دشي .. وقولي شنو اول طبخة طبختيها ..!

[اندلسي]

تعالو يابنات وخبرونا شنو اول طبخه طبختوها ؟؟

وشنو كانت النتيجه ؟؟

يله كل وحدة تقولنا تجربتها ...

بالنسبه لي كان الشاي اهوا التجربه الاولى لي .. والبيض ..

وطلع نصه محرووووق ومتروس ملح .. والجااي صار ثقيل جنّه جااي صعايدة ..:) لوول



والمجال مفتوح حق الشباب بعد ..
عندنا خوش طباخين بالمنتدى ..

بس خليت الموضوع للبنات لانّ الغالب البنات اهم اللي يطبخون


يلا سمعونا فضايحكم :)
اخوكم اندلسي

[النـــدى]

ماذكر بالضبط يعني من انا صغيره كنت البنت الووحيده فاساعد امي بالمطبخ,,
بس لما بديت اتعلم الطباخ اول شي امي علمتني العيش المشخول:)
وكان زين لان اهي كانت واقفه وياي بالمطبخ:)
يسلموو اندلسي السلام عليكم

[اندلسي]

كشخة عيش مشخول

بعض المرات احب آكله بروحه .. جذي من غير ولا شي


عموما .. حياج الله الندى ويسلمو على مرورج

[أمووورة]

لوووووووووول أندلسي إنت بس تحب تحرج الأوادم ..
بس ماعليه ..
آنا ما أذكر شنوا طبخت أول مرة بحياتي .. بس من صغري من رابعة إبتدائي أدش المطبخ
ويا أمي أتعلم منها .. وساعات آخذ من إيدها وأكمل عنها وإهي تراقبني ..
وكانت تطلع أحياناً وتخليني أجابل إخواني ليش إني أكبر منهم ( قرادة حظ ) ...
فمن جذي تعلمت الطباخ من صغري ..
بس إللي أذكره إنه مرة في رمضان كنت أساعد أمي وإهي تسوي لقيمات
والظاهر إن حبة لقيمات إنفجرت في الجدر .. لا تسألوني شلون ..
وإحترقت إيدي .. وظلت أسبوع لافينها لي .. كنت أرفع الضماد وأطل تحته
من لقافتي ولما أشوف مكان الحرق أبجي .. لووول .. كل يوم مناحة قبل المدرسة .. خخخخخخ
عاد عقبها قعدت شهرين ما أدش المطبخ :D
بس ألحين ولله الحمد متمكنه تماماً :)

[بشـــــرى]

أنا أذكر الجاي أول شغلة سويتها بروحي بالمطبخ ... وكان حاااااالي .. :)

لكن الطبخة .. كانوا يقصون علي ويقولون سوي السلطة .. وكنت أقطع الخيار بس .. يعني كنت أسوي نص أكلة :)

:

:

وناطرين البقية

[غصون]

أول أكلة سويتها ببيتنا .. :rolleyes:
وأمي دعت علي لمن دشت المطبخ وراي .. :cool: ..
كانت معكرونة بالباشاميل .. :D ..

بس كانت حلوة وايد ولذيذة .. :o
طقوا الخشب لا تحسدوني.. :xx ..
ظبطتها من اول مرة .. :00 ..


ومشكور عالموضوع يالمتميز .. :rolleyes:

[اندلسي]

امورة ..
مشالله عليج طباخة من صغرج :)
اما امج فانصح كل ام تصير مثلها وتخلي الياهل يتعبث عشان يتعلم :)
وان شالله نذوق لقيمات على يوم من ايدج ..


البشرى .. اسعدني مرورج آنستي ..




غصون ..
احب الباشاميل واكيد بتطلع حلوة ولذيذة :) مشالله عليج شكلج طباخة ..


تحياتي للكل

[غصون]

بصراحة أيه .. :D ..
بس طق الخشب لا تحسدني .. :p ..
لاأتغشمر .. :p ..
ويوم إن شاء الله أسويها لك علشان ناوية عليك تدش المستشفى .. :D ..

