مشاكل المعلمات أيام الإختبارات

[Eqbal]

السلام عليكم .
هذه أول مشاركة لي في المنتدى ، أرجو أن يعجبكم الموضوع :

ما هي أكبر مشكلة تواجهها المعلمات أيام الإختبارات ؟ :confused:

إذا أنت معلمة في المرحلة المتوسطة أو الثانوية فاكبر مشكلة هي التأخير في المدرسة لما بعد وقت العمل للتصحيح و الرصد قبل الخروج من المدرسة حتى لو اضطررت للبقاء لساعة متأخرة جدا :icon17: يعني راح تبكين !!

و إذا عندك أبناء و لازم تدرسين وتراجعين الدروس و تساعدينهم في الدراسة :icon162: لا تقولين أنا تعبانة ما أقدر 65: تنطقين و لا بس شاطرة تدرسين بنات خلق الله وما لج خلق تدرسين اعيالج !!!

و ممنوع التأخير أو الاستئذان و ما فيه غياب :icon162: ترى باجر ينطرونج عند التوقيع و بدال المراقبة مراقبتين ::<
ما عليه :cool: كلها أسبوع أو أسبوعين و نخلص .

[بنت الكويت]

هههههههه الله يعين مدرسات المتوسط و الثنوي

انا ابتدائي ارحم بس مربية فصل حوسه مع الشهادات

[بشـــــرى]

هلا اقبال حياج الله

انا كنت ادرس ثانوي بعدين نقلت متوسط .. وبعدين حولت ابتدائي

وكانت مشكلتي التصحيح في الثانوي نتأخر لي 8 .. وبالمتوسط لي 5 .. وفي الابتدائي حدي مرتاحة :) لا امتحانات ولا عوار راس

بس مثل ما قالت بنت الكويت إذا كنت مربية يطلعون عينج ... :)

[نعومة]

اي ماشاءالله عليكم ريحتوا نفسكم :)

بس زين تسووون

أما آنا فما أقدر أستغني عن الثانوية مع انها هاده حيلي ولا اني ادرس الماء والهواء من حولنا بعد دراسة تخصص الكيمياء بالجامعة :)


صح لسانج اقبال ومشكووورة

[Eqbal]

عورتوا قلبي المدرسات

ماحد فينا مرتاح

أختي مدرسة ابتدائي و أيام الشهادات

لما تقعد تسوي الملف الانجازي

يا ويلنا إذا أحد إشتكى من التعب أو كثرة الشغل

طبعا تورينا إهيه الويل لأنها تشتغل شكاوي :

ما حد حاس فيها

الي تعبان إهيه

إحنا كلنا مانعرف شنوا التعب

لو واحد فينا يمسك ملف واحد ويقعد يشتغل مثلها شان حس بالتعب

وإلخ .... إلخ .....إلخ ....

لما بصراحة نقعد نطالع بعض ودنا نذبح اللي اشتكا قدامها

و بصراحة إهيه صج تعبانه

أنا أصلاً كنت بروح ابتدائي بس خفت ما أمشي عدل

وكل فترة وفترة الشيطان يوزني أروح أقدم نقل بس بعدين استخير و أغير رايي

كل ربعي اللي راحوا ابتدائي دايماً يحاولون فينا و يقولون إنهم مرتاحين بس ما أصدقهم

مو لأنا أختي مدرسة ابتدائي بس

بعد لأني مقتنعة إنا ما في مدرسة إلا وتشتغل حتى لو ما تبي غصب عنها لأنها ملزومة بجدول وبلاوي ثانية

بس الامتحانات غير

أيامها شوي قشر لأني أقعد أصلح و ما لي خلق وبعد لأني مواصلة كل النهار وطول الوقت قلبي ماكلني

لأن العيال ما راح يدرسون لو أموت إلا إذا جيتهم مثل عزرائيل وقعدت أصرخ عليهم مثل المهبولة وأهددهم

إذا ما درسوا

يا إني باذبحهم

أو إني با أموت بأزمة قلبية

أو أذبح أبوهم اللي ما أدري إشلون يختفي من البيت

وبعد ما تمر أيام الامتحانات على خير !!!

بدون ما انهبل أو أهبل أحد

أرد آدميه مرة ثانية و أتسمح من إعيالي الفقارى و أشكر ربي إني ما ارتكبت جناية

الحمد لله إنهم بس أربع أيام مو أكثر

عموما شكرا على مشاركتكم وردكم علي

[أمووورة]

حيا الله زميلات المهنه


معاكم معلمة جيولوجيا بالمرحلة الثانوية .. ولا افكر اني اغير المرحلة بتاتاً

مرة موجه قالها لي تحسف قد شعر راسه .. زفيته :D

صج التدريس تعب .. والتصحيح تعب .. بس له لذته بصراحه لما يكون مع قروب حلو :) ولا اشرايكم ..

اللي قاهرني بس .. ان احنا مهنتنا فيها تعب وايد والمفروض يحسبون لنا ساعات اضافيه .. بس وين ياحظي ://


مشكوورة اقبال :)