المساعد الشخصي الرقمي

مشاهدة النسخة كاملة : كيكة براونزي تهبل و أهم شي سهلة ..مسويتها لكم ومصورتها ...

moonah
12-02-2005, 01:33 PM
السلااااااااااااام عليكم

سويت لكم كيكة البراونزي بالشوكولاته ... اعتقد تعرفونها اللي بمطعم فرايديز يحطون عليها ايس كريم

اخذت طريقتها من النت للامانة جربتها وضبطت معاي من اول مرة

ماعليه الكاميرا شوي تعبانه صاير ظلمه ههههه

http://www.w6w.com/w6w.php?pic=327327

نبتدي بالمقادير :

نص كوب زبدة ( انا حطيت اصبع واحد زبدة لورباك كافي )

1 كوب سكر

2 بيضة

2 كوب طحين + نص ملعقة صغيرة ملح ( دقيق مطاحن الكويت الابيض اضبط للكيكات )

ثلثين كوب كاكاو بودر + نص ملعقة صغيرة نسكافيه

2 ملعقة صغيرة بكينج بودر

1 كوب حليب سايل
http://www.w6w.com/w6w.php?pic=327325


الطريقة :

بالخلاط الكهربائي نضع الزبدة مع السكر ويخلط حتى يبيّض ثم يضاف البيض وحدة ورا الثانية

مع الخفق في كل مرة ...ثم نضيف الحليب عليهم

في زبدية ننخل الطحين مع الكاكاو والبيكينج بودر ...

ونضيفهم بالتدريج والخلاط يشتغل

وبصينية الكيك نبطنها بورق زبدة او بالقصدير ..واذا مافي تدهن وترش بالدقيق حتى لا تلتصق

نشغل الفرن مسبقا على درجة حرارة 160

نسكب الخليط ويساوى بالصينية وتدخل الفرن مدة من نص ساعة الى 45 دقيقة

طبعا مانفتح الفرن الا بعد مرور ربع ساعة على الاقل حتى نعرف نضج الكيكة بغرس طرف السكين

اذا طلعت نظيفة يعني استوت

نطلعها من الفرن تبرد شوي

الصوص :

5 ملاعق كبار كاكاو بودره

واحد قيمر كي دي دي

ملعقتين كبار زبدة

ربع ملعقة صغيرة نسكافيه

حليب نص كوب

يخلط جميع المقادير بقدر ويوضع على النار حتى يثخن

نقسم الكيكة نصفين ونشربها بالصوص ثم نغطيها بالقسسم الثاني

وباقي الصوص نصبه على الكيكة من فوق ..ونزين اطراف الكيكة باللوز المبشور

وهذي الصورة عند التقديم :

http://www.w6w.com/w6w.php?pic=327321

وصحتين وعافية
ميكانيكي
12-02-2005, 09:36 PM
مشالله خوش موتر ومغيمه الجامات كلها مو مبينه البيباان لووووول

انا شفيني قلبت سيارات صج ميكانيكي ههههه

لا اختي منى حلوووه الكيكه مبين عليها الله يهني اللى اكلها وانا عن نفسي اموووت بالككاو غرامي هالمخلووق بس جنج حارقة الكيكة سوووده بس يالله كافي وجود الككاو محليها ووتسلم ايدي اللى طبخها وقدمها وصورها وكتب حروف الموضوع وتسلم ايد اللى راح يردون بعدي يابعدي انتووو :)
moonah
13-02-2005, 08:10 AM
شاكرة مرورك
ميكانيكي
14-02-2005, 02:26 AM
يالله اليوم تقولين شاكرة وباجر نقولج انعمالله على من كلف وانتي تردين هني وعافيه << اي لازم نذوقها

ومنى نصييييحه لا تحطين صور اكلاتج ترا تلعبين بشهيتنا جذي انا بروحي من اشوفهم على التلفزيون اغير ولا حطيها ملف مرفق اللى ناوي يسويها بالبيت ينزل الصوره ويشوف واللى داش يطمش لا يشووف لووووووول << الحين بتزفني :)
* الحـــــــالمة *
16-02-2005, 06:15 PM
والله يامنى ...................... انتي يبغالك قعدة سنننننعة ..
كل مااشوف مواضيعك .. أتحمس واقول بكتب طبخاتي ..
ومع الزحمة أنسى .. !!!

بصراحة .. تستاهلين لقب : شيف بيتك الأول :)
moonah
16-02-2005, 09:32 PM
الحالمة ياهلا وغلا حيااج الله

تسلمين حبيبتي هذا بس من ذوقج الطيب

شاكرة لج حضورج الكريم
المتفائله
16-02-2005, 10:04 PM
منى أثاريك طباخه يا منى الله يهنيك انشاالله
وبعدين ما شاء الله واضح من الكيكه إنها تجننننننننننننننننننننننننن كثيير فإذا كان هذا هي شكلها
إذا كيف راح يكون طعمها أسعدك الله حبيبتي
أختك
بنت الكويت
17-02-2005, 01:37 AM
والله حلوه و سهله..

بس شكلها وايد دسمه و ثقيله..

