الحقيبة المدرسية

[بشـــــرى]

http://www.mygift.com/bags/02e002blu_big_image.jpg


هذه بعض الارشادات لولي أمر الطالب حول حمل الحقائب للطالب:

1-ألا يحمل الحقيبة على أحد الكتفين فقط بل عليه أن يحملها على الكتفين وتكون مفرودة مع رفع الرأس وذلك لتوزيع الحمل على الجسم.

2-عدم استخدام الحقيبة ذات العجلات والتي من أضرارها:
أ-قد تسبب في انحناءات العمود الفقري نتيجة ميوله جهة الثقل أو الميل.
ب- قد تكون مصدر خطر له من خلال العبث او اللهو بها في الشارع أو الطرقات.

3-عند جلوسه لانتظار السيارة أثناء الدوام أو الانصراف عليه أن يضع الحقيبة على الأرض وأن لا يبقيها على كتفه.

[بنت الكويت]

شكرا بشرى عالموضوع..

رااحت ظهور عيالنا و السبه هالجناط...الله المستعان..

[بشـــــرى]

صاجة بنت الكويت

الواحد فيهم تكون جنطته أثقل منه

[أوراد]

يعطيج العافية بشرى فعلا نصائح قيمة..
والله الجناط وايد كنا نعاني من ثقلهم..
بس أنا أشوف الجناط بالعجلات اتخفف الثقل عن الظهر مو مثلنا أحنا كنا نموت صراحة..
خصوصا اليهال الاصغار أحس وايد ثقيلة عليهم .. في يهال صراحة نتفه وينهم وينهم كل هالثقل ..

[بشـــــرى]

اي والله كلنا كنا نعاني منها ..

بس لو تلاحظين ن الشنطة أم العجلات بعد لها مضار على العمود الفقري أكثر من الشنطة العادية

ومشكورة على المرور أوراد الحلوة وحياج الله ;)

[أمووورة]

والله يا بشرى آنا سمعت في ادارة مدرسة مانعة الجناط اللي فيها تواير ..

قولي ليش ؟

مو عشان لا تضر الطالبات .. لأ ... عشان ماتزلغ أرضيات المدرسة ://

مايفكرون بالطالب كثر مايفكرون بالكاشي :// <<< عشنا وشفنا :p


بصراحة هذي مشكلة .. واعتقد الوزارة لازم يشوفون لنا فيها حل .. الطلبة صغار وكبار انكسرت ظهورهم من شيله هالكتب


كل الشكر لج عزيزتي بشرى على النصايح .. اللي ممكن تخفف من خطورة شيلة هالأثقال على الطلبة ..

يعطيج العافية .. وتقبلي تحياتي .. أمووورة :)

[بو سعود مع بو جاسم]

والي جنطت مدرسته تبلغ 2طن؟

[أمووورة]

ههههههههههههههههههههههههههه بو سعود


كون الجنطة ثقيلة هذا شي ما بيدنا نسوي له شي .. اذا مدرستكم فيها لوكرات (خزانات) حق الطلبة اخذ لك واحد تحط فيه كتبك

عشان ماتشيلهم طول اليوم ..

أما إذا ماعندك .. فلازم تحرص ان جنطتك تكون صحية وتشيلها بطريقة مناسبة عشان ماتعور ظهرك

اول شي تكون احزمتها عريضة وفيها اسنفج عشان ماتعور الكتفين ..

ثاني شي .. المفروض يكون ظهر الجنطة ( الجانب الملامس لظهرك) قوي ومدعم بطبقة اسفنجية ..

ثالث شي .. حمل الحقيبة على كلا الكتفين مو جتف واحد عشان مع المدة ما يؤدي إلى تشوهات في الظهر ..

رابع شي .. يفضل ان يكون في الجنطة حزام يلف حول الخصر بحيث يسحب الحقيبه باتجاه الجسم ..

خامس شي .. ترتيب الحاجيات في الجنطة بحيث تتدرج من الكبيرة الى الصغيرة وعدم وضع حاجيات غير مستوية في اتجاه الظهر ..

سادس شي . والأهم لما تبي تشيل جنطتك من على الأرض .. اثني ركبتيك وانت تشيلها عشان مايتعور ظهرك ..

هذي شوية معلومات عرفتها في محاضرة حضرتها في احدى المدارس عن الحقيبة المدرسية وقامت بشرحها اخصائية علاج طبيعي ..

اتمنى تديرون بالك على انفسكم ..

تحياتي للجميع

:cool:

[الثواقب]

مشكوووره بشرى على الموضووع

تصدقيين وااحد معاانه بالمدرسه جتفه اليميين مااايل بسبة الجنطه !!:(:(:(:(

[أمووورة]

مسكين الله يعينه بصراحة ..

المفروض يراجع أخصائي العلاج الطبيعي في المستشفى عشان يقيم حالته ويساعده

ياليتك تقول له يا الثواقب وتكسب فيه اجر

تحياتي :)

[النـــدى]

ههههههه

حلوه هاذي خايفين على كاشي المدرسه :)

يحليلهم الناظرات يبدعون..

شكرا لكم عالموضوع

شكرا بشرى والله يردج لنا بالسلامه لج وحشه غريبه :)