[النـــدى]

السلام عليكم

اخوي اندلسي حسب ميول الطفل
انا عندي خوات اثنين صغار
الي بالابتدائي تحب المطبخ وتحب تطبخ وتحب تتعلم..
وتسوي لنفسها بيض واشياء:D
بس عاد لانها اعتمدت على نفسها
صارت دبدوبه :) مشكله

والثانيه ماعندها ميول يعني بالغصب..
حتى لما تبي تاكل تقول وكلوني مع انها مو صغيره يعني بتدخل الابتدائية
مالها بالمطبخ لها بالتربيه لوول
بس ماسكه بالالعاب وترضع وتنوم وتلاعب فيهم :)

في يهال يحبون وفي يهال لا;)

[اندلسي]

السلام عليكم

الندى .. صح كلامج امية بالامية% في يهال يحبون وفي يهال لا ..

اختج الدبدوبة لو دقرناها من اول شي جان الحين ما تسوي بيض :)
اللي يحبون يتعبثون لا ندقرهم وندقــّر فيهم هذا شي يحبطهم واذا خليناهم يلعبون بارشادتنا وتعليمنا رح يتعلمون منا ومن الحياة ورح يكسبون خبرة ..
اما مشكلة المتن من صغرها اذا زادت عن حدها خلوها تطبخ بس لا تاكل ;)

اما اختج الثانية شكلها نعومة بس اليهال اللي ما يحبون يتعبثون نعمة حق الابو والام ووايد اريح لهم ..:)

هاليهال نعمة والله الله يحفظج لهم ويحفظهم لج ..


=-=-=-=-=

غصون اشوفج وايد واثقة من طباخج :D
لا تقصين علي تقولين تدش المستشفى كل هذا عشان ما اقولج سويلي بشاميل
خلاص مابي :(

[غصون]

لا خلاص بسويلك .. بس لاتزعل ..
والله أتغشمـــــــــــــــر ..

[الثواقب]

أندلسي انت خليت الموضوع حق البنات بس آنه بخليه حق الصبيان بعد :)

آنه أول شي البسيض بعدين دقيت على بنت خالتي قتلهاشلون تسوين طبق منجا وعطتني الطريقه :)

وبعدين رحت الفرع من وره أمي إلي عند بيتنه وشريت الجلي والجلاتين والكيك وكل شي
وانا كنت أحب الطبخ معني اصبي
وبعدين من وره أمي كل ساع أدق عليه وأكمل وهي تقولي لين وصلت حق الكيك وطبعاَ صبيت عليه الجلي
وبعدين :) رحت بشيله بوديه الفريزر جان ينكت كله على ملابسي

وبعدين سويت جلي مره ثانيه وشلته وأمي مقهوره قاعده تطالعني وتقولي انت بنيه ماتستحي قتله عادي يعني الطباخين ملوت البوفيهات بنات |؟؟
شلته مره ثانيه بنجاح ولكن على الأرض فيه جلي انكت وبعدين آنه كنت قصير وصغير بحطه في الفريزر جان ينكت كله في الفريزر وتسبح بيتنه بالجلي :eek: وأمي ماخلت لعنه ولا دعوه ولا سبه إلا قالتها
جنه ذا بحين خرووف من كثر ما الجلي على الأرض والفريزر وبعدين مسكتني أمي ويابت القفشه مالت إلي ينجبون فيهاا العيش وطقتني طق وبعدين خذت الكيك وطبعاَ الجلي كله انكت :) وخذت الكيك وبإيدينه كله بالزباله اهني بجيت بجي لأنه اريولي انفجرة من كثر ماتعبت ووقفت


:)

:)

مشكور أندلسي على الموضوع وسامحنا على قطة الويه

[النـــدى]

لووول
اخوي ثواقب
مغامرات حلوه :)
بس الله يهديها الوالده لو انا مكانها
جان قتلك عفيه وليدي كل يوم اطبخلنا الغدا
لوول
فكه :D

