المدينة الترفيهيه (^_^)‏

[عمار يا كويت]

:T_010:السلام عليكم ورحمة الله وبركاته

العيد هل هلاله .. ترم ترم ... كل الطرب يحلاله

ياربنا زيد النعم .. بعدين مادري شنو يقول تحصن جميع الحاله مادري تحسن جميع الحاله

المهم سمعوها بغثكم فيها مثل ماكل سنه اهي مقرره علينا :Tai_018:



شنو ماكو غيرها يعني ؟؟ من طلعت على الدنيا وانا اسمعها ... بس ترى خوش اغنيه ... عاشوا والله ربع الجريمبات والبخانقvv4



وبما انه عيد و ماكو اماكن بالكويت الواحد يروح لها ياسينما عاد اخذ زحمه ولويه مالها اول ولاتالي او مطاعم حق البلعه ويطلعون حرة رمضان في الاكل واللي مسويه رجيم طول رمضان اتخمبق في طلعه وحده حق احد المطاعم

اشدعوه عليج يامعوده شنو كانوا معاقبينج ماتاكلين الله يهديج برمضان ؟؟؟ :140:

او فراره في هالمجمعات وقاعدين في هالكافيهات والحين بعد هابين في الافنيوز وتضبط مع راعي الكافيه مادري منو عشان يطلعلهم طاوله فاضيه ... واخرتها بس يطلبون جاي والا قهوه وهات يامخوزز

فآنا اقترحت عليكم تروحون المدينه الترفيهيه ترى خوش مكان

ونبتدي مع شعار المشروعات السياحيه

http://www.mnq8.com/mybox/getimg.php?image=5227 (http://www.mnq8.com/mybox/getlink.php?id=5227)



ياحلوه من شعار يذكرني بأيام الطفوله البريئه ...

ولقد ذكرتك والرماح نواهل

مني وبيض الهند تقطر من دمي

فوددت تقبيل السيوف لأنها

لمعت كبــارق ثغرك المتبسمي

شكو !! المهم انه في ذكرتك عاد لحد يدقق
:T_010:

http://www.mnq8.com/mybox/getimg.php?image=5232 (http://www.mnq8.com/mybox/getlink.php?id=5232)

أووووووووووووووووه يامال هيـــــــــــــــــــــــــــــــــــي

يختلط سحر الماضي بعبق الحاضر ... كيف لا وانت تشاهد البوم الخشبي يستقبلك عند دخولك للمدينة الترفيهيه

ياسلام علي والله يطلع مني لااله الا الله

وين وزارة التربيه عني ياخذوني مدرس لغة عربيه !!

طبعا ماراح نشوف كل الالعاب راح ناخذ بعض الالعاب ونشوف في البداية قطار الموت ... ودي ادش مره الترفيهيه واشوفهم مغيرين سكة قطار الموت خلاص زهقنا منها من سنة 1984 اول ما افتحوه للحين نفس خط سير الرحله تكفى قلبوه عفسوه خلوا الاوادم ريولهم فوق وروسهم تحت مانبي تسوونه مثل مال دزني لأ يبا شوي بس خلوه يخض بطون الاوادم شوي ... يعني حلاتها جذي الواحد اول ماينزل يكون دايخ والا قاعد يرجّع عادي ترى ماكو مشاكل يعني تدرون شلون خلونا على اللي عندنا

http://www.mnq8.com/mybox/getimg.php?image=5234 (http://www.mnq8.com/mybox/getlink.php?id=5234)

وهذا اهو قطار الموت ... بدا يمشي بدا

http://www.mnq8.com/mybox/getimg.php?image=5235 (http://www.mnq8.com/mybox/getlink.php?id=5235)

جان يقعد يحوص شوي يمين وشوي يسار ... اهم شي اللي منزله ويهها يعني خايفه اشخايفه منه يايمه يبا عادي مايخرع مايخرع

http://www.mnq8.com/mybox/getimg.php?image=5237 (http://www.mnq8.com/mybox/getlink.php?id=5237)

ياسلام عليك أقوى واحد في الدنيا العالميه ... والله لو يقلب فوق حدر جان ما اشوفك رافع ايدينك

http://www.mnq8.com/mybox/getimg.php?image=5238 (http://www.mnq8.com/mybox/getlink.php?id=5238)

ها شتطل عليه

http://www.mnq8.com/mybox/getimg.php?image=5239 (http://www.mnq8.com/mybox/getlink.php?id=5239)

لابس عقال مطوّل في كراكيشه ... امسك الغتره عدل ... لأنه مو شي تكون طالع من بيتكم بغتره وترجع من غير غتره ترى بسرعه تشك فيك المره وتطلع عليك سوالف بطالية

http://www.mnq8.com/mybox/getimg.php?image=5240 (http://www.mnq8.com/mybox/getlink.php?id=5240)

شفيك طلعوا اللهم يحسن جزاهم والا شسالفتك ؟؟


http://www.mnq8.com/mybox/getimg.php?image=5241 (http://www.mnq8.com/mybox/getlink.php?id=5241)


