها روب جنه وبقدونس جذى قمت وحطيت عليها حمص صارت حلوه صراحه و حطيت فلافل وحده قصيتها وحطيتها بتقولين بربس بس صج حلوه جربيها :)



===========

الندى :

من زمااااااااااااااااااااااااان وانا بطن امى اسمع بتحطين اكله :)

ينطيكم العافيه == شنو رايحين الشمال وانا مادرى :)

بشـــــرى
17-04-2005, 11:30 PM
بشرى :

اى والله صح كلامج

ذاك اليوم اختى مسويه سلطة بطاط وعليها روب جنه وبقدونس جذى قمت وحطيت عليها حمص صارت حلوه صراحه و حطيت فلافل وحده قصيتها وحطيتها بتقولين بربس بس صج حلوه جربيها :)



مو متخيلتها .. لكن نجرب شنو ورانا :)

بس بالأول لو تحط لنا مقادير سلطة البطاط ..

النـــدى
18-04-2005, 03:33 PM
شدعوه لما كنت ابطن امك انا ماكنت ابطن امي:D
للحيني ماصرت اصلا:D
والله متعوده كل خميس اسوي حلو واودي بيت يدتي بس صارت امتحانات وشوية ظروف مارحت فماسويت خخ:D
شدعوه شاركت جم مره وياكم:/
شمال جنوب المهم :) فيها حرف النون حلوة

بو فراس
18-04-2005, 03:37 PM
بشرى :


ولايهمج اقول لها وعلى حظج اليوم زايرتنا فا بسألها واقول لج





الندى :

انا يييت قبل بيييييييييييه من زمان بس انتى تاخرتى الله يهداج :)

خلاص ننطر منج الحلو ولا مالح المهم اى شى منج

اندلسي
19-04-2005, 07:32 AM
باك .. رجعنا لكم .. وهالسلطة الحلوة .. انشالله تعجبكم .. وما تحتاج صورة .. اعتقد رح تخيلون شكلها .. وبالهنا والشفاا :) مطرح ما يسري يمري انشالله



~*¤®§(*§ سلطة السمك §*)§®¤*~ˆ°


المقادير:

500 غرام من السمك .
2 كوب من الزيت النباتي.
2 كوب من عصير الباذنجان الأحمر.
1/4 كوب من الكزبرة الخضراء المفرومة.
2 ملعقة كبيرة من الثوم المهروس.
1 ملعقة صغيرة من مسحوق الهال.
1/2 ملعقة صغيرة من الفلفل الأسود المطحون.
ملح حسب الرغبة.


الطريقة :


ينظف السمك جيداً ويغسل بالماء البارد ثم يفرك بالدقيق والملح من الداخل ويسلق.
يرفع السمك من ماء الغلي ويترك في مصفاة حتى يبرد.
ينزع الشوك وقشر السمك، ثم يهرس لحم السمك ويقلي بالزيت الساخن.
يضاف إلى السمك الثوم والكزبرة والبهارات المطحونة وعصير الباذنجان والملح. تقلب المقادير جميعها بسرعة على النار ثم ترفع سلطة السمك عن النار.
تصب السلطة في طبق التقديم وتقدم باردة.

الصاحي
19-04-2005, 08:20 AM
تسلم على الأكلة اندلسي :)

بس ما قلت لنا اي نوع من السمك بالضبط يصلح لهذي الاكلة؟ والا دام انه سمك مهروس فأي نوع ممكن، صح؟

الصاحي
19-04-2005, 08:22 AM
اقترح المشرفة الكريمة تنقل كل مواضيع جديدة تخص الأكل داخل هذا الموضوع من بعد اذن اصحاب المواضيع الجديدة، فقط علشان ما يكون ترتيب مواضيع القسم عشوائي، لأن فيه مواضيع ثانية في فن الديكور والتزيين والاشغال اليدوية

شرايكم؟

اندلسي
19-04-2005, 09:30 AM
هلا فيك الصاحي ..اي عدل اي نوع من السمك ينفع بس عاد انت تخيّر لنفسك ..زبيدي او سبيطي او هامور اللي تحبه حطه .. ولك جزي الشكر بالنسبة حق المواضيع .. شي جيميل انّ تصير عندنا موسوعة بالطبخ .. وشي جيد ان تنقل المشرفة المواضيع الجديدة الى هنا .. كنوع من الترتيب ..:)

الصاحي
19-04-2005, 11:02 AM
هلا بالاندلسي هلا
لا اذا تبي الصج
انت الجميل
وروحك الجميلة
وجيرانكم الجميلين

امممم
جنا حرقنا الطبخة - الموضوع :)

اندلسي
19-04-2005, 12:55 PM
خخخ ..

عيونك الجميلة وعيون جيرانكم بعد :)