بس اظاهر كنت صغير واهي خافت عليك :)
ليكون حبطت عندك هالهوايه؟
:D
ترى عادي اذا عندك حنين للطبخ
سو وصور وراونا :)
وماتسوى عليك هالكيكه
فيها نحس
قبست عليك مرتين ولاضبطت :)

والله فيك صبر

[الثواقب]

لوووووووووووووووووووووووووووووووووووول
لوووووووووووووووووووول

والله العظيم قبل 5 شهوور سويت مجبووس حق أمي بس برقابتها والله العظيم ساعتين ونص على ماخلصت

عاد لمه خلصت قالت لي والله جنه حريم امسوينه من كثر ماأهو حلوو :)
والله نوعاَ ما كرهت الطبخ لمه كبرت وكل ماكبرت قمت أكره اني أسوي شي كله ودي الناس يسوونه لي :)

بس آنه لمه أسوي بيض أو أي شي ماأحب آكله لوووووووول :)

والله ودي اختي الندي أسير الشيف( محمد خ.........)

ونسوي كتاب آنه وياج نسميه (فن الطبخ العريق)

للشيف(محمد خ...)

وكيل النشر في الكويت (الندى)

أشكرج اختي شكرا جزيلأ

[أمووورة]

يسلمووو أندلسي بس عاد آنا ما اسوي لقيمات إلا برمضان .. إنطر عاد ... :p

ياحلاتك يا الثواقب والله تذكرني باخوي .. ماكو أحد يضبط الكيكة كثره حتى ولده يقول أبي كيكة بابا مابي كيكة ماما :D

بصراحة مو طنازة بس صج آنا قعدت اضحك على سالفة كيكة المانجا يمكن ساعة كاملة .. :D

وأكثر شي ضحكني لما أمك طقتك بالملاس .. ذكرتني بأمي .. إللي عمرها ماتطق بس لا وصلت حدها بالمخمة أو الملاس .. لووووووول

أشوه كنت دلوعتهم وما انطقيت :D



يسلمووو أندلسي مرة ثانية على الموضوع الروعة وإللي أتمنى تكون المشاركة فيه أكثر :)

[الثواقب]

ههههههههههههههههههههههه

أمووووره خلي اخوووج يقووولنا شلووون يسوي الكيييك :)

تر عندي سواالف على الطباااخ بس فشله أقووله كله من أمي ماتخليييني أتفنن بالطبااخ :)

[المدمن]

انا سويت بطاط شبس


بس الصراحة انا فنان الحين

[أمووورة]

الثواقف لا فشلة ولا شي ياخوي .. قووووول :D


أوعدك ما راح أضحك .. هههههههههههههههههههه :p << << إي يصير خير ;)


وعلى طاري الكيكة .. أوووووش لا تفضحنا أهو لو يدري كاتبه عنه بالمنتدى يعلقني من كشتي بالمروحه :p
يقووول آنا ما أسوي كيك حق أحد بس ولدي .. فديته والله أهو وولده :)
أما المقادير فخلطته السرية ما يعلمها أحد حتى آنا :/
الله يرحم أيام ما كنت آنا أعلمه شلون يسوي كيك :) <<<<<< علمناهم الشحاته سبقونا على الأبواب :p

[الثواقب]

ههههههههههههههههههههههههههههههههههه
:00
:D :D

[أمووورة]

الثواقب آنا ناطرة السالفة ترا :p

[نعومة]

المدمن ما قلت لنا فنان شنو تخصصك؟

والثواقب خلاص لازم تسويلنا شي وتصوره،،، ولا أقول تذوقنا ياه :D

أمووورة آنا راح أفتن عليج عند أخوج :p

أما عن أولى مغامراتي فكانت قبل الغزو مع وأول درس اقتصاد بالمتوسطة:)
وكانت كيكة ، والاخت نعومة لما قالت أمها بيون ناس طقت الصدر وقالت آنا بسوي الكيكة:)
ولأنها ما تعرف تمييز بين الملح والشكر :p
حطيت كوب ونص ملح ودخلت الصينية بالفرن <<== ومستانسة والله ما يا على بالي أن إللي حطيته مو شكر :(
ومع التقديم وفي اللحظة الأخيرة امي ذاقتها قبل الضيوف وبس وصارت فضيحتي بجلاجل جدام الناس

[tarkans_beloved]

أول طبخـــة طبختهــــا كانت لمــا كنت بأول اعدادي "11 سنه" ..
وكنــــــت مضطـــرة ساعتهـــا ..