يالله خلاص نروح حق لعبة سباق السيارات السريعه ... اهم شي سريعه وعادي تسبقها ركض

http://www.mnq8.com/mybox/getimg.php?image=5242 (http://www.mnq8.com/mybox/getlink.php?id=5242)

ها شاد حيلك عدل ؟؟ يالله على اللفه قحص قحص ما اوصيك

وندش بعدين للسيارات الاوربيه

والا اثاريهم مغيرين السيارات القديمه وحاطين هالفراريات

http://www.mnq8.com/mybox/getimg.php?image=5243 (http://www.mnq8.com/mybox/getlink.php?id=5243)

الحق الحق ياولد .. هوب هوب لاتدعمهم

هذي السياره سوت لنا لويه في الطريق ... اللي فيها مو عارفين يسوقون لما اوصلوا فوق الجسر جان يوقفون السياره مالتهم واللي يشتغلون هناك يكلمونهم امشوا ياجماعه وهذيل مطنشين ... وصارت زحمه والسيارات ورانا واقفه وصارت حوادث والخوات واقفين مطنشين ... اي ليش شفيكم محد عارف السبب

اخرتها تبون تعرفون شسالفتهم ؟؟

ركزوا عدل على روس البنت والمره اللي يمها وخصوصا صوب الحجاب الاسود عدل ... وشوفوا الحشرات اللي كانت تطير عليهم مسويتلهم قلق مو طبيعي هههههههههههههه يبا حشرات عاديه مالت زرع هذي سوت لكم كل هاللويه ؟؟

يالله هاردلك ماكو فايده سواقة حريم هذيل لو طالع لهم زهيوي جان اشصار فيهم ؟؟


يايكم بعد :Tai_018:

[عمار يا كويت]

http://www.mnq8.com/mybox/getimg.php?image=5244 (http://www.mnq8.com/mybox/getlink.php?id=5244)

خوش نافوره

http://www.mnq8.com/mybox/getimg.php?image=5245 (http://www.mnq8.com/mybox/getlink.php?id=5245)

اهو قصر باوروبا بس حق منو او ليش الله اعلم

يالله خلصنا من السيارات الاوربيه ... نكمل مشوارنا الترفيهي

http://www.mnq8.com/mybox/getimg.php?image=5246 (http://www.mnq8.com/mybox/getlink.php?id=5246)

الذهاب الى مادري وين

http://www.mnq8.com/mybox/getimg.php?image=5247 (http://www.mnq8.com/mybox/getlink.php?id=5247)

الله القطار الامريكي ... يفرك داير مدار الترفيهيه

ولسان حال اول واحد بو ازرق يقول ... :140:

بفكر في اللي ناسيني وبنسى اللي فاكرني
وبهرب من اللي شاريني وادور عاللي بايعني
وادور ليه على جرحي وصاحب الجرح مش فاكر
واقول يا عيني ليه تبكي مدام الليل ملوش اخر

ماعليه هونها وتهون يالطيب vv4



ونروح للعبة البرق ونتابع الاوادم اللي هناك شعندهم

http://www.mnq8.com/mybox/getimg.php?image=5248 (http://www.mnq8.com/mybox/getlink.php?id=5248)

وبدت تصعد شوي شوي ... يالله كل واحد يربط جوتيّه عدل عزكم الله لاتردون بيوتكم حفّاي

http://www.mnq8.com/mybox/getimg.php?image=5249 (http://www.mnq8.com/mybox/getlink.php?id=5249)

واويلاااااااه تكرفس مو طبيعي صار

http://www.mnq8.com/mybox/getimg.php?image=5255 (http://www.mnq8.com/mybox/getlink.php?id=5255)

يبووووووي مو زين الواحد يكون توه ماكل ويركبها

http://www.mnq8.com/mybox/getimg.php?image=5256 (http://www.mnq8.com/mybox/getlink.php?id=5256)

انزين بالله واحد ريوله طويله شوي ... شيسوي في هالحاله يتربع باللعبه مثلا ؟؟ :140: خو الله خالقه جذي ووده يركب شيسوي المسكين بتكسرون ريوله ؟؟

http://www.mnq8.com/mybox/getimg.php?image=5256 (http://www.mnq8.com/mybox/getlink.php?id=5256)

اي تمسك عدل وشد ريولك اكثر ... مادري شكو بس يالله شدهم حيل ابي عروقك تنط اكثر

ونركب البرج اللي يفتر يصعد فوووووق

http://www.mnq8.com/mybox/getimg.php?image=5258 (http://www.mnq8.com/mybox/getlink.php?id=5258)

دام عزج ياكويت


وبعد يايكم 55:

[أبو عبدالوهاب]

بصراحه موضوعج عجيب اختي

:D

تعليقاتج حلوهـ

وإلى الأمام اختي

ومنتظرين المزيد من إبداعاتج :)

[عمار يا كويت]

http://www.mnq8.com/mybox/getimg.php?image=5259 (http://www.mnq8.com/mybox/getlink.php?id=5259)


