اذا الجوله عليها دهن و حالتها حاله..تفضلوا..

[بنت الكويت]

السلام عليكم و رحمة الله و بركاته,,

اذا الجوله عليها دهن..
لغير المتحدثين بالكويتيه:
اذا الموقد عليه زيت..


شيلي عيون الجوله و حطيهم في تب "طشت او طست ما ادري شسمه"
وترسيه ماي..وقصي ليمونتين قسمين..وقطيهم فيه..و حطي شوي صابون فيري الي على ليمون..

وخليها فتره..

وبعدين شوفي النتيجه راح تزال الدهون بسهوله بمسحه وحده..او مسحتين..عشان ما ابالغ..

طبعا مسحيهم بسفنجه مو فوطة المطبخ..

وبلغوني بالنتايج في انتظاركم...

[بنت^النزهه]

عليكم السلام ورحمة الله وبركاته

لا آنه بشوف الدرس عملي لو سمحتي عشان اصدق واسوي حق تجاربج دعاية ;)

ضروري عشان انحطه بدفتر التجارب :)

ودمتم سالمين

[بنت الكويت]

لو قايله قبل ما اسويلهم تنظيفكو جان صورتهم و حطيتهم..

خنشوف من الاعضاء الي بيطبقون يصورون لنا..

نسيت اقول ان الماي يفضل يكون ساخن..
لو تزاودينه يعني شوي ماي فاتر و شوي ماي مغلي احسن..

[بو فراس]

وعليكم السلام و الرحمه


ناقصه الصور يا بنت الكويت :)

[بنت الكويت]

بو فراس..

الدرس القادم باذن الله..

[بو فراس]

ان شاء الله

ونحن بالانتظار

[بشـــــرى]

يعطيج العافية بنت الكويت ..

كان ودي أجربها وأصورها .. لكن اكتشفت أن عيون جولتنا سودا :)

إن حصل بروح بيت أختي أجرب .. ماكو شغل :)

[غصون]

يعطيج العافية مشرفتنا ..

[النـــدى]

السلام عليكم

صح كلامج

لان الليمون صراحه شي عجــــــــــــــيب في التنظيف حق كل شي
حتى اذا اي شي طاح بالزولية على طول فركي بالليمون..
صج صج الليمون حق التنظيف اووووووكييييي :)
وكان ودي اجرب واحطلكم بس انا مانظف الجولة للاسف:D

دوام واذا بطبخ اطبخ سريع واطلع :)
يبيله وحده فااضية


عالعموم مشكووووووووووووووووووووووره
وبانتظار الدرس القادم