كانت عندنا عزيمة ضيوف ومحد معطني ويه لا الماما ولا الخدم، فرحــت وحطيت هذا اللي جنه مضرب تنس ع الفرن .. وحطيت الزيت وكسرت فوقة البيضــة .. وقصرت ع النار شوي ..

الا جايتني الخدامه تقول لي "مــس صديق يبي أنت تلفون" ..

رحت أكلم رفيجتي ..

ربع ساعة، ولا الوالده هاده الضيوف وتركض المطبخ ..
والخدامه الأولى تركض المطبخ ..
والخدامة الثانية والثالثة هم بعد يركضون المطبخ ..

وانا في الصالة اتحدث في الهاتف ..

ماوعيت بعدين الا امي جايتني بمــلاس وتقول لي : "حد يهد البيض ويروح عنها؟ والله ان دخلتي المطبخ مرة ثانية بهالمــلاس:" :xx

>>رفيجتي تسألني مشغولة؟ قلت لها لأ :D

طبعــا مضرب التنس محد فكــر يغسلـــة لأنه صار هو والبيض طبقة وحده http://www.qataru.com/vb/images/s1/ANSmile31.gif

[أمووورة]

هههههههههههههههههههههههههههه تاركوونة سالفتج تينن مثلج ...:)

نعوومة مو تفتنين ترا افضحج عند طالباتج ;)

[الثواقب]

نعوومه أدري بسووويه فكرة التصويير قبل لا تقولين بس ماعندي الجهااز إلي مال المومري فقااعد أحااول أشتريلي وااحد شريييت مره جاان يطلع حق وندز 98

تركوووونه ساالفتج تهبل


نعوووومه سااالفتج تفشل والله العظيم بمووت من الضحك لوووووووووووووووول ::::::::::D:D:D

[أمووورة]

بقوول لكم سالفة عن أوراد .. خخخخخخخخخ يا ويلي منها :D

السالفة يا محفوظين السلامة إنها كاشخة بتسوي حق أمها وأبوها قهوة تركيه جان تحط ملح بدال الشكر ( سكر ) أبوها ذاق القهوة جان يقلب ويهه 16 لون ويقول حاطه ملح ..

إللي يموت من الضحك إن أمها ما اقتنعت وذاقت عقب أبوها جان تتفل القهوة وتشرق مسكينه .. :p

طبعاً الحجية أوراد تقول كنت شاكه .. بس ما يندرى عنها .. أخاف متعمده :D

طبعاً أهم صدقوها .. بس آنا لأ :p لأني أعرفها عدل :p خزيتها أول شي .. وبعدين بطيتها ضحك ...

وبالنهاية جبرها أبوها تسوي القهوة مرة ثانية .. لأني قطيت نغزات إنها متعمده :D :p


شسوي أحبج موووووووووووت وروودتي :p



ملاحظه : لي عودة لكم مع مغامرات أوراد :D


تقبلوا تحياتي .. أمووورة ;)

[أوراد]

لووووووووووووووووووووووووووووول..

أموووووره يا مال العافيه..

شنو هذا .. مالقيتي غيري ..

حرام عليج..

أصلا غلطت الشاطر بألف :00

وبعدين محد يبي يسمع قصصي .. يبون قصصج أنتي .. ولا أنا غلطانه.. :D

[أمووورة]

ماعنددي قصص آنا .. :p >> عندي مغامراتج العجيبه :D

[همّام]

مادري أوّل مره طبخت فيهااا يمكن رابعه ابتدائي سويت جاي :D


بقولكم سالفه خايسه بس تظحّك صارتلي يوم كنت صغير وانا اطبخ ..