بوابة المدينة الترفيهيه من فوق

يالله درغن درغن ددن دغن :W_038: وندش السندباد ... عاد على كثر ما اهو المكان عادي بس مادري ليش احسه حلو ... مادري يمكن يذكرنا بسندباد وربعه علاء الدين وعلي بابا بو بكله ... سؤال احد فيكم شاف عين علي بابا الثانيه بالمسلسل ؟؟ ما اعتقد طول حلقات المسلسل وبكلته طايحه على عينه ... شدعوه ماتحلق ماتطير ماتوخر اش هالبكله اللي مايتغير مكانها ابد

http://www.mnq8.com/mybox/getimg.php?image=5260 (http://www.mnq8.com/mybox/getlink.php?id=5260)

اشرد ... هههههههههه نحشه ياصبي من ابو صماخين

http://www.mnq8.com/mybox/getimg.php?image=5263 (http://www.mnq8.com/mybox/getlink.php?id=5263)
يحليلها هذي للحين محد لقاها أم جلابيه حمراء ... مسكينه والله تكسر الخاطر .. عاد منزلين عنها بلاغ تغيب وللحين محد ردها من الساحر

http://www.mnq8.com/mybox/getimg.php?image=5271 (http://www.mnq8.com/mybox/getlink.php?id=5271)

تمشي جذي :Tr_002:

http://www.mnq8.com/mybox/getimg.php?image=5270 (http://www.mnq8.com/mybox/getlink.php?id=5270)

وعليه مسكين

http://www.mnq8.com/mybox/getimg.php?image=5269 (http://www.mnq8.com/mybox/getlink.php?id=5269)

شغل طقاقات

http://www.mnq8.com/mybox/getimg.php?image=5268 (http://www.mnq8.com/mybox/getlink.php?id=5268)

ذكرتني بوحده من طقاقه لي فنانه معروفه مرموقه يشار لها بالبنان والهلاقه

يالله غيره درغن درغن درغن درغن وندش صالة الالعاب

http://www.mnq8.com/mybox/getimg.php?image=5273 (http://www.mnq8.com/mybox/getlink.php?id=5273)

عاد ركزوا عدل وراح تشوفون الاوادم

http://www.mnq8.com/mybox/getimg.php?image=5274 (http://www.mnq8.com/mybox/getlink.php?id=5274)

واقفه في هدوء وسكينه .... تنتظر العديد من الاوادم لكي تفتر وتفتر على هالالوان جنها دراعة من سوق المباركيه

http://www.mnq8.com/mybox/getimg.php?image=5275 (http://www.mnq8.com/mybox/getlink.php?id=5275)


اشتغلت انا لله وانا اليه راجعون
http://www.mnq8.com/mybox/getimg.php?image=5282 (http://www.mnq8.com/mybox/getlink.php?id=5282)

شيط شيط شيط شيط

http://www.mnq8.com/mybox/getimg.php?image=5281 (http://www.mnq8.com/mybox/getlink.php?id=5281)
شوية شخابيط

http://www.mnq8.com/mybox/getimg.php?image=5278 (http://www.mnq8.com/mybox/getlink.php?id=5278)


ونسلم عليكم ونشوفكم على خير وفمان الله وعيدكم مبارك وكل عام وانتوا بخير والسلام عليكم ورحمة الله وبركاته

[عمار يا كويت]

بصراحه موضوعج عجيب اختي

:D

تعليقاتج حلوهـ

وإلى الأمام اختي

ومنتظرين المزيد من إبداعاتج :)

اهلا ابوعبدالوهاب انااخوك ومو اختك حرام عليك :icon17:


وكنت بكتب الموضوع منقول من صاحب القلم الظريف دندرن :Tai_018:

[أبو عبدالوهاب]

شدراني انا

خربطت شسوي

" من الجوع وانا اخوك "

D

[الرشيديه]

السلام عليكم

يعطيك الف الف الف عااااااااااااااااااااااااااااااافيه



مع اشواااااااااااااااااااااقي

[sraj-moneer]

رووووووووووووووووووووووعة يسلمووووووووووووووووو

[المليونير]

يـه يـه يـه يـه ..! :eek: ..!
مـعـقـــولـــة ..!

هذي المدينه الترفيهيه ما غيرهــا ..!
بيــــــــــــــــــــــــــــــه ..
تـــطــوووووورت والله .. و سنعوهـــا ع الاخر
عبالي دزني لاند :D

أو إن الصووور غــاشتني ..!

لأني خــابر المدينه الترفهيه على أيــام ما كان

http://www.mnq8.com/mybox/getimg.php?image=5227 (http://www.mnq8.com/mybox/getlink.php?id=5227)

^
^شليويح
مفرع .. وماله بالغتره
:D

::

تســلم إديــاتـــك صويحبي ع التقرير الررراائع
ولا عــدمــنــا مواضيعك المميـــزة


::

[عمار يا كويت]

بو وهابي انت تيوع وانا يتغير جنسي ؟ :D


الرشيديه هلا يبا ومرحبا بس اشواقج خليها لج :D


سراج منير هلا فيك يلغالي :)


المليونير هلا فيك

اي كان مفرع وبعد ما كبر لبسوه الغتره شفت التطور يا طويحبي :D

يسلم لي مرورك يلغالي