تحويل الشمعة التقليدية إلى تحفة فنية

[بشـــــرى]

لمنظر الشموع رونق خاص و إضاءة مميزة تعطي جو من الدفيء و الرومانسية و يمكن لأي ربة بيت أن تضيف لمساتها الفنية على أي قطعه بسيطة في المنزل لتحولها إلى تحفة رائعة , ومن تلك القطع البسيطة والرخيصة أيضاً الشموع العادية.
و هنا أفكار جديدة يمكن تطبيقها بسهولة :

http://rotaj40.jeeran.com/ش1.jpg

باستخدام كأس زجاجي عادي ( ممكن كأس الجبن السائلة) و بعض الحجارة (تغسل جيدا وممكن دهنها بالورنيش إذا احتاجت لمعة )
ثم ترتب في قاع الكأس و توضع فوقها الشمعة ، ممكن استبدال الحجارة بالأصداف أو حبات اللؤلؤ الكبيرة والملونة .


http://rotaj40.jeeran.com/ش2.jpg

لإعطاء الشموع خاصية الانتعاش نستخدم كأس زجاجي كالسابق أو فاز زجاجي و بعض الفاكهة و الأزهار و شموع خاصة تطفو على الماء ( قاعدتها محدبة ) ثم ضعي الفاكهة أو الأزهار في الوعاء الزجاجي إلى النصف إذا استخدمت الليمون أو الحمضيات قطعيه إلي شرائح و أضيفي معه أوراق النعناع , ثم املئي الوعاء الزجاجي بالماء و اتركي مسافة 2 بوصة من أعلى الوعاء , اختاري ألوان للشمع متناسقة مع ألوان الأزهار أو الفاكهة و ضعي الشمع على سطح الماء .

[بو فراس]

خوش شموع عاد تعرفين تسوين مثلها يا بشرى ؟؟؟


يعطيج العافيه

[الهادئه]

جزاك الله خير افكار جميلة تبعث الأنتعاش..

[بنت^النزهه]

يزاج الله خير ..

والله اتونس وفعلا الاغراض سهله

ممكن الزجاج اييبه من ايكيا

والحصم من بو 100 :p

[بنت الكويت]

يعطيج العافيه بشرى الصراحه خوش شسمه..:)

الثانيه حلوه بس شمع الماي ما ادري وين يحصلونه..

[بشـــــرى]

خوش شموع عاد تعرفين تسوين مثلها يا بشرى ؟؟؟


يعطيج العافيه

الله يعافيك بو فراس

أنا سويت الأولى لكن جبت حبات اللولو الكبار .. شكلهم طلعوا حيل حلوين ..

ما يبيلها شي

ومشكور على المرور

[بشـــــرى]

جزاك الله خير افكار جميلة تبعث الأنتعاش..


الله يسلمج أختي الهادئة

ومشكورة على المرور

[بشـــــرى]

يزاج الله خير ..

والله اتونس وفعلا الاغراض سهله

ممكن الزجاج اييبه من ايكيا

والحصم من بو 100 :p

أي عاد هـ الشغل يبيله فن ..

تقدرين حتى تلونين الحجر .. :)

[بشـــــرى]

يعطيج العافيه بشرى الصراحه خوش شسمه..:)

الثانيه حلوه بس شمع الماي ما ادري وين يحصلونه..

الله يعافيج بنت الكويت

أعتقد إن ما خاب ظني تقدرين تلاقينها بلاند مارك أو سيتي سنتر .. لأني شايفتها بس ما أذكر وين :)

[بنت الكويت]

يزاج الله خير..:)

[بشـــــرى]

الله يسلمج بنت الكويت

[بو فراس]

بشرى :


بغيت استشاره بما انج تحبين سوالف الشموع وآخره

عندى زجاجه تنفع حق شمع ولاجذى فا الصخر اى صوب يبيعونه؟؟؟ وتتوقعين اكو لون ازرق؟؟
والشمع شلون احطهم؟؟؟

اذا عندج فكره عطينى دام الزجاجه جدامى 24 ساعه (غبرت حدها)
اهيا طويله غالبا يعنى فيها 50 سم

[كالبــــــــدر المنير]

مشالله فكره جميله جدا :)

[بشـــــرى]

بشرى :

عندى زجاجه تنفع حق شمع ولاجذى فا الصخر اى صوب يبيعونه؟؟؟ وتتوقعين اكو لون ازرق؟؟
والشمع شلون احطهم؟؟؟



حياك الله بو فراس ..

الصخر الملون هو نفسه الصخر اللي يستخدم في أحواض السمك للزينة ..

وهو ينباع في سوق الحمام .. يوجد داخل محلات تبيع الصخر الملون حق الزينة وبأشكال مختلفة .. إن شاء الله تحصل اللون اللي تبيه .. وجرب لونين مو لون واحد يكون منظره أحلى ..

أما الشمع تكون أصغر من فتحة الزجاجة .. إذا كانت الزجاجة طويلة .. تقدر تربط الخيط اللي طالع من الشمعة بحبل صغير .. وتنزلها شوي شوي داخل الزجاجة .. والشمع بأشكله وأحجامه كله ينباع بستي سنتر ..

ويا ليت إذا سويتها .. تحط لنا الصورة .. نشوف شغلك


:)

أتمنى أكون أفدتك

[بشـــــرى]

حياج الله أختي كالبدر .. مشكورة على المرور

[بو فراس]

حاليا ماعندى فكره براسى شلون بسوى فيها يبيله مزاج اول شى

واذا بحط لونين لازم الازرق واشوف لون ثانى مناسب وياه علشان يمشى مع لون الغرفه ازرق

عندى فكره اشترى شمع الوان مشكله واسوى طبقات من الشمع