>> وقتهااا أهلي طالعين .. واحناا متعودين اذا اهلي طالعين نخلي الخدامه تسويلناا

اي شي حق العشااا .. انا هاليوم قلت لازم اطبخ او وقتهاا كنت صغير حييل يالله اطول الجووله

ولا احط الجدر عالجووله وحط ثلاث ارباعه ماي وحط بيض >> كنت بسوّي بيض مفوّح

وخليت الماي وداخله البيض مدّه طويله وقام يغلي حيييل > صكيت النار واخوي كاان صوب الجووله

مادري جنه قاعد على ما اظن وكنت بشيل الجدر وصب الماي بالمغسله وطلع البيض

وانا ياي بصب الماي طبعااا كان حيل ثقيل علي الجدر والماي نااااار ويفلت من ايدي وينصب على

ريل اخوي الصغير خخخخخ :D جااان يصرخ من قمة راسه وانبعصت وقتهااا ماعرف اتصرف ولا أشوف

جيك لبن فيه نص > جان ازيده ماااي وصبه على ريل اخوي خخخخ :D وطبعااا انعفس المطبخ وقتهااا لأن

قبل كان المطبخ زووليّه .. ولا ارقع السالفه ولزّق ريل اخوي بلزقة جروح >> شكووووو :D


>>> بس المهم انّ كااان في محاولات بالطبخ :D



يسلمووو اندلسي عالموضوع العجيب :)

[أمووورة]

لووووووووووووووووووووووووووووووووووووووووووول

هماموووه إنت طلعت خطير حدك ...


زين والله تصرفت و بردت على ريوول أخوك .... :p

الله يقطع ابليسك بغى يغمى علي من الضحك .. لووووووووووووووووووووووووول

ننتظر حلقة أخرى من مغامراتك :D

[أوراد]

لوووووووووووووووووووووووووووووووووووووووووول همامو..
منصجك..
أبيه الوالده عقب ما أكفختك ههههههههههههههههههههه..

والله حده كسر خاطري أخوك..

[قمر الشوق]

ههههههههههههههههههههههههههههههههههههههههههههههههههههههههههههههههههههههههههههههههههههههههههه:D
سالفة همام موتتني ضحك ..

سوالفكم تهبل :D

[أوراد]

قمرووووووووو وين مغامراتج عيل :D

[المتكله على الله]

وين مشاركتك الزينه قمورتي علمينا بمواقف المطبخ
انا بد ماتذكر اول شي لكن
كان طبعا الشاي ومتى وانا بالمتوسطه
عاد مرة حااااااااااالي
ومرة مافيه سكر خير شر

وبعد الاندومي يوووووووووووه في المتوسطة كان بس يحترق لاني انساه بالذات
لو قريت كتاب او شفت شي لفتني بالتلفزيون
بس صار بعدين مع الاستمرار يهبل
ابوي واخواني ما يبون الا اندومي بيدي

يا فلاااااااااااااانه اندوي ناااااااااشف مافيه ولا قطرة مويه وكل البهارات (( قمة الاستمتاع

ومرة حصل موقف شيييييييييييييييييييييي
ابوي وامي والاخوان اطلعوا من البيت صلاة العشا
وما ردوا الا 12 باليل
تعبانين يوعانين
وانا بدات حطيت راسي على المخدة الا ويحوني فلانه قومي سوي بيض برعه
طبعا قمت بعيون حمرا من ابوي

وقمت وانا معصصصصصصصصصبه حدددددددددددي
واصله لخشمي حتى
ليش بانانم انا وراي مدرسه
المهم دخلت المطبخ واحط هالشي اللي زي مضرب التنس
واحط زييييييييييييييييييييييت كثيييييييييير ((معصبه وش تبون من معصبه ))
حطيت حرتي في الزيت

بعدين احط البض واشوي ابي اقلبها لانها دواير اهي والزيت كثير
احكها لقدام عشان استعد لقلبها
ولمن قلبت تتوقعون وش اللي صار










