تندوري الدجاج

[العصفورة الزرقاء]

السلام عليكم
تندوري دجاج لذيذ وبسيط
المقادير:
دجاجة من غير جلد و نستخدم سكين لوضع شقوق غير عميقة في لحم الدجاجة وممكن فصل بعض اللحم من العظام بشكل غير كامل
تتبل بخلطة ( 4ثوم مدقوق+ ملعقة كبيرة من بهار التندوري او ملعقة كبيرة من خليط بهارات تتكون من( فلفل احمر حار وفلفل ابيض وبهار دجاج وبابريكا و بصل بودرة وثوم بودرة) +علبة روب+ربع كوب زيت + ربع كوب خليط خل وعصير ليمون+ملح ملعقة متوسطة
يتبل الدجاج ثم يترك في البراد ليلة ويشوى بأي طريقة مفضلة
ممكن في الفرن او يقلى او يلف بقصدير ويرمى في الجمر وممكن يسبك على نار هادئة او يشوى على الفحم بشكل مباشر او على الجريل
وصحتين::D

[بشـــــرى]

تسلمين العصفورة على هالوصفة ..

بس التندوري وين ألاقيه .. بالجمعية ؟؟

[العصفورة الزرقاء]

يوجد بهار التندوري في الجمعية ومركز سلطان وبهارات مجدي وبهارات كويتنا او ماركات اخرى مثل بهار لبناني اعتقد اسمه عبيدو
وسلامتكم

[بشـــــرى]

مشكورة على التوضيح

:)

[غصون]

مشكورة عالوصفة :)

[العصفورة الزرقاء]

ياهلا ومرحبا ترى حاضرة لاي استفسار وحياكم الله

[أجودي]

تسلمين أختي العصفورة

ونا أقول ليــــــــــش محد رد على موضوعــــــــــي :D

أسف حطيتـــــــــه قبل لاأشوف موضوعــــــــــــج
كبي بست , حتى أنا ماقريته
كنت بجرب شغلة
على العموم شاكر لج على وضع الموضـــــــــوع , فعلا طبخة متعوب عليها
لآن طلعت بالصدفة ماكلها ولا أعرف شسمهــا :)

تسلمين مرة ثانيه .

[النـــدى]

مشكوره عزيزتي على الطبخه,,

انا سامعه بهالاسم بس وين مادري

الاسم هندي؟ تندوري؟

[أجودي]

بااليمني مندي

باالكويتي مادرى

ودي أشارك هني , مييييييييييييييييييييييييييح :(

[بنت الكويت]

يعطيج العافيه..

بجربها ان شا الله..

[فلاح بن عريج]

عصفوره


اللع يعطيج العافيه على

على هالمشاركه وانشالله يستفيدون منها الحريم


اللي مايعرفون يطبخون