يعني حلاته اتكونين مو ماكله شي و تاكلينها..
Fai7awi
17-02-2005, 02:50 AM
شكله حلو :D

ان شاء الله اسويها :D

ادري ان ما راح تظبط بس هم بسويها :D


مشكوره منى على الكيكه :)
moonah
17-02-2005, 12:28 PM
المتفائلة

ياهلا ومرحب

تسلمين حبيبتي هذا بس من طيبج وذوقج

والله يسعد ايامك على الكلام الطيب

شاكرة حضورك الكريم


بنت الكويت

ياهلا ومرحبا

معروف الحلو مو للشبعة يعني ينوكل منه شوي كا تحلية
وخلي يمج دلة قهوة عربية مره.. تصرف الدسامة

بس عن جد مو دسمة بالعكس حالها حال اي كيكة كاكاو

وعليج بالعافية


داارك

ياهلا

انت تطبخ ؟ والله زين ماشاء الله عليك

طلعت احسن من اللي سوا الجاي بالملوخية هههه

سوها وعلمنا

وعليك بالعافية

شاكرة حضوركم الكريم
Fai7awi
17-02-2005, 01:36 PM
داارك

ياهلا

انت تطبخ ؟ والله زين ماشاء الله عليك

طلعت احسن من اللي سوا الجاي بالملوخية هههه

سوها وعلمنا

وعليك بالعافية

شاكرة حضوركم الكريم

افا عليج بس


انا اذا دشيت المطبخ و قمت اطبخ امي تقولي اذا دشيت المطبخ مره ثانيه بذبحك


وخدامتنا تتحلطم :D


بس

:D
moonah
17-02-2005, 02:44 PM
هههههه دارك

وانا اقول ياربي معقولة دارك داش بالعميق ويسوي كيك ..
حدكم تعرفون خبز وجبن وقلاص فيمتو ..لا ..والفيمتو يا طعمه ماصخ يا بدل الشكر حاط ملح ههههههه

بس مو مشكلة عط الوصفة للوالدة تسويها لك وانت عليك تاكل بالعافية

حياااك
Fai7awi
18-02-2005, 01:45 AM
لا منى انا ما اكل الى من ايدي :p
* الحـــــــالمة *
18-02-2005, 02:15 AM
................


طلعت احسن من اللي سوا الجاي بالملوخية هههه
* الحـــــــالمة *
18-02-2005, 07:54 PM
منىىىىىىىىىىىىىىى ..

سويتها :D

يم يم ..

تجنننن .. سهلة .. و سريعة ..

===============

بس عندك طريقة الصوص غيرت فيها شوي ..

أضفت ملعقة دقيق عشان كنت ابغاها تثقل بسرعة .. :)

+ أضفت تقريبا ملعقتين ونص كبيرة سكر ..
لانك ماكتبتي سكر كللللش بالصوص !!
راح تصير مرة .. لو ماحطيت !!

عموما ..

(( شوووووووووكرااااااااااااااااااان )) <= مبين مشرفة لغة :p

وبانتظار أكلات دسمة أو موالح .. :rolleyes:
وجزاك الله خير
moonah
18-02-2005, 10:43 PM
دارك اعرف شنو تاكل من ايدك
كاكاو وبفك وقوطي ببسي
واذا كلش صمونة شاورما وفلافل ..يعني اللي تشتريه من ايدك مو تطبخه ههههه

* الحالمة *

وي الله يبشرج بالخير اخيرا احد جرب طبخة من طبخاتي شجعتيني والله اني احط باجي الطبخات اللي عندي ....العفو حبيبتي وعليج بالعافية
اي صح نسيت اكتب السكر اسفة
وبعدين اذا تبين الصوص يجمد خليه يغلي على النار يعني يطبخ مدة .. مايحتاي طحين

وبعد ممكن تحطين قطعة شوكولاته الخام عرفتيها اللي يكون مكعبات سادة خاصة للحلويات..
تذوبينها بحمام مائي مع زبدة وشويه قيمر وسكر لان اذا بردت تصير ثقيلة وشوي جامدة

صحتين وعافية
بو فراس
19-02-2005, 03:53 PM
moonah :

تسلم ايدج على هالكيكه ولو انها ماتبين يبيلها كشاف :)
واليوع يذبح مع لاصيام وصورة كيكه كدينا خير عيل


يقول حق اختى عنها تسويها لى
moonah
19-02-2005, 06:07 PM
بوفراس

ياهلا والله يسلمك ويعافيك

اي صح كلامك الكيكة مظلمة ..محزنة مسكينة عارفه بنقطعها بالسجين وناكلها هههههه

..على الحظ مادري اشفيها طنقرت علي الكاميرا ههههه

على العموم عليك بالعافية وبشرني اذا سويتوها

شاكرة حضورك الكريم
* الحـــــــالمة *
19-02-2005, 08:46 PM
حطيت طحين .. عشان مستعجلة :)

===============

لا انا بانتظار طبخاتك بس تكون مالحة .. وطبخ طبخ مو كيك ودلع
بو فراس
19-02-2005, 11:34 PM
هلا فيج منى

مو وقته طناقر الكيك الاسود :)
ولايهمج لما تسويها اختى اكيد بقول رايى وتسلمين
Fai7awi
24-02-2005, 06:24 PM
دارك اعرف شنو تاكل من ايدك
كاكاو وبفك وقوطي ببسي
واذا كلش صمونة شاورما وفلافل ..يعني اللي تشتريه من ايدك مو تطبخه ههههه



المهم من ايدي :D
snht
29-12-2007, 03:04 PM
شكراً يامنى على هذه الطبخه:)