انقلب الزييييييييت كله على يدي والبيض بعده ما نقلب
سكت نفسي والله لا صرخت ولا شي
ولمن حطيت البيض على السفرة واليد محمرة ومنفوخة وحلتها حاله
وابجي طبعا لازم
وامي حددددها تعبانه بس والله ما قصرت قت ويابتلي الحن
ومويه بارده مررررررررررررررة وزبادي بعد باردة على يدي كل شوي تغير

وانصحوها بعد ايا انها تحط عسل
وجلست اسبوع العسل بيدي او اسبوع ونص

والحمد لله بقيت اثار هذاك اليوم على يدي اليمين تجنن

وحرمت اني ما اسوي شي الا بنفس طيبه
وصار درس م انساه لان اثاره باقيه مدى الحياة

واعجبتني جدا سوايفكن بس

الله يفرج كرب المهمومه اللي في بالي وييسر امرها

اختكم
المتوكله

[المتكله على الله]

ايه نسيت مشكور اخوي الاندلسي دايما مواضيعيك حلوة

[همّام]

لووووووووول سوالفج حلوه المتكله :)


أوراد

>> سويت نفسي بريء جدام الأهل وما سوولي شي بس ودو اخوي المستشفى لوول

اخوي يبجي خايف من الدكتور وانا قاعد اظحك عليه :D

[قمر الشوق]

ههههههههههههههههههه:D
لا والله مغامراتي إذا قلتها لكم مابدش المنتدى شهر كامل من الفشله:D
خلوها بالقلب مستوره أحسن:D

[قمر الشوق]

يعطيك العافيه أندلسي ..
:)

[أوراد]

همامو وعليه عليه ..:D

وشصار بجلده مسجين من أثر اللزقه..:(

واااي أبيه حده للحين متأثره .. كسر خاطري..

[أمووورة]

ماصار شي أتوقع بس سووا له تجميل مسكين :D


اسم الله عليه ..


قمووورة نبي نعرف سوالفج يا حلوة :p

[moreed]

الله يقطع بليسكم موتوني من الضحك
ولا طبخة الثواقب يبي يسوي حق روحه حلو منجا:D
==========
انا اول طبخه طبختها
كنت قاعد بالبيت بروحي ومافي احد
يعت فرحت المطبخ ابحث:D عن شي آكله غير الصمون والجبن طبعا:D
فلقيت نودلز وسويته
والحمدلله انتهت الطبخه بدون خسائر ماديه او بشريه :D
==============
مشكور اندلسي عالموضوع الرائع:)

[أمووورة]

الحلقة الثانية من مغامرات أوراد بالمطبخ

<<< يا ويلي منها ...... خخخخخخخ :D


هالمرة الحلوة أوراد كانت بتسوي مجبوس وقالت لي أمووورة شنو الطريقة .. قلت لها الطريقة بحذافيرها ..

طبقت الحلوة كل شي وسوت المجبوس .. عقب تييني تقول لي ترا العيش صار لين وفي حبات ما استوت ماصار زين ..

قعدت اراجع معاها الخطوات عشان اعرف شنو الخطأ .. تدرون شنو اكتشفت ؟؟؟؟؟؟؟؟ :confused:





























































الشاطرة ناسية تسكر راس الجدر :confused: فنص الحبات اسوت ولنص الثاني لأ .. صارت خبيصه .. :p

طبعاً ابوها ماقدر ياكل .. بلع جم لقمة وسكت .. بس اخوانها قالوا لها اي شي ماتعرفين تطبخين وقاموا من على الغدا وهدوه لها ..
واهي المسكينة تقول ماينلامون حتى آنا موقادرة آكله .. خخخخخخ :139:

ماعليه اوراد بتصيرين شيفه :140: .. خخخخخ أقصد الشيف اوراد :p .. بس بليز سكري راس الجدر مرة ثانية .. vv4



تقبلوا تحياتي ... أمووورة :)

:kuwait: